ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΚΟΡΙΝΘΙΟΥΣ Α΄ 15 ΠΡΟΣ ΚΟΡΙΝΘΙΟΥΣ Α΄ 15 ΚΕΦΆΛΑΙΟ

1 γνωριζω δε υμιν αδελφοι το ευαγγελιον ο ευηγγελιϲαμην υμιν ο και παρελαβετε εν ω και εϲτηκατε
2 δι ου και ϲωζεϲθε τινι λογω ευηγγελιϲαμην υμιν ει κατεχετε εκτοϲ ει μη εικη επιϲτευϲατε
3 παρεδωκα γαρ υμιν εν πρωτοιϲ ο και παρελαβον οτι χ̅ϲ̅ απεθανεν υπερ των αμαρτιων ημων κατα ταϲ γραφαϲ
4 και οτι εταφη και οτι εγηγερται τη ημερα τη τριτη κατα ταϲ γραφαϲ
5 και οτι ωφθη κηφα ειτα τοιϲ δωδεκα
6 επειτα ωφθη επανω πεντακοϲιοιϲ αδελφοιϲ εφαπαξ εξ ων οι πλειονεϲ μενουϲιν εωϲ αρτι τινεϲ δε εκοιμηθηϲαν
7 επειτα ωφθη ιακωβω ειτα τοιϲ αποϲτολοιϲ παϲιν
8 εϲχατον δε παντων ωϲπερει τω εκτρωματι ωφθη καμοι
9 εγω γαρ ειμι ο ελαχιϲτοϲ των αποϲτολων οϲ ουκ ειμι ικανοϲ καλειϲθαι αποϲτολοϲ διοτι εδιωξα την εκκληϲιαν του θ̅υ̅
10 χαριτι δε θ̅υ̅ ειμι ο ειμι και η χαριϲ αυτου η ειϲ εμε ου κενη εγενηθη αλλα περιϲϲοτερον αυτων παντων εκοπιαϲα ουκ εγω δε αλλα η χαριϲ του θ̅υ̅ ϲυν εμοι
11 ειτε ου̅ εγω ειτε εκεινοι ουτωϲ κηρυϲϲομεν και ουτωϲ επιϲτευϲατε
12 ει δε χ̅ϲ̅ κηρυϲϲεται οτι εκ νεκρων εγηγερται πωϲ λεγουϲιν εν υμιν τινεϲ οτι αναϲταϲιϲ νεκρω̅ ουκ εϲτιν
13 ει δε αναϲταϲιϲ νεκρων ουκ εϲτιν ουδε χ̅ϲ̅ εγηγερται
14 ει δε χ̅ϲ̅ ουκ εγηγερται κενο̅ αρα το κηρυγμα ημων κενη και η πιϲτιϲ ημω̅
15 ευριϲκομεθα δε και ψευδομαρτυρεϲ του θ̅υ̅ οτι εμαρτυρηϲαμεν κατα του θ̅υ̅ οτι ηγειρεν τον χ̅ν̅ ον ουκ ηγειρε̅ ειπερ αρα νεκροι ουκ εγειρονται
16 ει γαρ νεκροι ουκ εγειρονται ουδε χ̅ϲ̅ εγηγερται
17 ει δε χ̅ϲ̅ ουκ εγηγερται ματαια η πιϲτιϲ υμων εϲτι̅ ετι εϲται εν ταιϲ αμαρτιαιϲ υμων
18 αρα και οι κοιμηθεντεϲ εν χ̅ω̅ απωλοντο
19 ει εν τη ζωη ταυτη εν χ̅ω̅ ηλπικοτεϲ εϲμεν μονον ελεεινοτεροι παντων α̅θρωπων εϲμεν
20 νυνει δε χ̅ϲ̅ εγηγερται εκ νεκρων απαρχη των κεκοιμημενων
21 επειδη γαρ δι ανθρωπου θανατοϲ και δι ανθρωπου αναϲταϲιϲ νεκρων
22 ωϲπερ γαρ εν τω αδαμ παντεϲ αποθνηϲκουϲιν ουτωϲ και εν τω χ̅ω̅ παντεϲ ζωοποιηθηϲονται
23 εκαϲτοϲ δε εν τω ιδιω ταγματι απαρχη χ̅ϲ̅ επειτα οι του χ̅υ̅ εν τη παρουϲια αυτου
24 ειτα το τελοϲ οταν παραδιδοι την βαϲιλειαν τω θ̅ω̅ και πατρι οταν καταργηϲη παϲαν αρχην και παϲαν εξουϲιαν και δυναμιν
25 δει γαρ αυτο̅ βαϲιλευειν αχρι ου θη πανταϲ τουϲ εχθρουϲ υπο τουϲ ποδαϲ αυτου
26 εϲχατοϲ εχθροϲ καταργειται ο θανατοϲ
27 παντα γαρ υπεταξεν υπο τουϲ ποδαϲ αυτου οταν δε ειπη παντα υποτετακται δηλο̅ οτι εκτοϲ του υποταξαντοϲ αυτω τα παντα
28 οταν δε υποταγη αυτω τα παντα τοτε αυτοϲ ο υιοϲ υποταγηϲεται τω υποταξαντι αυτω τα παντα ινα η ο θ̅ϲ̅ παντα εν παϲιν
29 επει τι ποιηϲουϲιν οι βαπτιζομενοι υπερ των νεκρων ει ολωϲ νεκροι ουκ εγειρονται τι και βαπτιζονται υπερ αυτων
30 τι και ημειϲ κινδυνευομεν παϲαν ωραν
31 καθ ημεραν αποθνηϲκω νη την υμετεραν καυχηϲιν αδελφοι ην εχω εν χ̅ω̅ ι̅υ̅ τω κ̅ω̅ ημων
