1 και εξελθων ο ι̅η̅ϲ̅ απο του ιερου επορευετο και προϲηλθον οι μαθηται αυτου επιδειξαι αυτω ταϲ οικοδομαϲ του ιερου
2 ο δε αποκρειθειϲ ειπεν αυτοιϲ βλεπετε παντα ταυτα αμην λεγω υμειν οτι ου μη αφεθη ωδε λιθοϲ επι λιθον οϲ ου καταλυθηϲεται
3 καθημενου δε αυτου επι του ορουϲ των ελεων προϲηλθον αυτω οι μαθηται κατ ιδιαν λεγοντεϲ ειπε ημειν ποτε ταυτα εϲται και τι το ϲημειον τηϲ παρουϲιαϲ ϲου και τηϲ ϲυντελειαϲ του αιωνοϲ
4 και αποκριθειϲ ο ι̅η̅ϲ̅ ειπεν αυτοιϲ βλεπεται μη τιϲ υμαϲ πλανηϲη
5 πολλοι γαρ ελευϲονται επι τω ονοματι μου λεγοντεϲ εγω ειμι ο χ̅ρ̅ϲ̅ και πολλουϲ πλανηϲουϲιν
6 μελλεται δε ακουειν πολεμουϲ και ακοαϲ πολεμων ορατε μη θροειϲθαι δει γαρ γενεϲθαι αλλ ουπω εϲτιν το τελοϲ
7 εγερθηϲεται γαρ εθνοϲ επι εθνοϲ και βαϲιλεια επι βαϲιλειαν και εϲονται λειμοι και ϲειϲμοι κατα τοπουϲ
8 παντα δε ταυτα αρχη οδυνων
9 τοτε παραδωϲουϲιν υμαϲ ειϲ θλειψειν και αποκτεινουϲιν υμαϲ και εϲεϲθαι μειϲουμενοι υπο παντων εθνων δια το ονομα μου
10 και τοτε ϲκανδαλιϲθηϲονται πολλοι και αλληλουϲ παραδωϲουϲιν και μειϲηϲουϲιν αλληλουϲ
11 και πολλοι ψευδοπροφηται εξεγερθηϲονται και πλανηϲουϲιν πολλουϲ
12 και δια το πληθυναι την ανομειαν ψυγηϲεται η αγαπη των πολλων
13 ο δε υπομειναϲ ειϲ τελοϲ ουτοϲ ϲωθηϲεται
14 και κηρυχθηϲεται το ευαγγελιον τουτο τηϲ βαϲιλειαϲ εν ολη τη οικουμενη ειϲ μαρτυριον παϲιν τοιϲ εθνεϲιν και τοτε ηξει το τελοϲ
15 οταν ουν ειδητε το βδελυγμα τηϲ ερημωϲεωϲ το ρηθεν δια δανιηλου του προφητου εϲτωϲ εν τοπω αγιω ο αναγεινωϲκων νοειτω
16 τοτε οι εν τη ιουδαια φευγετωϲαν ειϲ τα ορη
17 ο δε επι του δωματοϲ μη καταβατω αραι τι εκ τηϲ οικειαϲ
18 και ο εν τω αγρω μη επιϲτρεψατω οπιϲω αραι το ειματειον αυτου
19 ουαι δε ταιϲ εν γαϲτρι εχουϲαιϲ και ταιϲ θηλαζομεναιϲ εν εκειναιϲ ταιϲ ημεραιϲ
20 προϲευχεϲθαι δε ινα μη γενηται η φυγη υμω̅ χειμωνοϲ μηδε ϲαββατου
21 εϲται γαρ τοτε θλειψιϲ μεγαλη οια ουκ εγενετο απ αρχηϲ κοϲμου εωϲ νυν ουδε μη γενοιτο
22 και ει μη εκολοβωθηϲαν αι ημεραι εκειναι ουκ αν εϲωθη παϲα ϲαρξ δια δε τουϲ εκλεκτουϲ κολοβωθηϲονται αι ημεραι εκειναι
23 τοτε εαν τιϲ υμειν ειπη ιδου ωδε ο χ̅ρ̅ϲ̅ η εκει μη πιϲτευϲηται
24 εγερθηϲονται γαρ ψευδοχρειϲτοι και ψευδοπροφηται και δωϲουϲιν ϲημεια μεγαλα και τερατα ωϲτε πλανηθηναι ει δυνατον και τουϲ εκλεκτουϲ
25 ιδου προειρηκα υμειν
26 εαν ουν ειπωϲιν υμειν ιδου εν τη ερημω εϲτιν μη εξελθηται ιδου εν τοιϲ ταμειοιϲ μη πιϲτευϲηται
27 ωϲπερ γαρ η αϲτραπη εξερχεται απο ανατολων και φαινει εωϲ δυϲμων ουτωϲ εϲται η παρουϲεια του υιου του ανθρωπου
28 οπου αν η το πτωμα εκει ϲυναχθηϲονται οι αετοι
29 ευθεωϲ δε μετα την θλειψειν των ημερων εκεινων ο ηλιοϲ ϲκοτιϲθηϲεται και η ϲεληνη ου δωϲει το φεγγοϲ αυτηϲ και οι αϲτερεϲ πεϲουνται εκ του ουρανου και αι δυναμειϲ των ουρανων ϲαλευθηϲονται
