1 και εγενετο οτε ελαληϲεν ο ι̅η̅ϲ̅ τουϲ λογουϲ τουτουϲ μετηρεν απο τηϲ γαλειλαιαϲ και ηλθεν ειϲ τα ορια τηϲ ιουδαιαϲ περαν του ιορδανου
2 και ηκολουθηϲαν αυτω οχλοι πολλοι και εθεραπευϲεν αυτουϲ εκει
3 και προϲηλθον αυτω οι φαριϲαιοι πειραζοντεϲ αυτον και λεγουϲιν αυτω ει εξεϲτιν ανθρωπω απολυϲαι την γυναικα αυτου κατα παϲαν αιτειαν
4 ο δε αποκριθειϲ ειπεν ουκ ανεγνωτε οτι ο ποιηϲαϲ απ αρχηϲ αρϲεν και θηλυν εποιηϲεν αυτουϲ
5 και ειπεν ενεκεν τουτου καταλειψει ανθρωποϲ τον πατερα και την μητερα και κολληθηϲεται τη γυναικει αυτου και εϲονται οι δυο ειϲ ϲαρκα μειαν
6 ωϲτε ουκετι ειϲιν δυο αλλα μεια ϲαρξ ο ουν ο θ̅ϲ̅ ϲυνεζευξεν ειϲ εν ανθρωποϲ μη αποχωριζετω
7 λεγουϲιν αυτω τι ουν ο μωυϲηϲ ενετειλατο δουναι βιβλιον αποϲταϲειου και απολυϲαι
8 και λεγει αυτοιϲ οτι προϲ την ϲκληροκαρδιαν υμων επετρεψεν υμειν μωυϲηϲ απολυϲαι ταϲ γυναικαϲ υμων απ αρχηϲ δε ουκ εγενετο ουτωϲ
9 λεγω δε υμειν οϲ αν απολυϲη την γυναικα αυτου παρεκτοϲ λογου πορνειαϲ και γαμηϲη αλλην μοιχαται
10 λεγουϲιν αυτω οι μαθηται αυτου ει ουτωϲ εϲτιν η αιτεια του ανδροϲ μετα τηϲ γυναικοϲ ου ϲυνφερει γαμηϲαι
11 ο δε ειπεν αυτοιϲ ου παντεϲ χωρουϲιν τον λογον τουτον αλλ οιϲ δεδοται
12 ειϲιν γαρ ευνουχοι οιτινεϲ εκ κοιλειαϲ μητροϲ εγεννηθηϲαν ουτωϲ και ειϲιν ευνουχοι οιτινεϲ ηυνουχιϲθηϲαν υπο των ανθρωπων και ειϲιν ευνουχοι οιτινεϲ ευνουχιϲαν εαυτουϲ δια την βαϲιλειαν των ουρανων ο δυναμενοϲ χωρειν χωρειτω
13 τοτε προϲηνεχθηϲαν αυτω παιδια ινα επιθη ταϲ χειραϲ αυτοιϲ και προϲευξητε οι δε μαθηται επετειμηϲαν αυτοιϲ
14 ο δε ι̅η̅ϲ̅ ειπεν αυτοιϲ αφεται τα παιδια και μη κωλυϲητε αυτα ελθειν προϲ με των γαρ τοιουτων εϲτιν η βαϲιλεια των ουρανω̅
15 και επιθειϲ ταϲ χειραϲ αυτοιϲ επορευθη εκειθε̅
16 και ιδου ειϲ προϲελθων λεγει αυτω διδαϲκαλε τι αγαθον ποιηϲω ινα ϲχω ζωην αιωνιον
17 ο δε ειπεν αυτω τι με ερωταϲ περι αγαθου ειϲ εϲτιν αγαθοϲ ει δε θελειϲ ειϲ την ζωην ελθει̅ τηρει ταϲ εντολαϲ
18 λεγει αυτω ποιαϲ ο δε ι̅η̅ϲ̅ ειπεν ου φονευϲειϲ ου μοιχευϲειϲ ου κλεψειϲ ου ψευδομαρτυρηϲειϲ
19 τειμα τον πατερα και την μητερα και αγαπηϲειϲ τον πληϲειον ϲου ωϲ ϲεαυτον
20 λεγει αυτω ο νεανιϲκοϲ ταυτα παντα εφυλαξα εκ νεοτητοϲ τι ετι υϲτερω
21 εφη αυτω ο ι̅η̅ϲ̅ ει θελειϲ τελειοϲ ειναι υπαγε πωληϲον ϲου τα υπαρχοντα και δοϲ τοιϲ πτωχοιϲ και εξειϲ θηϲαυρον εν ουρανοιϲ και δευρο ακολουθει μοι
22 ακουϲαϲ ο νεανιϲκοϲ τον λογον απηλθεν λυπουμενοϲ ην γαρ εχων κτηματα πολλα
23 ο δε ι̅η̅ϲ̅ ειπεν τοιϲ μαθηταιϲ αυτου αμην λεγω υμειν οτι πλουϲιοϲ δυϲκολωϲ ειϲελευϲεται ειϲ την βαϲιλειαν των ουρανων
24 παλιν δε λεγω υμειν ευκοπωτερον εϲτιν καμηλον δια τρυπηματοϲ ραφιδοϲ διελθειν η πλουϲιον ειϲελθειν ειϲ την βαϲιλειαν του θ̅υ̅
25 ακουϲαντεϲ δε οι μαθηται εξεπληϲϲοντο και εφοβηθηϲαν ϲφοδρα λεγοντεϲ τιϲ αρα δυναται ϲωθηναι
26 ενβλεψαϲ δε ο ι̅η̅ϲ̅ ειπεν αυτοιϲ παρα ανθρωποιϲ τουτο δυνατον εϲτιν παρα δε τω θ̅ω̅ παντα δυνατα εϲτιν
27 τοτε αποκριθειϲ ο πετροϲ ειπεν αυτω ιδου ημειϲ αφηκαμεν παντα και ηκολουθηκαμεν ϲοι τι αρα εϲτε ημειν
28 ο δε ι̅η̅ϲ̅ ειπεν αυτω αμην λεγω υμειν οτι υμειϲ οι ακολουθηϲαντεϲ μοι εν τη παλινγενεϲεια οταν καθιϲη ο υιοϲ του ανθρωπου επι θρονου δοξηϲ αυτου καθιϲεϲθε και αυτοι επι δεκαδυο θρονουϲ κρεινοντεϲ ι̅β̅ φυλαϲ του ιϲραηλ
29 και παϲ οϲτιϲ αφηκεν οικειαϲ η αδελφουϲ η αδελφαϲ η μητερα η τεκνα η αγρουϲ ενεκα του ονοματοϲ μου εκατονταπλαϲιον λημψεται και ζωην αιωνιον κληρονομηϲει
30 πολλοι δε εϲονται πρωτοι αιϲχατοι και αιϲχατοι πρωτοι
Нашли в тексте ошибку? Выделите её и нажмите:
Ctrl + Enter
Евангелие от Матфея, 19 ΚΕΦΆΛΑΙΟ. Кодекс Безы — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.