ΚΑΙΝΉ ΔΙΑΘΉΚΗ » Codex 05 Кодекс Безы — 5 век

ΜΑΤΘΑΙΟΝ 18 ΚΑΤΑ ΜΑΤΘΑΙΟΝ 18 ΚΕΦΆΛΑΙΟ

1 εν εκεινη τη ωρα προϲηλθον οι μαθηται τω ι̅η̅υ̅ λεγοντεϲ τιϲ αρα μειζω εϲτιν εν τη βαϲιλεια των ουρανων
2 και προϲκαλεϲαμενοϲ ο ι̅η̅ϲ̅ παιδιον εν εϲτηϲεν αυτο εν μεϲω αυτων
3 και ειπεν αμην λεγω υμειν εαν μη ϲτραφηται και γενηϲθε ωϲ τα παιδια ου μη ειϲελθητε ειϲ την βαϲιλειαν των ουρανων
4 οϲτιϲ ουν ταπεινωϲει εαυτον ωϲ το παιδιον τουτο ουτοϲ εϲτιν ο μειζων εν τη βαϲειλεια των ουρανων
5 και οϲ αν δεξηται εν παιδιον τοιουτον επι τω ονοματι μου εμε δεχεται
6 οϲ δ αν ϲκανδαλειϲη ενα των μεικρων τουτω̅ των πιϲτευοντων ειϲ εμε ϲυνφερει αυτω ινα κρεμαϲθη μυλοϲ ονικοϲ επι τον τραχηλον αυτου και καταποντιϲθη εν τω πελαγει τηϲ θαλαϲϲηϲ
7 ουαι τω κοϲμω απο των ϲκανδαλων αναγκη γαρ εϲτιν ελθειν τα ϲκανδαλα πλην δε ουαι τω ανθρωπω δι ου το ϲκανδαλον ερχεται
8 ει δε η χειρ ϲου η ο πουϲ ϲου ϲκανδαλιζει ϲε εκκοψον αυτον και βαλε απο ϲου καλον ϲοι εϲτιν ειϲελθειν ειϲ την ζωην χωλον η κυλλον η δυο ποδαϲ η δυο χειραϲ εχοντα βληθηναι ειϲ το πυρ το αιωνιον
9 το αυτο ει και ο οφθαλμοϲ ϲου ϲκανδαλιζει ϲε εξελε αυτον και βαλε απο ϲου καλον ϲοι εϲτιν μονοφθαλμον ειϲ την ζωην ειϲελθειν η δυο οφθαλμουϲ εχοντα βληθηναι ειϲ την γεενναν
10 ορατε μη καταφρονηϲηται ενοϲ τουτων των μεικρων των πιϲτευοντων ειϲ εμε λεγω γαρ υμειν οτι οι αγγελοι αυτων εν ουρανοιϲ δια παντοϲ βλεπουϲιν το προϲωπον του π̅ρ̅ϲ̅ μου του εν τοιϲ ουρανοιϲ
11 ηλθεν γαρ ο υιοϲ του ανθρωπου ϲωϲαι το απολωλοϲ
12 τι δε υμειν δοκει εαν γενηται τινι ανθρωπω εκατον προβατα και πλανηθη εν εξ αυτων ουχι αφιηϲιν τα ενενηκοντα εννεα επι τα ορη και πορευομενοϲ ζητει το πλανωμενον
13 και εαν γενηται ευρειν αυτο αμην λεγω υμειν οτι χαιρει επ αυτω μαλλον η επι τοιϲ ϟ̅ θ̅ τοιϲ μη πεπλανημενοιϲ
14 ουτωϲ ουκ εϲτιν θελημα ενπροϲθεν του πατροϲ ημων του εν τοιϲ ουρανοιϲ ινα αποληται εν των μεικρων τουτων
15 εαν δε αμαρτηϲη ειϲ ϲε ο αδελφοϲ ϲου υπαγε ελενξον αυτον μεταξυ ϲου και αυτου μονου εαν ϲου ακουϲη εκερδηϲεϲ τον αδελφον ϲου
16 εαν δε μη ακουϲη παραλαβε μετα ϲου ετι ενα η δυο ινα επι ϲτοματοϲ δυο η τρειων ϲταθη παν ρημα
17 εαν δε παρακουϲη αυτων ειπε τη εκκληϲεια εαν δε και τηϲ εκκληϲειαϲ παρακουϲη εϲτω ϲοι ωϲπερ ο εθνικοϲ και ωϲ ο τελωνηϲ
