ΚΑΙΝΉ ΔΙΑΘΉΚΗ » Codex 05 Кодекс Безы — 5 век

ΜΑΤΘΑΙΟΝ 20 ΚΑΤΑ ΜΑΤΘΑΙΟΝ 20 ΚΕΦΆΛΑΙΟ

1 ομοια γαρ εϲτιν η βαϲιλεια των ουρανων ανθρωπω οικοδεϲποτη οϲτιϲ εξηλθεν αμα πρωι μειϲθωϲαϲθαι εργαταϲ ειϲ τον αμπελωνα αυτου
2 ϲυμφωνηϲαϲ δε μετα των εργατων εκ δηναριου την ημεραν απεϲτειλεν αυτουϲ ειϲ τον αμπελωνα αυτου
3 και διεξελθων περι ωραν τριτην ευρεν αλλουϲ εϲτωταϲ εν τη αγορα αργουϲ
4 κακεινοιϲ ειπεν υπαγεται και υμειϲ ειϲ τον αμπελωνα και ο αν η δικαιον δωϲω υμειν
5 οι δε απηλθον παλιν δε εξελθων περι ωραν εκτην και {ενδεκατην} [26] εποιηϲεν ωϲαυτωϲ
6 περι δε την ενδεκατην εξηλθεν και ευρεν αλλουϲ εϲτωταϲ και λεγει αυτοιϲ τι ωδε εϲτηκατε ολην την ημεραν αργοι
7 λεγουϲιν αυτω οτι ουδειϲ ημαϲ εμειϲθωϲατο λεγει αυτοιϲ υπαγεται και υμειϲ ειϲ τον αμπελωνα μου
8 οψειαϲ δε γενομενηϲ λεγει ο κ̅ϲ̅ του αμπελωνοϲ τω επιτροπω αυτου καλεϲον τουϲ εργαταϲ και αποδοϲ αυτοιϲ τον μιϲθον αρξαμενοϲ απο των αιϲχατων εωϲ των πρωτων
9 ελθοντεϲ ουν οι περι την ενδεκατην ωραν ελαβον ανα δηναριον
10 και ελθοντεϲ οι πρωτοι ενομιϲαν οτι πλειω λημψονται ελαβον δε και αυτοι ανα δηναριον
11 λαβοντεϲ δε εγονγυϲαν κατα του οικοδεϲποτου
12 λεγοντεϲ ουτοι οι αιϲχατοι μιαν ωραν εποιηϲαν και ιϲουϲ αυτουϲ ημειν εποιηϲαϲ τοιϲ βαϲταϲαϲιν το βαροϲ τηϲ ημεραϲ και τον καυϲωνα
13 ο δε αποκρειθιϲ ενι αυτων ειπεν εταιρε ουκ αδικω ϲε ουχι δηναριου ϲυνεφωνηϲαϲ μοι
14 αρον το ϲον και υπαγε θελω δε τω αιϲχατω τουτω δουναι ωϲ και ϲοι
15 ουκ εϲτιν μοι ο θελω ποιηϲαι εν τοιϲ εμοιϲ η ο οφθαλμοϲ ϲου πονηροϲ εϲτιν οτι εγω αγαθοϲ ειμει
16 ουτωϲ εϲονται οι αιϲχατοι πρωτοι και οι πρωτοι αιϲχατοι πολλοι γαρ ειϲιν κλητοι ολιγοι δε εκλεκτοι
17 και αναβαινων ο ι̅η̅ϲ̅ ειϲ ιεροϲολυμα παρελαβεν τουϲ ι̅β̅ κατ ιδιαν εν τη οδω και ειπεν αυτοιϲ
18 ιδου αναβενομεν ειϲ ιεροϲολυμα και ο υιοϲ του ανθρωπου παραδοθηϲεται τοιϲ αρχιερευϲιν και γραμματευϲιν και κατακρεινουϲιν αυτον θανατω
19 και παραδωϲουϲιν αυτον τοιϲ εθνεϲιν ειϲ το ενπαιξαι και μαϲτειγωϲαι και ϲταυρωϲαι και τη τριτη ημερα αναϲτηϲεται
20 τοτε προϲηλθεν αυτω η μητηρ των υιων ζεβεδεου μετα των υιων αυτηϲ προϲκυνουϲα και αιτουϲα τι απ αυτου
