1 και {εξηθεν} [12] εκειθε̅ και ερχεται ειϲ την πατριδα αυτου και ακολουθουϲιν αυτω οι μαθηται αυτου
2 και γενομενου ϲαββατου ηρξατο διδαϲκειν εν τη ϲυναγωγη και οι πολλοι ακουοντεϲ εξεπληϲϲοντο λεγοντεϲ ποθεν τουτω ταυτα και τιϲ η ϲοφια η δοθειϲα τουτω και αι δυναμειϲ τοιαυται δια των χειρων αυτου γεινομεναι
3 ουχ ουτοϲ εϲτι̅ ο τεκτων ο υιοϲ τηϲ μαριαϲ και αδελφοϲ ιακωβου και ιωϲητοϲ και ιουδα και ϲιμωνοϲ και ουκ ειϲιν αι αδελφαι αυτου ωδε προϲ ημαϲ και εϲκανδαλιζοντο εν αυτω
4 και ελεγεν αυτοιϲ ο ι̅ϲ̅ οτι ουκ εϲτιν προφητηϲ ατειμοϲ ει μη εν τη πατριδι αυτου και εν τοιϲ {ϲυγγενευϲιν} [13] αυτου και εν τη οικια αυτου
5 και ουκ εδυνατο εκει ποιηϲαι ουδεμιαν δυναμιν ει μη ολιγοιϲ αρρωϲτοιϲ επιθειϲ ταϲ χειραϲ εθεραπευϲεν
6 και εθαυμαϲεν δια την απιϲτιαν αυτων και περιηγεν ταϲ κωμαϲ κυκλω διδαϲκων
7 και προϲκαλειται τουϲ δωδεκα και ηρξατο αυτουϲ αποϲτελλειν δυο δυο και εδιδου αυτοιϲ εξουϲιαν των πνευματω̅ των ακαθαρτων
8 και παρηγγειλεν αυτοιϲ ινα μηδεν αιρωϲιν ειϲ οδον ει μη ραβδον μονον μη αρτον μη πηραν μη ειϲ την ζωνη̅ χαλκον
9 αλλα υποδεδεμενουϲ ϲανδαλια και μη ενδυϲαϲθε δυο χιτωναϲ
10 και ελεγεν αυτοιϲ οπου εαν ειϲελθητε ειϲ οικιαν εκει μενετε εωϲ αν εξελθητε εκειθεν
11 και οϲ αν τοποϲ μη δεξηται υμαϲ μηδε ακουϲωϲιν υμων εκπορευομενοι εκειθε̅ εκτιναξατε τον χου̅ τον υποκατω των ποδων υμων ειϲ μαρτυριον αυτοιϲ
12 και εξελθοντεϲ εκηρυξαν ινα μετανοωϲιν
13 και δαιμονια πολλα εξεβαλλο̅ και ηλειφον ελαιω πολλουϲ αρρωϲτουϲ και εθεραπευον
14 και ηκουϲεν ο βαϲιλευϲ ηρωδηϲ φανερον γαρ εγενετο το ονομα αυτου και ελεγον οτι ιωανηϲ ο βαπτιζων εγηγερται εκ νεκρων και δια τουτο ενεργουϲιν αι δυναμειϲ εν αυτω
15 αλλοι δε ελεγον οτι ηλειαϲ εϲτι̅ αλλοι δε ελεγον οτι προφητηϲ ωϲ ειϲ των προφητων
16 ακουϲαϲ δε ο ηρωδηϲ ελεγεν ον εγω απεκεφαλιϲα ιωανη̅ ουτοϲ ηγερθη
17 αυτοϲ γαρ ο ηρωδηϲ αποϲτειλαϲ εκρατηϲεν τον ιωανην και εδηϲεν αυτο̅ εν φυλακη δια ηρωδιαδα {} [14] φιλιππου του αδελφου αυτου οτι αυτην εγαμηϲεν
18 ελεγεν γαρ ο ιωανηϲ τω ηρωδη οτι ουκ εξεϲτιν ϲοι εχει̅ την γυναικα του αδελφου ϲου
19 η δε ηρωδιαϲ ενειχεν αυτω και ηθελεν αυτον αποκτειναι και ουκ ηδυνατο
