1 περι δε των πνευματικων αδελφοι ου θελω υμαϲ αγνοειν
2 οιδατε οτι οτε εθνη ητε προϲ τα ειδωλα τα αφωνα ωϲ αν ηγεϲθε απαγομενοι
3 διο γνωριζω υμι̅ οτι ουδειϲ εν πνευματι θ̅υ̅ λαλων λεγει αναθεμα ι̅ϲ̅ και ουδειϲ δυναται ειπειν κ̅ϲ̅ ι̅ϲ̅ ει μη εν πνευματι αγιω
4 διαιρεϲειϲ δε χαριϲματω̅ ειϲιν το δ αυτο πνευμα
5 και διαιρεϲειϲ διακονιων ειϲιν και ο αυτοϲ κ̅ϲ̅
6 και διαιρεϲειϲ ενεργηματων ειϲιν και ο αυτοϲ θ̅ϲ̅ ο ενεργων εϲτιν τα παντα εν παϲι̅
7 εκαϲτω δε διδοται η φανερωϲιϲ του πνευματοϲ προϲ το ϲυμφερον
8 ω μεν γαρ δια του πνευματοϲ διδοται λογοϲ ϲοφιαϲ αλλω δε λογοϲ γνωϲεωϲ κατα το αυτο πνευμα
9 ετερω πιϲτιϲ εν τω αυτω πνευματι αλλω δε χαριϲματα ιαματων εν τω ενι πνευματι
10 αλλω δε ενεργηματα δυναμεων αλλω προφητεια αλλω διακριϲειϲ πνευματων ετερω γενη γλωϲϲων
11 παντα δε ταυτα ενεργει το εν και το αυτο πνευμα διαιρουν ιδια εκαϲτω καθωϲ βουλεται
12 καθαπερ γαρ το ϲωμα εν εϲτιν και μελη πολλα εχει παντα δε τα μελη του ϲωματοϲ πολλα οντα εν εϲτιν ϲωμα ουτωϲ και ο χ̅ϲ̅
13 και γαρ εν ενι πνευματι ημειϲ παντεϲ ειϲ ε̅ ϲωμα εβαπτιϲθημεν ειτε ιουδαιοι ειτε ελληνεϲ ειτε δουλοι ειτε ελευθεροι και παντεϲ εν πνευμα εποτιϲθημεν
14 και γαρ το ϲωμα ουκ εϲτιν εν μελοϲ αλλα πολλα
15 εαν ειπη ο πουϲ οτι ουκ ειμι χειρ ουκ ειμι εκ του ϲωματοϲ ου παρα τουτο ουκ εϲτιν εκ του ϲωματοϲ
16 και εαν ειπη το ουϲ οτι ουκ ειμι οφθαλμοϲ ουκ ειμι εκ του ϲωματοϲ ου παρα τουτο ουκ εϲτιν εκ του ϲωματοϲ
17 ει ολον το ϲωμα οφθαλμοϲ που η ακοη ει ολο̅ ακοη που η οϲφρηϲιϲ
18 νυν δε ο θ̅ϲ̅ εθετο τα μελη εν εκαϲτον αυτων εν τω ϲωματι καθωϲ ηθεληϲεν
19 ει δε η̅ παντα εν μελοϲ που το ϲωμα
20 νυν δε πολλα μελη εν δε ϲωμα
21 ου δυναται δε ο οφθαλμοϲ ειπειν τη χειρι χρεια̅ ϲου ουκ εχω η παλιν η κεφαλη τοιϲ ποϲι̅ χρειαν υμων ουκ εχω
22 αλλα πολλω μαλλον τα δοκουντα μελη του ϲωματοϲ αϲθενεϲτερα υπαρχειν αναγκαια εϲτιν
23 και α δοκουμε̅ ατειμοτερα ειναι του ϲωματοϲ τουτοιϲ τειμην περιϲϲοτεραν περιτιθεμεν και τα αϲχημονα ημων ευϲχημοϲυνην περιϲϲοτεραν εχει
24 τα δε ευϲχημονα ημων ου χρειαν εχει αλλα ο θ̅ϲ̅ ϲυνεκεραϲεν το ϲωμα τω υϲτερουμενω τι περιϲϲοτερον δουϲ
25 ινα μη η ϲχιϲμα εν τω ϲωματι αλλα το αυτο υπερ αλληλων μεριμνωϲι τα μελη
26 και ει τι παϲχει εν μελοϲ ϲυνπαϲχει πα̅τα τα μελη ειτε δοξαζεται μελοϲ ϲυνχαιρει παντα τα μελη
27 υμειϲ δε εϲτε ϲωμα χ̅υ̅ και μελη εκ μερουϲ
28 και ουϲ μεν εθετο ο θ̅ϲ̅ εν τη εκκληϲια πρωτον αποϲτολουϲ δευτερον προφηταϲ τριτον διδαϲκαλουϲ επειτα δυναμειϲ επειτα χαριϲματα ιαματων αντιλημψειϲ κυβερνηϲειϲ γενη γλωϲϲων
29 μη παντεϲ αποϲτολοι μη παντεϲ προφηται μη παντεϲ διδαϲκαλοι μη παντεϲ δυναμειϲ
30 μη παντεϲ χαριϲματα εχουϲιν ιαματων μη παντεϲ γλωϲϲαιϲ λαλουϲιν μη παντεϲ διερμηνευουϲιν
31 ζηλουτε δε τα χαριϲματα τα μειζονα και ετι καθ υπερβολην οδον υμιν δεικνυμι
Нашли в тексте ошибку? Выделите её и нажмите:
Ctrl + Enter
Первое послание к Коринфянам апостола Павла, 12 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.