ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΜΑΡΚΟΝ 10 ΚΑΤΑ ΜΑΡΚΟΝ 10 ΚΕΦΆΛΑΙΟ

1 και εκειθεν αναϲταϲ ερχεται ειϲ τα ορια τηϲ ιουδαιαϲ και περαν του ιορδανου και ϲυνπορευονται παλιν οχλοι προϲ αυτον και ωϲ ειωθει παλιν εδιδαϲκεν αυτουϲ
2 και προϲελθοντεϲ φαρειϲαιοι επηρωτων αυτον ει εξεϲτιν ανδρι γυναικα απολυϲαι πειραζοντεϲ αυτον
3 ο δε αποκριθειϲ ειπεν αυτοιϲ τι υμιν ενετειλατο μωυϲηϲ
4 οι δε ειπαν επετρεψεν μωυϲηϲ βιβλιον αποϲταϲιου γραψαι και απολυϲαι
5 ο δε ι̅ϲ̅ ειπεν αυτοιϲ προϲ την ϲκληροκαρδιαν υμων εγραψεν υμιν την εντολη̅ ταυτην
6 απο δε αρχηϲ κτιϲεωϲ αρϲεν και θηλυ εποιηϲεν αυτουϲ
7 ενεκεν τουτου καταλιψει ανθρωποϲ τον πατερα αυτου και την μητερα
8 και εϲονται οι δυο ειϲ ϲαρκα μιαν ωϲτε ουκετι ειϲιν δυο αλλα μια ϲαρξ
9 ο ουν ο θ̅ϲ̅ ϲυνεζευξεν ανθρωποϲ μη χωριζετω
10 και ειϲ την οικιαν παλιν οι μαθηται περι τουτου επηρωτων αυτον
11 και λεγει αυτοιϲ οϲ αν απολυϲη την γυναικα αυτου και γαμηϲη αλλην μοιχαται επ αυτην
12 και εαν αυτη απολυϲαϲα τον ανδρα αυτηϲ γαμηϲη αλλον μοιχαται
13 και προϲεφερον αυτω παιδια ινα αυτων αψηται οι δε μαθηται επετειμηϲαν αυτοιϲ
14 ιδω̅ δε ο ι̅ϲ̅ ηγανακτηϲεν και ειπεν αυτοιϲ αφετε τα παιδια ερχεϲθαι προϲ με μη κωλυετε αυτα τω̅ γαρ τοιουτων εϲτιν η βαϲιλεια του θ̅υ̅
15 αμη̅ λεγω υμιν οϲ αν μη δεξηται την βαϲιλειαν του θ̅υ̅ ωϲ παιδιον ου μη ειϲελθη ειϲ αυτην
16 και εναγκαλιϲαμενοϲ αυτα κατευλογει τιθειϲ ταϲ χειραϲ επ αυτα
17 και εκπορευομενου αυτου ειϲ οδον προϲδραμων ειϲ και γονυπετηϲαϲ αυτον επηρωτα αυτον διδαϲκαλε αγαθε τι ποιηϲω ινα ζωην αιωνιον κληρονομηϲω
18 ο δε ι̅ϲ̅ ειπεν αυτω τι με λεγειϲ αγαθο̅ ουδειϲ αγαθοϲ ει μη ειϲ ο θ̅ϲ̅
19 ταϲ εντολαϲ οιδαϲ μη φονευϲηϲ μη μοιχευϲηϲ μη κλεψηϲ μη ψευδομαρτυρηϲηϲ {} [20] τειμα τον πατερα ϲου και την μητερα
20 ο δε εφη αυτω διδαϲκαλε ταυτα παντα εφυλαξαμην εκ νεοτητοϲ μου
21 ο δε ι̅ϲ̅ εμβλεψαϲ αυτω ηγαπηϲεν αυτον και ειπεν αυτω εν ϲε υϲτερει υπαγε οϲα εχειϲ πωληϲον και δοϲ πτωχοιϲ και εξειϲ θηϲαυρον ε̅ ουρανω και δευρο ακολουθει μοι
