ΚΑΙΝΉ ΔΙΑΘΉΚΗ » Codex 01 Синайский кодекс — 4 век

ΜΑΡΚΟΝ 4 ΚΑΤΑ ΜΑΡΚΟΝ 4 ΚΕΦΆΛΑΙΟ

1 και παλιν ηρξατο διδαϲκιν παρα τη̅ θαλαϲϲαν και ϲυναγεται προϲ αυτον οχλοϲ πλιϲτοϲ ωϲτε αυτον ειϲ πλοιον εμβαντα καθηϲθε εν τη θαλαϲϲη και παϲ ο οχλοϲ προϲ την θαλαϲϲαν επι τηϲ γηϲ ηϲαν
2 και εδιδαϲκεν αυτουϲ πολλα εν παραβολαιϲ και ελεγεν αυτοιϲ εν τη διδαχη αυτου
3 ακουετε ιδου εξηλθεν ο ϲπιρων ϲπειραι
4 και εγενετο εν τω ϲπιρειν ο μεν επεϲε̅ παρα την οδον και ηλθεν τα πετινα και κατεφαγε̅ αυτο
5 και αλλο επεϲεν επι τα πετρωδη οπου ουκ ειχεν γην πολλην και ευθυϲ εξανετιλεν δια το μη εχι̅ βαθοϲ γηϲ
6 και οτε ανετιλεν ο ηλιοϲ εκαυματιϲθη και δια το μη εχιν ριζαν εξηρανθη
7 και αλλοϲ επεϲε̅ ειϲ ταϲ ακανθαϲ και ανεβηϲαν αι ακανθαι και ϲυνεπνιξαν αυτο και καρπον ουκ εδωκεν
8 και αλλα επεϲεν ειϲ την γην την καλην και εδιδου καρπον αναβαινοντα και αυξανομενα και εφερον ειϲ λ̅ και ειϲ ξ̅ και ειϲ ρ̅
9 και ελεγε̅ οϲ εχει ωτα ακουειν ακουετω
10 και οτε εγενετο κατα μοναϲ ηρωτουν αυτον οι περι αυτον ϲυν τοιϲ ι̅β̅ ταϲ παραβολαϲ
11 και ελεγεν αυτοιϲ υμιν το μυϲτηριον δεδοται τηϲ βαϲιλιαϲ του θ̅υ̅ εκεινοιϲ δε τοιϲ εξω εν παραβολαιϲ πα̅τα γεινεται
12 ινα βλεποντεϲ βλεπωϲι και μη ιδωϲι και ακουοντεϲ ακουωϲι και μη ϲυνιωϲιν μηποτε επιϲτρεψωϲιν και αφεθη αυτοιϲ
13 και λεγει αυτοιϲ ουκ οιδατε την παραβολην ταυτην και πωϲ παϲαϲ ταϲ παραβολαϲ γνωϲεϲθαι
14 ο ϲπιρων τον λογο̅ ϲπερει
15 ουτοι δε ειϲιν οι παρα τη̅ οδον οπου ϲπιρεται ο λογοϲ και οταν ακουϲωϲιν ευθυϲ ερχεται ο ϲαταναϲ και αρπαζει τον λογον το̅ εϲπαρμενον εν αυτοιϲ
16 και ουτοι ομοιωϲ ειϲιν οι επι τα πετρωδη ϲπιρομενοι οι οταν ακουϲωϲιν τον λογον ευθυϲ μετα χαραϲ λαμβανουϲιν αυτον
17 και ουκ εχουϲι ριζαν εν εαυτοιϲ αλλα προϲκαιροι ειϲιν ειτα γενομενηϲ θλιψεωϲ η διωγμου δια τον λογον ευθυϲ ϲκανδαλιζονται
18 και αλλοι ειϲιν οι επι ταϲ ακανθαϲ ϲπιρομενοι ουτοι ειϲιν οι ακουϲα̅τεϲ τον λογον
19 και αι μεριμναι του αιωνοϲ και η απατη του πλουτου ϲυνπνιγει τον λογον και αι παρα τα λοιπα επιθυμιαι ειϲπορευομεναι {} [7] και ακαρποϲ γεινεται
20 και εκεινοι ειϲιν οι επι την γην τη̅ καλην ϲπαρεντεϲ οιτινεϲ ακουουϲι τον λογον και παραδεχονται και καρποφορουϲιν εν λ̅ και εν ξ̅ και εν ρ̅
21 και ελεγεν αυτοιϲ μητι ερχεται ο λυχνοϲ υπο τον μοδιον τεθηναι η υπο την κλινην ουχ ινα υπο την λυχνιαν τεθη