21 ο δε ειπεν αυτη τι θελειϲ λεγει αυτω ειπε ινα καθιϲωϲιν ουτοι οι δυο υιοι μου ειϲ εκ δεξιων ϲου και ειϲ εξ ευωνυμων εν τη βαϲιλεια ϲου
22 αποκριθειϲ δε ο ι̅η̅ϲ̅ ειπεν ουκ οιδατε τι {αιτειτε} [27] δυναϲθαι το ποτηριον πειειν ο εγω μελλω πεινειν λεγουϲιν δυναμεθα
23 λεγει αυτοιϲ ο ι̅η̅ϲ̅ το μεν ποτηριον μου πιεϲθε το δε καθειϲαι εκ δεξιων μου και εξ ευωνυμων ουκ εϲτιν εμον τουτο δουναι αλλ οιϲ ητοιμαϲται υπο του πατροϲ μου
24 και ακουϲαντεϲ οι δεκα ηγανακτηϲαν περι των δυο αδελφων
25 ο δε ι̅η̅ϲ̅ προϲκαλεϲαμενοϲ αυτουϲ ειπεν αυτοιϲ οιδατε οτι οι αρχοντεϲ των εθνων κατακυριευουϲιν αυτων και οι μεγαλοι κατεξουϲιαζουϲιν αυτων
26 ουχ ουτωϲ εϲτιν εν υμειν αλλ οϲ αν θελη εν υμειν μεγαϲ γενεϲθε εϲτε υμων διακονοϲ
27 και οϲ αν θελη εν υμειν ειναι πρωτοϲ εϲτε υμων δουλοϲ
28 ωϲπερ ο υιοϲ του ανθρωπου ουκ ηλθεν διακονηθηναι αλλα διακονηϲαι και δουναι την ψυχην αυτου λυτρον αντι πολλων υμειϲ δε ζητειτε εκ μεικρου αυξηϲαι και εκ μειζονοϲ ελαττον ειναι ειϲερχομενοι δε και παρακληθεντεϲ δειπνηϲαι μη ανακλεινεϲθαι ειϲ τουϲ εξεχονταϲ τοπουϲ μηποτε ενδοξοτεροϲ ϲου επελθη και προϲελθων ο δειπνοκλητωρ ειπη ϲοι ετι κατω χωρει και καταιϲχυνθηϲη εαν δε αναπεϲηϲ ειϲ τον ηττονα τοπον και επελθη ϲου ηττων ερει ϲοι ο δειπνοκλητωρ ϲυναγε ετι ανω και εϲται ϲοι τουτο χρηϲιμον
29 και εκπορευομενων αυτων απο ιεριχω ηκολουθηϲαν αυτω οχλοι πολλοι
30 και ιδου δυο τυφλοι καθημενοι παρα την οδον ηκουϲαν οτι ι̅η̅ϲ̅ παραγει και εκραξαν λεγοντεϲ ελεηϲον ημαϲ υιε δαυειδ
31 ο δε οχλοϲ επετειμηϲεν αυτοιϲ {υνα} [28] ϲειωπηϲωϲιν οι δε μειζον εκραξαν λεγοντεϲ κ̅ε̅ ελεηϲον ημαϲ υιε δαυειδ
32 και ϲταϲ ο ι̅η̅ϲ̅ εφωνηϲεν αυτουϲ και ειπεν τι θελεται ποιηϲω υμειν
33 λεγουϲιν αυτω κ̅ε̅ ινα ανυγωϲιν οι οφθαλμοι ημων
34 {ϲπλανχνιϲθε} [29] ο ι̅η̅ϲ̅ ηψατο των ομματων αυτων και ευθεωϲ ανεβλεψαν και ηκολουθηϲαν αυτω

Примечания:

5  [26] {εννατην}
22  [27] {αιτειϲθε}
31  [28] {ινα}
34  [29] {ϲπλανχνιϲθειϲ δε}

Нашли в тексте ошибку? Выделите её и нажмите: Ctrl + Enter

Евангелие от Матфея, 20 ΚΕΦΆΛΑΙΟ. Кодекс Безы — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ ДЕНЬГАМИ

ΜΑΤΘΑΙΟΝ 20 ΚΕΦΆΛΑΙΟ в переводах:
ΜΑΤΘΑΙΟΝ 20 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.