22 ο δε ϲτυγναϲαϲ επι τω λογω απηλθεν λυπουμενοϲ ην γαρ εχων κτηματα πολλα
23 και περιβλεψαμενοϲ ο ι̅ϲ̅ λεγει τοιϲ μαθηταιϲ αυτου πωϲ δυϲκολωϲ οι τα χρηματα εχοντεϲ ειϲ την βαϲιλειαν του θ̅υ̅ ειϲελευϲονται
24 οι δε μαθηται εθαμβουντο επι τοιϲ λογοιϲ αυτου ο δε ι̅ϲ̅ παλιν αποκριθειϲ λεγει αυτοιϲ τεκνα πωϲ δυϲκολον εϲτιν ειϲ την βαϲιλειαν του θ̅υ̅ ειϲελθειν
25 ευκοπωτερο̅ εϲτιν καμηλον δια τηϲ τρυμαλιαϲ τηϲ ραφιδοϲ διελθειν η πλουϲιον ειϲ την βαϲιλεια̅ του θ̅υ̅ ειϲελθειν
26 οι δε περιϲϲωϲ εξεπληϲϲο̅το λεγοντεϲ προϲ αυτον και τιϲ δυναται ϲωθηναι
27 εμβλεψαϲ αυτοιϲ ο ι̅ϲ̅ λεγει παρα ανθρωποιϲ αδυνατο̅ αλλ ου παρα θ̅ω̅ παντα γαρ δυνατα παρα θ̅ω̅
28 ηρξατο λεγειν ο πετροϲ αυτω ιδου ημειϲ αφηκαμεν παντα και ηκολουθηκαμεν ϲοι
29 εφη ο ι̅ϲ̅ αμην λεγω υμιν ουδειϲ εϲτιν οϲ αφηκεν οικιαν η αδελφουϲ η αδελφαϲ η μητερα η πατερα η τεκνα η αγρουϲ ενεκεν εμου και του ευαγγελιου
30 εαν μη λαβη εκατονταπλαϲιονα νυν εν τω καιρω τουτω οικιαϲ και αδελφουϲ και αδελφαϲ και μητεραϲ και τεκνα και αγρουϲ μετα διωγμω̅ και εν τω αιωνι τω ερχομενω ζωην αιωνιαν
31 πολλοι δε εϲονται πρωτοι εϲχατοι και οι εϲχατοι πρωτοι
32 ηϲαν δε εν τη οδω αναβαινοντεϲ ειϲ ιεροϲολυμα και ην προαγων αυτουϲ ο ι̅ϲ̅ και εθαμβουντο οι δε ακολουθουντεϲ εφοβουντο και παραλαβων παλιν τουϲ δωδεκα ηρξατο αυτοιϲ λεγειν τα μελλοντα αυτω ϲυμβαινειν
33 οτι ιδου αναβαινομεν ειϲ ιεροϲολυμα και ο υιοϲ του ανθρωπου παραδοθηϲεται τοιϲ αρχιερευϲιν και τοιϲ γραμματευϲιν και κατακρινουϲιν αυτον θανατω και παραδωϲουϲιν αυτον τοιϲ εθνεϲιν
34 και εμπαιξουϲιν αυτω και εμπτυϲουϲιν αυτω και μαϲτειγωϲουϲιν αυτο̅ και αποκτενουϲιν και μετα τρειϲ ημεραϲ αναϲτηϲεται
35 και προϲπορευονται αυτω ιακωβοϲ και ιωανηϲ οι δυο υιοι ζεβεδαιου λεγοντεϲ αυτω διδαϲκαλε θελομεν ινα ο εαν αιτηϲωμεν ϲε ποιηϲηϲ ημι̅
36 ο δε ειπεν αυτοιϲ τι θελετε με ποιηϲω υμιν
37 οι δε ειπαν αυτω δοϲ ημιν ινα ειϲ ϲου εκ δεξιων και ειϲ εξ αριϲτερων καθιϲωμεν εν τη δοξη ϲου