22 ου γαρ εϲτιν τι κρυπτο̅ εαν μη ινα φανερωθη ουδε εγενετο αποκρυφον αλλ ινα ελθη ειϲ φανερον
23 ει τιϲ εχει ωτα ακουειν ακουετω
24 και ελεγεν αυτοιϲ βλεπετε τι ακουετε εν ω μετρω μετριτε μετρηθηϲεται υμιν και προϲτεθηϲετε υμιν
25 οϲ γαρ εχει δοθηϲεται αυτω και οϲ ουκ εχει και ο εχει αρθηϲεται απ αυτου
26 και ελεγεν ουτωϲ εϲτιν η βαϲιλεια του θ̅υ̅ ωϲ α̅ν̅ο̅ϲ̅ βαλη τον ϲπορο̅ επι τηϲ γηϲ
27 και καθευδη και εγειρεται νυκτα και ημεραν και ο ϲποροϲ βλαϲτανη και μηκυνηται ωϲ ουκ οιδεν αυτοϲ
28 αυτοματη η γη καρποφορει πρωτον χορτον ειτεν πληρη ϲιτον εν τω ϲταχυι
29 οταν δε παραδοι ο καρποϲ ευθυϲ αποϲτελλει το δρεπανον οτι παρεϲτηκεν ο θεριϲμοϲ
30 και ελεγεν {} [8] πωϲ ομοιωϲωμεν τη̅ βαϲιλειαν του θ̅υ̅ η εν τινι αυτην παραβολη θωμε̅
31 ωϲ κοκκω ϲιναπεωϲ οταν ϲπαρη επι τηϲ γηϲ ο μικροτερον ον πα̅των των ϲπερματων των επι τηϲ γηϲ
32 και οταν ϲπαρη αναβαινι και γεινεται μειζον παντων των λαχανων και ποιει κλαδουϲ μεγαλουϲ ωϲτε δυναϲθαι υπο την ϲκιαν αυτου τα πετινα του ο̅υ̅ν̅ο̅υ̅ καταϲκηνουν
33 και τοιαυταιϲ παραβολαιϲ πολλαιϲ ελαλει αυτοιϲ το̅ λογον καθωϲ ηδυναντο ακουει̅
34 χωριϲ δε παραβοληϲ ουκ ελαλει αυτοιϲ κατ ιδιαν δε τοιϲ ιδιοιϲ μαθηταιϲ επελυεν παντα
35 και λεγει αυτοιϲ εν εκινη τη ημερα οψιαϲ γενομενηϲ διελθωμεν ειϲ το περαν
36 και αφεντεϲ τον οχλον παραλαμβανουϲιν αυτον ωϲ ην εν τω πλοιω και αλλα πλοια ηϲαν μετ αυτου
37 και γεινεται λαιλαψ μεγαϲ ανεμου και τα κυματα επεβαλεν ειϲ το πλοιον {} [9]
38 και αυτοϲ ην εν τη πρυμνη επι το προϲκεφαλαιον καθευδων και εγιρουϲιν αυτον και λεγουϲιν αυτω διδαϲκαλε ου μελι ϲοι οτι απολλυμεθα
39 και διεγερθειϲ επετιμηϲεν τω ανεμω και ειπεν τη θαλαϲϲη ϲιωπα πεφιμωϲο και εκοπαϲεν ο ανεμοϲ και εγενετο γαληνη μεγαλη
40 και ειπεν αυτοιϲ τι δειλοι εϲτε ουπω εχετε πιϲτι̅
41 και εφοβηθηϲα̅ φοβον μεγαν και ελεγον προϲ αλληλουϲ τιϲ αρα ουτοϲ εϲτιν οτι και ο ανεμοϲ και η θαλαϲϲα αυτω υπακουει

Примечания:

19  [7] {ϲυνπνιγουϲιν τον λογον}
30  [8] {αυτοιϲ}
37  [9] {ωϲτε ηδη γεμιζεϲθαι το πλοιον}

Нашли в тексте ошибку? Выделите её и нажмите: Ctrl + Enter

Евангелие от Марка, 4 ΚΕΦΆΛΑΙΟ. Синайский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ СЛУЖЕНИЕ

ΜΑΡΚΟΝ 4 ΚΕΦΆΛΑΙΟ в переводах:
ΜΑΡΚΟΝ 4 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.