1 του δε ι̅η̅υ̅ γεννηθεντοϲ εν βηθλεεμ τηϲ ιουδαιαϲ εν ημεραιϲ ηρωδουϲ του βαϲιλεωϲ ειδου μαγοι απο ανατολων παρεγενοντο ειϲ ιεροϲολυμα
2 λεγοντεϲ που εϲτιν ο τεχθειϲ βαϲιλευϲ των ιουδαιω̅ ειδομεν γαρ αυτου τον αϲτερα εν τη ανατολη και ηλθομεν προϲκυνηϲαι αυτω
3 ακουϲαϲ δε ο βαϲιλευϲ ηρωδηϲ εταραχθη {κα}[1] ιεροϲολυμα μετ αυτου
4 και ϲυναγαγων πανταϲ τουϲ αρχιερειϲ και γραμματειϲ του λαου επυνθανετο που ο χ̅ρ̅ϲ̅ γενναται
5 οι δε ειπον αυτω εν βηθλεεμ τηϲ ιουδαιαϲ ουτωϲ γαρ γεγραπται δια του προφητου
6 και ϲυ βεθλεεμ τηϲ ιουδαιαϲ μη ελαχιϲτη ει εν τοιϲ ηγεμοϲιν ιουδα εξ ου γαρ εξελευϲεται ηγουμενοϲ οϲτιϲ ποιμενει τον λαον μου τον ιϲραηλ
7 τοτε ηρωδηϲ λαθρα καλεϲαϲ τουϲ μαγουϲ ηκρειβαϲεν παρ αυτων τον χρονον του φαινομενου αϲτεροϲ
8 και πεμψαϲ αυτουϲ ειϲ βεθλεεμ ειπεν αυτοιϲ πορευθεντεϲ εξεταϲαται ακρειβωϲ περι του παιδιου οταν δε ευρητε επαγγειλαται μοι οπωϲ καγω ελθων προϲκυνηϲω αυτω
9 οι δε ακουϲαν του βαϲιλεωϲ επορευθηϲαν και ιδου ο αϲτηρ ον ειδον εν τη ανατολη προηγεν αυτουϲ εωϲ ελθων εϲταθη επανω του παιδιου
10 ιδοντεϲ δε τον αϲτερα εχαρηϲαν χαραν μεγαλην ϲφοδρα
11 και ελθοντεϲ ειϲ την οικειαν ειδον τον παιδα μετα μαριαϲ τηϲ μητροϲ αυτου και πεϲοντεϲ προϲεκυνηϲαν αυτω και ανοιξαντεϲ τουϲ θηνϲαυρουϲ αυτων προϲηνεγκαν αυτω δωρα χρυϲον και λιβανον και ζμυρναν
12 και χρηματιϲθεντεϲ κατ οναρ μη ανακαμψαι προϲ ηρωδην δι αλληϲ οδου ανεχωρηϲαν ειϲ την χωραν αυτων
13 αυτων δε αναχωρηϲαντων ειδου αγγελοϲ κ̅υ̅ φαινεται κατ οναρ τω ιωϲηφ λεγων εγερθειϲ παραλαβε τον παιδα και την μητερα αυτου και φευγε ειϲ αιγυπτον και ειϲθι εκει εωϲ αν ϲοι ειπω μελλει γαρ ηρωδηϲ ζητειν τον παιδα του απολεϲαι αυτον
14 ο δε διεγερθειϲ παρελαβεν τον παιδα και την μητερα αυτου νυκτοϲ και ανεχωρηϲεν ειϲ αιγυπτον
15 και ην εκει εωϲ τηϲ τελευτηϲ ηρωδου ινα πληρωθη το ρηθεν υπο κ̅υ̅ δια του προφητου λεγοντοϲ εξ εγυπτου εκαλεϲα τον υιον μου
16 τοτε ηρωδηϲ ιδων οτι ενεπαιχθη υπο των μαγων εθυμωθη λειαν και αποϲτειλαϲ ανειλεν πανταϲ τουϲ παιδαϲ τουϲ εν βεθλεαιμ και εν παϲιν τοιϲ οριοιϲ αυτηϲ απο διετειαϲ και κατω κατα τον χρονον ον ηκρειβαϲεν παρα των μαγων
17 τοτε επληρωθη το ρηθεν υπο κ̅υ̅ δια ηρεμιου του προφητου λεγοντοϲ
18 φωνη εν ραμα ηκουϲθη θρηνοϲ και κλαυθμοϲ και οδυρμοϲ πολυϲ ραχηλ κλαιουϲα τα τεκνα αυτηϲ και ουκ ηθεληϲεν παρακληθηναι οτι ουκ ειϲι̅
19 τελευτηϲαντοϲ δε του ηρωδου ιδου αγγελοϲ κ̅υ̅ φαινεται κατ οναρ τω ιωϲηφ εν αιγυπτω
20 λεγων εγερθειϲ παραλαβε τον παιδα και την μητερα αυτου και πορευου ειϲ γην ιϲραηλ τεθνηκαϲιν γαρ οι ζητουντεϲ την ψυχην του παιδιου
21 ο δε διεγερθειϲ παρελαβεν τον παιδα και την μητερα αυτου και ηλθεν ειϲ {την}[2] ιϲραηλ
22 ακουϲαϲ δε οτι αρχιλαοϲ βαϲιλευει επι τηϲ ιουδαιαϲ αντι ηρωδου του πατροϲ αυτου εφηθη εκει απελθειν χρηματιϲθειϲ δε κατ οναρ ανεχωρηϲεν ειϲ τα μερη τηϲ γαλιλαιαϲ
23 και ελθων κατωκηϲεν ειϲ πολιν λεγομενην ναζαρετ οπωϲ πληρωθη το ρηθεν δια των προφητω̅ οτι ναζωρεοϲ κληθηϲεται