20 ο γαρ ηρωδηϲ εφοβειτο τον ιωανην ειδωϲ αυτον ανδρα δικαιον και αγιο̅ ϲυνετηρει αυτον και ακουϲαϲ αυτου πολλα ηπορει και ηδεωϲ αυτου ηκουεν
21 και γενομενηϲ ημεραϲ ευκαιρου οτε ηρωδηϲ τοιϲ γενεϲιοιϲ αυτου δειπνον εποιηϲεν τοιϲ μεγιϲταϲιν αυτου και τοιϲ χειλιαρχοιϲ και τοιϲ πρωτοιϲ τηϲ γαλειλαιαϲ
22 και ειελθουϲηϲ τηϲ θυγατροϲ αυτου ηρωδιαδοϲ και ορχηϲαμενηϲ ηρεϲεν τω ηρωδη και τοιϲ ϲυνανακειμενοιϲ ο δε βαϲιλευϲ ειπεν τω κοραϲιω αιτηϲον με ο εα̅ θεληϲ και δωϲω ϲοι
23 και ωμοϲεν αυτη οτι εαν με αιτηϲηϲ δωϲω ϲοι εωϲ ημιϲουϲ τηϲ βαϲιλειαϲ μου
24 και εξελθουϲα ειπεν τη μητρι αυτηϲ τι αιτηϲωμαι η δε ειπε̅ την κεφαλην ιωανου του βαπτιζοντοϲ
25 και ειϲελθουϲα ευθυϲ μετα ϲπουδηϲ προϲ τον βαϲιλεα ητηϲατο λεγουϲα θελω ινα εξαυτηϲ δωϲ μοι επι πινακι τη̅ κεφαλην ιωανου του βαπτιϲτου
26 και περιλυποϲ γενομενοϲ ο βαϲιλευϲ δια τουϲ ορκουϲ και τουϲ ανακειμενουϲ ουκ ηθεληϲεν αθετηϲαι αυτην
27 και ευθυϲ αποϲτειλαϲ ο βαϲιλευϲ ϲπεκουλατορα επεταξεν ενεγκαι την κεφαλην αυτου και απελθων απεκεφαλιϲεν αυτον εν τη φυλακη
28 και ηνεγκεν την κεφαλην αυτου επι πινακι και εδωκεν αυτην τω κοραϲιω και το κοραϲιον εδωκεν αυτην τη μητρι αυτηϲ
29 και ακουϲαντεϲ οι μαθηται αυτου ηλθαν και ηραν το πτωμα αυτου και εθηκαν αυτο εν μνημειω
30 και ϲυναγονται οι αποϲτολοι προϲ τον ι̅ν̅ και απηγγειλαν αυτω παντα οϲα εποιηϲαν και οϲα εδιδαξαν
31 και λεγει αυτοιϲ δευτε υμειϲ αυτοι καθ ιδιαν ειϲ ερημον τοπον και αναπαυϲαϲθε ολιγον ηϲαν γαρ οι ερχομενοι και οι υπαγοντεϲ πολλοι και ουδε φαγειν ευκαιρουν
32 και απηλθο̅ εν τω πλοιω ειϲ ερημο̅ τοπον κατ ιδιαν
33 και ειδον αυτουϲ υπαγονταϲ και εγνωϲαν πολλοι και πεζη απο παϲων τω̅ πολεων ϲυνεδραμο̅ εκει και προηλθον αυτουϲ
34 και εξελθων ειδεν πολυν οχλον και εϲπλαγχνιϲθη επ αυτουϲ οτι ηϲαν ωϲ προβατα μη εχοντα ποιμενα και ηρξατο διδαϲκειν αυτουϲ πολλα
35 και ηδη ωραϲ πολληϲ γενομενηϲ προϲελθοντεϲ αυτω οι μαθηται αυτου ελεγον οτι ερημοϲ εϲτιν ο τοποϲ και ηδη ωρα πολλη
36 απολυϲον αυτουϲ ινα απελθοντεϲ ειϲ τουϲ κυκλω αγρουϲ και κωμαϲ αγοραϲωϲιν εαυτοιϲ τι φαγωϲιν
37 ο δε αποκριθειϲ ειπεν αυτοιϲ δοτε αυτοιϲ υμειϲ φαγειν και λεγουϲιν αυτω απελθοντεϲ αγοραϲωμεν δηναριων διακοϲιων αρτουϲ και δωϲομεν αυτοιϲ φαγειν
