1 και εγενετο μεθ ημεραϲ εξ παραλαμβανει ο ι̅η̅ϲ̅ τον πετρον και τον ιακωβον και τον ιωαννην τον αδελφον αυτου και αναγει αυτουϲ ειϲ οροϲ υψηλον λειαν
2 και μεταμορφωθειϲ ο ι̅η̅ϲ̅ ενπροϲθεν αυτων ελαμψεν το προϲωπον αυτου ωϲ ο ηλιοϲ τα δε ειματεια αυτου εγενετο λευκα ωϲ χειων
3 και ιδου ωφθη αυτοιϲ μωυϲηϲ και ηλειαϲ μετ αυτου ϲυνλαλουντεϲ
4 αποκριθειϲ δε ο πετροϲ ειπεν τω ι̅η̅υ̅ κ̅ε̅ καλον εϲτιν ημαϲ ωδε ειναι ει θελειϲ ποιηϲωμεν ωδε τρειϲ ϲκηναϲ ϲοι μειαν και μωυϲει μειαν και ηλεια μειαν
5 ετι αυτου λαλουντοϲ ιδου νεφελη φωτεινη επεϲκιαζεν αυτουϲ και ιδου φωνη εκ τηϲ νεφεληϲ λεγουϲα ουτοϲ εϲτιν ο υιοϲ μου ο αγαπητοϲ εν ω ηυδοκηϲα ακουετε αυτου
6 ακουϲαντεϲ δε οι μαθηται επεϲαν επι προϲωπον αυτων και εφοβηθηϲαν ϲφοδρα
7 και προϲηλθεν ο ι̅η̅ϲ̅ και ηψατο αυτων και ειπεν εγειρεϲθαι και μη φοβειϲθαι
8 {επεροντεϲ} [25] δε τουϲ οφθαλμουϲ αυτων ουδενα ειδον ει μη μονον τον ι̅η̅ν̅
9 και καταβαινοντεϲ εκ του ορουϲ ενετειλατο αυτοιϲ ο ι̅η̅ϲ̅ λεγων μηδενει ειπητε το οραμα εωϲ ου ο υιοϲ του ανθρωπου εκ νεκρων εγερθη
10 και επηρωτηϲαν αυτον οι μαθηται αυτου λεγοντεϲ τι ουν οι γραμματειϲ λεγουϲιν οτι ηλειαν δει ελθειν πρωτον
11 ο δε αποκριθειϲ ειπεν ηλειαϲ μεν ερχεται αποκαταϲτηϲαι παντα
12 λεγω δε υμειν οτι ηλειαϲ ηδη ηλθεν και ουκ επεγνωϲαν αυτον αλλα εποιηϲαν αυτω οϲα ηθεληϲαν
13 τοτε ϲυνηκαν οι μαθηται οτι περι ιωαννου του βαπτιϲτου ειπεν αυτοιϲ ουτωϲ και ο υιοϲ του ανθρωπου μελλει παϲχι̅ υπ αυτω̅
14 και ελθων προϲ τον οχλον προϲηλθεν αυτω ανθρωποϲ γονυπετων ενπροϲθεν αυτου
15 και λεγων κ̅ε̅ ελεηϲον μου τον υιον οτι ϲεληνιαζεται και κακωϲ παϲχει πολλακιϲ γαρ πιπτει ειϲ το πυρ και ενιοτε ειϲ το υδωρ
16 και προϲηνεγκα αυτον τοιϲ μαθηταιϲ ϲου και ουκ ηδυνηθηϲαν θεραπευϲαι αυτον
17 αποκριθειϲ δε ο ι̅η̅ϲ̅ ειπεν ω γενεα απιϲτοϲ και διεϲτραμμενη εωϲ ποτε μεθ υμων εϲομαι εωϲ ποτε ανεξομαι υμων φερετε μοι αυτον ωδε
18 και επετειμηϲεν αυτω ο ι̅η̅ϲ̅ και εξηλθεν απ αυτου το δαιμονιον και εθαραπευθη ο παιϲ απο τηϲ ωραϲ εκεινηϲ
19 τοτε προϲελθοντεϲ οι μαθηται τω ι̅η̅υ̅ καθ ιδιαν ειπον δια τι ημειϲ ουκ ηδυνηθημεν εκβαλειν αυτο
20 ο δε λεγει αυτοιϲ δια την απιϲτειαν υμων αμην γαρ λεγω υμειν εαν εχητε πιϲτιν ωϲ κοκκοϲ ϲιναπεωϲ ερειτε τω ορει τουτω μεταβηθει ενθεν εκει και μεταβηϲεται και ουδεν αδυνατηϲει υμειν
21 τουτο δε το γενοϲ ουκ εκπορευεται ει μη εν προϲευχη και νηϲτεια
22 αυτων δε αναϲτρεφομενων εν τη γαλειλαια ειπεν αυτοιϲ ο ι̅η̅ϲ̅ μελλει ο υιοϲ του ανθρωπου παραδιδοϲθαι ειϲ χειραϲ ανθρωπων
23 και αποκτεινουϲιν αυτον και μετα τρειϲ ημεραϲ εγερθηϲεται και ελυπηθηϲαν ϲφοδρα
24 και ελθοντων αυτων ειϲ καφαρναουμ προϲηλθον οι τα διδραγματα λαμβανοντεϲ και ειπαν τω πετρω ο διδαϲκαλοϲ υμων ου τελει δειδραγμα
25 λεγει ναι και ειϲελθοντι ειϲ την οικειαν προεφθαϲεν αυτον ο ι̅η̅ϲ̅ λεγων τι ϲοι δοκει ϲιμων οι βαϲιλειϲ τηϲ γηϲ απο τινων λαμβανουϲιν τελη η κηνϲον απο των υιων αυτων η απο των αλλοτριων
26 λεγει αυτω απο των αλλοτριων εφη αυτω ο ι̅η̅ϲ̅ αρα γε ελευθεροι ειϲιν οι υιοι
27 ινα δε μη ϲκανδαλειϲωμεν αυτουϲ πορευθειϲ ειϲ την θαλαϲϲαν βαλε ανκιϲτρο̅ και τον αναβαντα πρωτον ιχθυν αρον και ανοιξαϲ το ϲτομα αυτου ευρηϲειϲ εκει ϲτατηρα εκεινον λαβων δοϲ αυτοιϲ αντι εμου και ϲου
Примечания:
8 [25] {επαραντεϲ}
Нашли в тексте ошибку? Выделите её и нажмите:
Ctrl + Enter
Евангелие от Матфея, 17 ΚΕΦΆΛΑΙΟ. Кодекс Безы — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.