ΚΑΙΝΉ ΔΙΑΘΉΚΗ » Codex 05 Кодекс Безы — 5 век

ΜΑΤΘΑΙΟΝ 4 ΚΑΤΑ ΜΑΤΘΑΙΟΝ 4 ΚΕΦΆΛΑΙΟ

1 τοτε ο ι̅η̅ϲ̅ ανηχθη ειϲ την ερημον υπο του π̅ν̅ϲ̅ πειραϲθηναι υπο του διαβολου
2 και νηϲτευϲαϲ ημεραϲ μ̅ και τεϲϲερακοντα νυκταϲ υϲτερον επειναϲεν
3 και προϲηλθεν αυτω ο πιραζων και ειπεν αυτω ει υιοϲ ει του θ̅υ̅ ειπε ινα οι λιθοι ουτοι αρτοι γενω̅ται
4 αποκριθειϲ δε ο ι̅η̅ϲ̅ ειπεν γεγραπται ουκ επ αρτω μονω ζηϲεται ο ανθρωποϲ αλλ εν παντι ρηματι θ̅υ̅
5 τοτε παραλαμβανει αυτον ο διαβολοϲ ειϲ την αγιαν πολιν και εϲτηϲεν αυτον επι το πτερυγιον του ιερου
6 και λεγει αυτω ει υιοϲ ει θεου βαλε ϲεαυτον κατω γεγραπται γαρ οτι τοιϲ αγγελοιϲ αυτου εντελειται περι ϲου και επει χειρων αιρουϲιν ϲε μηποτε προϲκοψηϲ προϲ λιθον τον ποδα ϲου
7 εφη αυτω ο ι̅η̅ϲ̅ παλιν γεγραπται ου πειραϲειϲ κ̅ν̅ τον θ̅ν̅ ϲου
8 παλιν παραλαμβανει αυτον ο διαβολοϲ ειϲ οροϲ υψηλον λειαν και εδειξεν αυτω παϲαϲ ταϲ βαϲιλειαϲ του κοϲμου και την δοξαν αυτων
9 και ειπεν αυτω ταυτα παντα ϲοι δωϲω εαν πεϲων προϲκυνηϲηϲ μοι
10 τοτε λεγει αυτω ο ι̅η̅ϲ̅ υπαγε οπιϲω μου ϲατανα γεγραπται γαρ κ̅ν̅ τον θ̅ν̅ ϲου προϲκυνηϲειϲ και αυτω μονω λατρευϲειϲ
11 τοτε αφιηϲιν αυτον ο διαβολοϲ και ιδου αγγελοι προϲηλθον και διηκονουν αυτω
12 ακουϲαϲ δε οτι ιωαννηϲ παρεδοθη ανεχωρηϲεν ειϲ την γαλιλαιαν
13 και καταλειπων την ναζαρεθ ελθων κατοικηϲεν ειϲ καφαρναουμ την παραθαλαϲϲιον εν οριοιϲ ζαβουλων και νεφθαλειμ
14 ινα πληρωθη το ρηθεν δια ηϲαιου του προφητου του λεγοντοϲ
15 γη ζαβουλων και νεφθαλειν οδον θαλαϲϲηϲ περαν του ιορδανου γαλιλαιαϲ των εθνων
16 ο λαοϲ ο καθημενοϲ εν τη ϲκοτεια ειδον φωϲ μεγαν οι καθημενοι εν χωρα ϲκεια θανατου φωϲ ανετειλεν αυτοιϲ
17 απο τοτε γαρ ηρξατο ι̅η̅ϲ̅ κηρυϲϲιν και λεγειν μετανοειτε ηνγικεν γαρ η βαϲιλεια των ουρανων
18 παραγων δε παρα την θαλαϲϲαν τηϲ γαλιλαιαϲ ειδεν δυο αδελφουϲ ϲιμωνα τον λεγομενον πετρον και ανδρεαν τον αδελφον αυτου βαλλονταϲ αμφιβληϲτροϲ ειϲ την θαλαϲϲα̅ ηϲαν γαρ αλιειϲ
19 και λεγει αυτοιϲ δευτε οπειϲω μου και ποιηϲω υμαϲ γενεϲθαι αλιειϲ ανθρωπων
20 οι δε ευθεωϲ αφεντεϲ τα δικτυα ηκολουθηϲαν αυτω
21 και προβαϲ εκειθεν ειδεν αλλουϲ δυο αδελφουϲ ιακωβον τον του ζεβεδαιου και ιωαννην τον αδελφον αυτου εν τω πλοιω μετα ζεβεδαιου του πατροϲ αυτω̅ καταρτιζονταϲ τα δικτυα αυτων και εκαλεϲεν αυτουϲ
22 οι δε ευθεωϲ αφεντεϲ το πλοιον και τον πατερα αυτων ηκολουθηϲαν αυτω
23 και περιηγεν ο ι̅η̅ϲ̅ ολην την γαλιλαιαν διδαϲκων εν ταιϲ ϲυναγωγαιϲ αυτων και κηρυϲϲων το ευαγγελιον τηϲ βαϲιλιαϲ και θεραπευων παϲαν νοϲον και παϲαν μαλακειαν εν τω λαω
24 και απηλθεν αυτου η ακοη ειϲ ολην την ϲυριαν και προϲηνεγκαν αυτω πανταϲ τουϲ κακωϲ εχονταϲ ποικειλαιϲ νοϲοιϲ και βαϲανοιϲ ϲυνεχομενουϲ και δαιμονιζομενουϲ και ϲεληνιαζομενουϲ και παραλυτικουϲ και πανταϲ εθεραπευϲεν
25 και ηκολουθηϲαν αυτω οχλοι πολλοι απο τηϲ γαλειλαιαϲ και δεκαπολεωϲ και ιεροϲολυμων και ιουδαιαϲ και περαν του ιορδανου
Нашли в тексте ошибку? Выделите её и нажмите: Ctrl + Enter

Евангелие от Матфея, 4 ΚΕΦΆΛΑΙΟ. Кодекс Безы — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ СЛУЖЕНИЕ

ΜΑΤΘΑΙΟΝ 4 ΚΕΦΆΛΑΙΟ в переводах:
ΜΑΤΘΑΙΟΝ 4 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.