38 ο δε λεγει αυτοιϲ ποϲουϲ εχετε αρτουϲ υπαγετε ιδετε και γνοντεϲ λεγουϲιν πεντε και δυο ιχθυαϲ
39 και επεταξεν αυτοιϲ {ανακλειθηναι} [15] πανταϲ ϲυμποϲια ϲυμποϲια εν τω χλωρω χορτω
40 και ανεπαϲαν πραϲιαι πραϲιαι κατα εκατον και κατα πεντηκο̅τα
41 και λαβων τουϲ πεντε αρτουϲ και τουϲ δυο ιχθυαϲ αναβλεψαϲ ειϲ τον ουρανον ευλογηϲεν και κατεκλαϲεν τουϲ αρτουϲ και εδιδου τοιϲ μαθηταιϲ ινα παρατιθωϲιν αυτοιϲ και τουϲ δυο ιχθυαϲ εμεριϲεν παϲιν
42 και εφαγον παντεϲ και εχορταϲθηϲα̅
43 και ηραν κλαϲματα δωδεκα κοφινων πληρωματα και απο των ιχθυων
44 και ηϲαν οι φαγοντεϲ τουϲ αρτουϲ πεντακιϲχειλιοι ανδρεϲ
45 και ευθυϲ ηναγκαϲεν τουϲ μαθηταϲ αυτου εμβηναι ειϲ το πλοιο̅ και προαγειν ειϲ το περαν προϲ βηθϲαιδαν εωϲ αυτοϲ απολυει το̅ οχλον
46 και αποταξαμενοϲ αυτοιϲ απηλθεν ειϲ το οροϲ προϲευξαϲθαι
47 και οψιαϲ γενομενηϲ ην το πλοιον εν μεϲω τηϲ θαλαϲϲηϲ και αυτοϲ μονοϲ επι τηϲ γηϲ
48 και ιδων αυτουϲ βαϲανιζομενουϲ εν τω ελαυνειν ην γαρ ο ανεμοϲ εναντιοϲ αυτοιϲ περι τεταρτην φυλακην τηϲ νυκτοϲ ερχεται προϲ αυτουϲ περι παντων επι τηϲ θαλαϲϲηϲ και ηθελεν παρελθειν αυτουϲ
49 οι δε ιδοντεϲ αυτον επι τηϲ θαλαϲϲηϲ περιπατουντα εδοξαν οτι φα̅ταϲμα εϲτιν και ανεκραξαν
50 παντεϲ γαρ αυτον ειδαν και εταραχθηϲαν ο δε ευθυϲ ελαληϲεν μετ αυτων και λεγει αυτοιϲ θαρϲειτε εγω ειμι μη φοβειϲθε
51 και ανεβη προϲ αυτουϲ ειϲ το πλοιον και εκοπαϲεν ο ανεμοϲ και λειαν εν εαυτοιϲ εξειϲτα̅το
52 ου γαρ ϲυνηκαν επι τοιϲ αρτοιϲ αλλ ην αυτων η καρδια πεπωρωμενη
53 και διαπεραϲα̅τεϲ επι την γην ηλθο̅ ειϲ γεννηϲαρεθ και προϲωρμιϲθηϲαν
54 και εξελθοντων {} [16] εκ του πλοιου ευθυϲ επιγνοντεϲ αυτον
55 περιεδραμον ολην την χωραν εκεινην και ηρξαντο επι τοιϲ κραβαττοιϲ τουϲ κακωϲ εχονταϲ περιφερειν οπου ηκουον οτι εϲτιν
56 και οπου α̅ ειϲεπορευετο ειϲ κωμαϲ η ειϲ πολειϲ η ειϲ αγρουϲ εν ταιϲ αγοραιϲ ετιθεϲαν τουϲ αϲθενουνταϲ και παρεκαλουν αυτον ινα καν του κραϲπεδου του ιματιου αυτου αψω̅ται και οϲοι αν ηψαντο αυτου εϲωζοντο
Примечания:
1 [12] {εξηλθεν}
4 [13] {ϲυγγενεϲιν}
17 [14] {την γυναικα}
39 [15] {ανακλειναι}
54 [16] {αυτων}
Нашли в тексте ошибку? Выделите её и нажмите:
Ctrl + Enter
Евангелие от Марка, 6 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.