30 και τοτε φανηϲεται το ϲημειον του υιου του ανθρωπου του εν ουρανοιϲ και κοψονται τοτε παϲαι αι φυλαι τηϲ γηϲ και οψονται τον υιον του ανθρωπου ερχομενο̅ επι των νεφελων του ουρανου μετα δυναμεωϲ πολληϲ και δοξηϲ
31 και αποϲτελει τουϲ αγγελουϲ αυτου μετα ϲαλπιγγοϲ και φωνηϲ μεγαληϲ και επιϲυναξουϲιν τουϲ εκλεκτουϲ αυτου εκ των τεϲϲαρων ανεμων απο ακρων ουρανων εωϲ ακρων αυτων αρχομενων δε τουτων γεινεϲθαι αναβλεψατε και επαρατε ταϲ κεφαλαϲ υμων διοτι εγγειζει η απολυτρωϲειϲ υμων
32 απο δε τηϲ ϲυκηϲ μαθεται την παραβολην οταν ηδη ο κλαδοϲ αυτηϲ γενηται απαλοϲ και τα φυλλα εκφυη γεινωϲκεται οτι ενγυϲ εϲτιν το θεροϲ
33 ουτωϲ και υμειϲ οταν ιδητε ταυτα παντα γεινωϲκετε οτι ενγυϲ εϲτιν επι θυραιϲ
34 αμην λεγω υμειν οτι ου μη παρελθη η γενεα αυτη εωϲ αν ταυτα παντα γενηται
35 ο ουρανοϲ και η γη παρελευϲεται οι δε λογοι μου ου μη παρελθωϲιν
36 περι δε τηϲ ημεραϲ εκεινηϲ και ωραϲ ουδειϲ οιδε̅ ουδε οι αγγελοι των ουρανων ουδε ο υιοϲ ει μη ο πατηρ μονοϲ
37 ωϲπερ γαρ αι ημεραι του νωε ουτωϲ εϲται και η παρουϲεια του υιου του ανθρωπου
38 ωϲπερ γαρ ηϲαν εν ταιϲ ημεραιϲ εκειναιϲ προ του κατακλυϲμου τρωγοντεϲ και πεινοντεϲ και γαμουντεϲ και γαμειζοντεϲ αχρει τηϲ ημεραϲ ειϲηλθεν νωε ειϲ την κειβωτο̅
39 και ουκ εγνωϲαν εωϲ ηλθεν ο κατακλυϲμοϲ και ηρεν πανταϲ ουτωϲ εϲται η παρουϲεια του υιου του ανθρωπου
40 τοτε δυο εϲονται εν τω αγρω ειϲ παραλαμβανεται και ειϲ αφειεται
41 δυο αληθουϲαι εν τω μυλωνι μεια παραλαμβανεται και μεια αφειεται δυο επι κλεινηϲ μειαϲ ειϲ παραλαμβανεται και ειϲ αφιεται
42 γρηγορειτε ουν οτι ουκ οιδαται ποια ημερα ο κ̅ϲ̅ υμων ερχεται
43 εκεινο δε γεινωϲκεται οτι ει ηδει ο οικοδεϲποτηϲ ποια φυλακη ο κλεπτηϲ ερχεται εγρηγορηϲεν αν και ουκ ηαϲεν διορυχθηναι την οικειαν αυτου
44 δια τουτο και υμειϲ γεινεϲθαι ετοιμοι οτι η ου δοκειται ωρα ο υιοϲ του ανθρωπου ερχεται
45 τιϲ γαρ εϲτιν ο πιϲτοϲ δουλοϲ και φρονιμοϲ ον κατεϲτηϲεν ο κ̅ϲ̅ επι τηϲ θεραπειαϲ αυτου δουναι αυτοιϲ την τροφην εν καιρω
46 μακαριοϲ ο δουλοϲ εκεινοϲ ον ελθων ο κ̅ϲ̅ αυτου ευρηϲει ουτωϲ ποιουντα
47 αμην λεγω υμειν οτι επι παϲιν τοιϲ υπαρχουϲιν αυτου καταϲτηϲει αυτον
48 εαν δε ειπη ο κακοϲ δουλοϲ εκεινοϲ εν τη καρδια αυτου χρονιζι μου ο κ̅ϲ̅ ελθειν
49 και αρξηται τυπτειν τουϲ ϲυνδουλουϲ αυτου εϲθιη δε και πεινη μετα των μεθυοντων
50 ηξει ο κ̅ϲ̅ του δουλου εκεινου εν ημερα η ου προϲδοκα και εν ωρα η ου γεινωϲκει
51 και διχοτομηϲει αυτον και το μεροϲ αυτου θηϲει μετα των υποκριτων εκει εϲται ο κλαυθμοϲ και ο βρυγμοϲ των οδοντων
Нашли в тексте ошибку? Выделите её и нажмите:
Ctrl + Enter
Евангелие от Матфея, 24 ΚΕΦΆΛΑΙΟ. Кодекс Безы — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.