18 αμην λεγω υμειν οϲα αν δηϲητε επι τηϲ γηϲ εϲτε λελυμενα εν τοιϲ ουρανοιϲ
19 παλιν λεγω υμειν οτι δυο εαν ϲυνφωνηϲωϲι̅ εξ υμων επι τηϲ γηϲ περι παντοϲ του πραγματοϲ ου αν αιτηϲωνται γενηϲεται αυτοιϲ παρα του πατροϲ μου του εν ουρανοιϲ
20 ουκ ειϲιν γαρ δυο η τρειϲ ϲυνηγμενοι ειϲ το εμον ονομα παρ οιϲ ουκ ειμει εν μεϲω αυτων
21 τοτε προϲελθων πετροϲ ειπεν αυτω κ̅ε̅ ποϲακειϲ αμαρτηϲει ειϲ εμε ο αδελφοϲ μου και αφηϲω αυτω εωϲ επτακιϲ
22 λεγει αυτω ο ι̅η̅ϲ̅ ου λεγω ϲοι εωϲ επτακιϲ αλλα εωϲ εβδομηκοντακιϲ επτακιϲ
23 δια τουτο ωμοιωθη η βαϲιλεια των ουρανων ανθρωπω βαϲιλει οϲ ηθεληϲεν ϲυναραι λογο̅ μετα των δουλων αυτου
24 αρξαμενου δε αυτου ϲυναιρειν προϲηχθη αυτω ειϲ οφειλετηϲ μυριων ταλαντων
25 μη εχοντοϲ δε αυτου αποδουναι εκελευϲεν αυτον ο κ̅ϲ̅ πραθηναι και την γυναικα αυτου και τα τεκνα και παντα οϲα ειχεν και αποθηναι
26 πεϲων δε ο δουλοϲ εκεινοϲ προϲεκυνει αυτω λεγων μακροθυμηϲον επ εμε και παντα αποδωϲω
27 ϲπλανχνιϲθειϲ δε ο κ̅ϲ̅ του δουλου εκεινου απελυϲεν αυτον και το δανιον αφηκεν αυτω
28 εξελθων δε ο δουλοϲ εκεινοϲ ευρεν ενα των ϲυνδουλων αυτου οϲ ωφειλεν αυτω δηναρια ρ̅ και κρατηϲαϲ αυτον επνειγεν λεγων αποδοϲ ει τι οφειλειϲ
29 πεϲων ουν ο ϲυνδουλοϲ αυτου παρεκαλει αυτο̅ λεγων μακροθυμηϲον επ εμε καγω αποδωϲω ϲοι
30 ο δε ουκ ηθεληϲεν αλλα απελθων εβαλεν αυτον ειϲ φυλακην εωϲ ου αποδω το οφειλομενον
31 ιδοντεϲ ουν οι ϲυνδουλοι αυτου τα γεινομενα ελυπηθηϲαν ϲφοδρα και ελθοντεϲ διεϲαφηϲαν τω κ̅ω̅ αυτων παντα τα γενομενα
32 τοτε προϲκαλεϲαμενοϲ αυτον ο κ̅ϲ̅ αυτου λεγει δουλε πονηρε παϲαν την οφειλην εκεινη̅ αφηκα ϲοι επι παρεκαλεϲαϲ με
33 ουκ εδι ουν και ϲε ελεηϲε τον ϲυνδουλον ϲου ωϲ καγω ϲε ηλεηϲα
34 και οργιϲθειϲ ο κ̅ϲ̅ αυτου παρεδωκεν αυτον τοιϲ βαϲανιϲταιϲ εωϲ ου αποδω το οφειλομενον
35 ουτωϲ και υμειν ποιηϲει ο πατηρ μου ο ουρανιοϲ εαν μη αφητε εκαϲτοϲ τω αδελφω αυτου απο των καρδιων υμων
Нашли в тексте ошибку? Выделите её и нажмите: Ctrl + Enter

Евангелие от Матфея, 18 ΚΕΦΆΛΑΙΟ. Кодекс Безы — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ ДЕНЬГАМИ

ΜΑΤΘΑΙΟΝ 18 ΚΕΦΆΛΑΙΟ в переводах:
ΜΑΤΘΑΙΟΝ 18 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.