38 ο δε ι̅ϲ̅ ειπε̅ αυτοιϲ ουκ οιδατε τι αιτειϲθε δυναϲθε πιειν το ποτηριον ο εγω πεινω η το βαπτιϲμα ο εγω βαπτιζομαι βαπτιϲθηναι
39 οι δε ειπαν αυτω δυνομεθα ο δε ι̅ϲ̅ ειπεν αυτοιϲ το ποτηριον ο εγω πεινω πιεϲθε και το βαπτιϲμα ο εγω βαπτιζομαι βαπτιϲθηϲεϲθε
40 το δε καθιϲαι εκ δεξιων μου η εξ ευωνυμων ουκ εϲτι̅ εμον δουναι αλλ οιϲ ητοιμαϲται
41 και ακουϲαντεϲ οι δεκα ηρξαντο αγανακτειν περι ιακωβου και ιωανου
42 και προϲκαλεϲαμενοϲ αυτουϲ ο ι̅ϲ̅ λεγει αυτοιϲ οιδατε οτι οι δοκουντεϲ αρχειν των εθνω̅ κατακυριευουϲιν αυτων και οι μεγαλοι αυτων κατεξουϲιαζουϲιν αυτων
43 ουχ ουτωϲ δε εϲτιν εν υμιν αλλ οϲ αν θελη μεγαϲ γενεϲθαι εν υμιν εϲται υμω̅ διακονοϲ
44 και οϲ αν θελη εν υμιν ειναι πρωτοϲ εϲται παντων δουλοϲ
45 και γαρ ο υιοϲ του ανθρωπου ουκ ηλθε̅ διακονηθηναι αλλα διακονηϲαι και δουναι την ψυχην αυτου λυτρον αντι πολλω̅
46 {} [21] και εκπορευομενου αυτου απο ιερειχω και των μαθητων αυτου και οχλου ικανου ο υιοϲ τειμαιου βαρτειμαιοϲ τυφλοϲ προϲαιτηϲ εκαθητο παρα την οδον
47 και ακουϲαϲ οτι ι̅ϲ̅ εϲτιν ο ναζαρηνοϲ ηρξατο κραζειν και λεγειν υιε δαυειδ ι̅υ̅ ελεηϲον με
48 και επετειμων αυτοι πολλοι ινα ϲιωπηϲη ο δε πολλω μαλλον εκραζεν υιε δαυειδ ελεηϲον με
49 και ϲταϲ ο ι̅ϲ̅ ειπεν φωνηϲατε αυτον και φωνουϲι τον τυφλον λεγοντεϲ αυτω θαρϲει εγειρε φωνει ϲε
50 ο δε αποβαλων το ιματιο̅ αυτου αναπηδηϲαϲ ηλθεν προϲ τον ι̅ν̅
51 και αποκριθειϲ αυτω ο ι̅ϲ̅ ειπεν τι ϲοι θελειϲ ποιηϲω ο δε τυφλοϲ ειπε̅ αυτω ραββουνει ινα αναβλεψω
52 και ο ι̅ϲ̅ ειπε̅ αυτω υπαγε η πιϲτιϲ ϲου ϲεϲωκεν ϲε και ευθυϲ ανεβλεψεν και ηκολουθει αυτω εν τη οδω

Примечания:

19  [20] {μη αποϲτερηϲηϲ}
46  [21] {και ερχονται ειϲ ιερειχω}

Нашли в тексте ошибку? Выделите её и нажмите: Ctrl + Enter

Евангелие от Марка, 10 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ СЛУЖЕНИЕ

ΜΑΡΚΟΝ 10 ΚΕΦΆΛΑΙΟ в переводах:
ΜΑΡΚΟΝ 10 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.