1 ου θελω γαρ υμαϲ αγνοειν αδελφοι οτι οι πατερεϲ ημων παντεϲ υπο την νεφελην ηϲαν και παντεϲ δια τηϲ θαλαϲϲηϲ διηλθον
2 και παντεϲ ειϲ τον μωυϲην εβαπτιϲαντο εν τη νεφελη και εν τη θαλαϲϲη
3 και παντεϲ το αυτο πνευματικο̅ βρωμα εφαγον
4 και πα̅τεϲ το αυτο πνευματικον επιον πομα επεινον γαρ εκ πνευματικηϲ ακολουθουϲηϲ πετραϲ η πετρα δε ην ο χ̅ϲ̅
5 αλλ ουκ εν τοιϲ πλειοϲιν αυτων ηυδοκηϲεν ο θ̅ϲ̅ κατεϲτρωθηϲαν γαρ εν τη ερημω
6 ταυτα δε τυποι ημω̅ εγενηθηϲαν ειϲ το μη ειναι ημαϲ επιθυμηταϲ κακων καθωϲ κακεινοι επεθυμηϲαν
7 μηδε ειδωλολατραι γεινεϲθε καθωϲ τινεϲ αυτων ωϲπερ γεγραπται εκαθιϲεν ο λαοϲ φαγει̅ και πειν και ανεϲτηϲα̅ παιζειν
8 μηδε πορνευωμεν καθωϲ τινεϲ αυτων επορνευϲαν και επεϲαν μια ημερα εικοϲι τρειϲ χειλιαδεϲ
9 μηδε εκπειραζωμεν τον κ̅ν̅ καθωϲ τινεϲ αυτω̅ επειραϲαν και υπο τω̅ οφεων απωλλυντο
10 μηδε γογγυζετε καθαπερ τινεϲ αυτων εγογγυϲαν και απωλοντο υπο του ολοθρευτου
11 ταυτα δε τυπικωϲ ϲυ̅εβαινεν εκεινοιϲ εγραφη δε προϲ νουθεϲιαν ημων ειϲ ουϲ τα τελη των αιωνων κατηντηκεν
12 ωϲτε ο δοκων εϲταναι βλεπετω μη πεϲη
13 πειραϲμοϲ υμαϲ ουκ ειληφεν ει μη ανθρωπινοϲ πιϲτοϲ δε ο θ̅ϲ̅ οϲ ουκ εαϲει πειραϲθηναι υμαϲ υπερ ο δυναϲθε αλλα ποιηϲει ϲυν τω πειραϲμω και την εκβαϲιν του δυναϲθαι υπενεγκειν
14 διοπερ αγαπητοι μου φευγετε απο τηϲ ειδωλολατριαϲ
15 ωϲ φρονιμοιϲ λεγω κρεινατε υμειϲ ο φημι
16 το ποτηριον τηϲ ευλογιαϲ ο ευλογουμεν ουχι κοινωνια εϲτιν του αιματοϲ του χ̅υ̅ τον αρτον ον κλωμεν ουχι κοινωνια του ϲωματοϲ του χ̅υ̅ εϲτι̅
17 οτι ειϲ αρτοϲ εν ϲωμα οι πολλοι εϲμεν οι γαρ παντεϲ εκ του ενοϲ αρτου μετεχομεν
18 βλεπετε τον ιϲραηλ κατα ϲαρκα ουχι οι εϲθιοντεϲ ταϲ θυϲιαϲ κοινωνοι του θυϲιαϲτηριου ειϲι̅
19 τι ουν φημι οτι ειδωλοθυτον τι εϲτιν η οτι ειδωλον τι εϲτιν
20 αλλ οτι α θυουϲιν δαιμονιοιϲ και ου θ̅ω̅ θυουϲι̅ ου θελω δε υμαϲ κοινωνουϲ των δαιμονιων γεινεϲθαι
21 ου δυναϲθε ποτηριον του κ̅υ̅ πεινειν και ποτηριον δαιμονιων ου δυναϲθε τραπεζηϲ κ̅υ̅ μετεχειν και τραπεζηϲ δαιμονιων
22 η παραζηλουμεν τον κ̅ν̅ μη ιϲχυροτεροι αυτου εϲμεν
23 παντα εξεϲτιν αλλ ου παντα ϲυμφερει παντα εξεϲτιν αλλ ου παντα οικοδομει
24 μηδειϲ το εαυτου ζητειτω αλλα το του ετερου
25 παν το εν μακελλω πωλουμενον εϲθιετε μηδεν ανακρεινοντεϲ δια τη̅ ϲυνειδηϲιν
26 του κ̅υ̅ γαρ η γη και το πληρωμα αυτηϲ
27 ει τιϲ καλει υμαϲ των απιϲτων και θελετε πορευεϲθε πα̅ το παρατιθεμενον υμιν εϲθιετε μηδεν ανακρεινοντεϲ δια τη̅ ϲυνειδηϲιν
28 εαν δε τιϲ υμιν ειπη τουτο ιεροθυτον εϲτιν μη εϲθιετε δι εκεινον τον μηνυϲαντα και την ϲυνειδηϲιν
29 ϲυνειδηϲιν δε λεγω ουχι την εαυτου αλλα την του ετερου ινα τι γαρ η ελευθερια μου κρεινεται υπο αλληϲ ϲυνειδηϲεωϲ
30 ει εγω χαριτι μετεχω τι βλαϲφημουμαι υπερ ου εγω ευχαριϲτω
31 ειτε ουν εϲθιετε ειτε πεινετε ειτε τι ποιειτε παντα ειϲ δοξαν θ̅υ̅ ποιειτε
32 απροϲκοποι και ιουδαιοιϲ γεινεϲθε και ελληϲιν και τη εκκληϲια του θ̅υ̅
33 καθωϲ καγω παντα παϲιν αρεϲκω μη ζητω̅ το εμαυτου ϲυμφορον αλλα το των πολλω̅ ινα ϲωθωϲιν
Нашли в тексте ошибку? Выделите её и нажмите:
Ctrl + Enter
Первое послание к Коринфянам апостола Павла, 10 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.