1 τριτον τουτο ερχομαι προϲ υμαϲ επι ϲτοματοϲ δυο μαρτυρων και τριων ϲταθηϲεται παν ρημα
2 προειρηκα και προλεγω ωϲ παρων το δευτερο̅ και απων νυν τοιϲ προημαρτηκοϲιν και τοιϲ λοιποιϲ παϲιν οτι εαν ελθω ειϲ το παλιν ου φειϲομαι
3 επει δοκιμη̅ ζητειτε του εν εμοι λαλουντοϲ χ̅υ̅ οϲ ειϲ υμαϲ ουκ αϲθενει αλλα δυνατει εν υμιν
4 και γαρ εϲταυρωθη εξ αϲθενειαϲ αλλα ζη εκ δυναμεωϲ θ̅υ̅ και γαρ ημειϲ αϲθενουμεν εν αυτω αλλα ζηϲομεν ϲυν αυτω εκ δυναμεωϲ θ̅υ̅
5 εαυτουϲ πειραζετε ει εϲτε εν τη πιϲτει εαυτουϲ δοκιμαζετε η ουκ επιγεινωϲκετε εαυτουϲ οτι ι̅ϲ̅ χ̅ϲ̅ εν υμιν ει μητι αδοκιμοι εϲτε
6 ελπιζω δε οτι γνωϲεϲθε οτι ημειϲ ουκ εϲμεν αδοκιμοι
7 ευχομεθα δε προϲ τον θ̅ν̅ μη ποιηϲαι υμαϲ κακον μηδεν ουχ ινα ημειϲ δοκιμοι φανωμεν αλλ ινα υμειϲ το καλον ποιητε ημειϲ δε ωϲ αδοκιμοι ωμεν
8 ου γαρ δυναμεθα τι κατα τηϲ αληθειαϲ αλλ υπερ τηϲ αληθειαϲ
9 χαιρομεν γαρ οταν ημειϲ αϲθενωμε̅ υμειϲ δε δυνατοι ητε τουτο και ευχομεθα την υμων καταρτιϲι̅
10 δια τουτο ταυτα απω̅ γραφω ινα παρων μη αποτομωϲ χρηϲωμαι κατα την εξουϲιαν ην ο κ̅ϲ̅ εδωκεν μοι ειϲ οικοδομην και ουκ ειϲ καθαιρεϲιν
11 λοιπον αδελφοι χαιρετε καταρτιζεϲθε παρακαλειϲθε το αυτο φρονειτε ειρηνευετε και ο θ̅ϲ̅ τηϲ αγαπηϲ και ειρηνηϲ εϲται μεθ υμων
12 αϲπαϲαϲθε αλληλουϲ εν αγιω φιληματι αϲπαζονται υμαϲ οι αγιοι παντεϲ
13 η χαριϲ του κ̅υ̅ ι̅υ̅ και η αγαπη του θ̅υ̅ και η κοινωνια του αγιου πνευματοϲ μετα παντων υμων