32 ει κατα ανθρωπον εθηριομαχηϲα εν εφεϲω τι μοι το οφελοϲ ει νεκροι ουκ εγειρονται φαγωμεν και πιωμε̅ αυριον γαρ αποθνηϲκομεν
33 μη πλαναϲθε φθειρουϲιν ηθη χρηϲτα ομειλιαι κακαι
34 εκνηψατε δικαιωϲ και μη αμαρτανετε αγνωϲιαν γαρ θ̅υ̅ τινεϲ εχουϲιν προϲ εντροπην υμιν λαλω
35 αλλα ερει τιϲ πωϲ εγειρονται οι νεκροι ποιω δε ϲωματι ερχον
36 αφρων ϲυ ο ϲπειρειϲ ου ζωοποιειται εαν μη αποθανη
37 και ο ϲπειριϲ ου το ϲωμα το γενηϲομενον ϲπειρειϲ αλλα γυμνον κοκκο̅ ει τυχοι ϲειτου η τινοϲ των λοιπων
38 ο δε θ̅ϲ̅ διδωϲιν αυτω ϲωμα καθωϲ ηθεληϲεν και εκαϲτω των ϲπερματων ιδιον ϲωμα
39 ου πα ϲαρξ η αυτη ϲαρξ αλλα αλλη μεν ανθρωπων αλλη δε ϲαρξ κτηνων αλλη δε ϲαρξ πτηνων αλλη δε ιχθυων
40 και ϲωματα επουρανια και ϲωματα επιγεια αλλα ετερα μεν η των επουρανιων δοξα ετερα δε η των επιγειων
41 αλλη δοξα ηλιου και αλλη δοξα ϲεληνηϲ και αλλη δοξα αϲτερων αϲτηρ γαρ αϲτεροϲ διαφερει εν δοξη
42 ουτωϲ και η αναϲταϲιϲ των νεκρων ϲπειρεται εν φθορα εγειρεται εν αφθαρϲια
43 ϲπειρεται ε̅ ατειμια εγειρεται εν δοξη ϲπειρεται εν αϲθενεια εγειρεται εν δυναμει
44 ϲπειρεται ϲωμα ψυχικον εγειρεται ϲωμα πνευματικο̅ ει εϲτιν ϲωμα ψυχικο̅ εϲτιν και πνευματικον
45 ουτωϲ και γεγραπται εγενετο ο πρωτοϲ αδαμ ειϲ ψυχην ζωϲα̅ ο εϲχατοϲ αδαμ ειϲ πνευμα ζωοποιουν
46 αλλ ου πρωτον το πνευματικον αλλα το ψυχικον επειτα το πνευματικον
47 ο πρωτοϲ α̅θρωποϲ εκ γηϲ χοικοϲ ο δευτεροϲ ανθρωποϲ εξ ουρανου
48 οιοϲ ο χοικοϲ τοιουτοι και οι χοικοι και οιοϲ ο επουρανιοϲ τοιουτοι και οι επουρανιοι
49 και καθωϲ εφορεϲαμεν τη̅ εικονα του χοικου φορεϲομεν και την εικονα του επουρανιου
50 τουτο δε φημι αδελφοι οτι ϲαρξ και αιμα βαϲιλειαν θ̅υ̅ κληρονομηϲαι ου δυναται ουδε η φθορα την αφθαρϲιαν κληρονομει
51 ιδου μυϲτηριον υμιν λεγω παντεϲ ου κοιμηθηϲομεθα παντεϲ δε αλλαγηϲομεθα
52 εν ατομω εν ρειπη οφθαλμου εν τη εϲχατη ϲαλπιγγι ϲαλπιϲει γαρ και οι νεκροι εγερθηϲονται αφθαρτοι και ημειϲ αλλαγηϲομεθα
53 δει γαρ το φθαρτον τουτο ενδυϲαϲθαι αφθαρϲιαν και το θνητον τουτο ενδυϲαϲθαι αθαναϲιαν
54 οταν δε το φθαρτον τουτο ενδυϲηται αφθαρϲιαν και το θνητον τουτο ενδυϲηται αθαναϲιαν τοτε γενηϲεται ο λογοϲ ο γεγραμμενοϲ κατεποθη ο θανατοϲ ειϲ νεικοϲ
55 που ϲου θανατε το νεικοϲ που ϲου θανατε το κεντρο̅
56 το δε κεντρον του θανατου η αμαρτια η δε δυναμιϲ τηϲ αμαρτιαϲ ο νομοϲ
57 τω δε θ̅ω̅ χαριϲ τω διδοντι ημιν το νεικοϲ δια του κ̅υ̅ ημων ι̅υ̅ χ̅υ̅
58 ωϲτε αδελφοι μου αγαπητοι εδραιοι γεινεϲθε αμετακεινητοι περιϲϲευοντεϲ εν τω εργω του κ̅υ̅ παντοτε ειδοτεϲ οτι ο κοποϲ υμων ουκ εϲτιν κενοϲ εν κ̅ω̅
Нашли в тексте ошибку? Выделите её и нажмите: Ctrl + Enter

Первое послание к Коринфянам апостола Павла, 15 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

Я ХОЧУ ПОМОЧЬ

ΚΟΡΙΝΘΙΟΥΣ Α΄ 15 ΚΕΦΆΛΑΙΟ в переводах:
ΚΟΡΙΝΘΙΟΥΣ Α΄ 15 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Жана Кальвина
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.