Библия » Ефремов кодекс – 5 век

ΚΑΤΑ ΜΑΤΘΑΙΟΝ 4 κεφάλαιο

1 ανηχθη δε ο ι̅ϲ̅ ειϲ την ερημον υπο του π̅ν̅ϲ̅ πειραϲθηναι υπο του διαβολου
2 και νηϲτευϲαϲ ημεραϲ τεϲϲερακονταϲ και νυκταϲ τεϲϲερακοντα υϲτερον επειναϲεν
3 και προϲελθων αυτω ο πειραζων ειπεν ει υ̅ϲ̅ ει του θ̅υ̅ ειπε ινα οι λιθοι ουτοι αρτοι γενωνται
4 ο δε αποκριθειϲ ειπεν γεγραπται ουκ επ αρτω μονω ζηϲεται ο α̅ν̅ο̅ϲ̅ αλλα εν παντι ρηματι εκπορευομενω δια ϲτοματοϲ θ̅υ̅
5 τοτε παραλαμβανει αυτον ο διαβολοϲ ειϲ την αγιαν πολιν και εϲτηϲεν αυτον επι το πτερυγιον του ιερου
6 και λεγει αυτω ει υ̅ϲ̅ ει του θ̅υ̅ βαλε ϲεαυτον εντευθεν κατω γεγραπται γαρ οτι τοιϲ αγγελοιϲ αυτου εντελειται περι ϲου και επι χειρων αρουϲιν ϲε μηποτε προϲκοψηϲ προϲ λιθον τον ποδα ϲου
7 εφη αυτω ο ι̅ϲ̅ παλιν γεγραπται ουκ εκπιραϲειϲ κ̅ν̅ το̅ θ̅ν̅ ϲου
8 παλιν παραλαμβανει αυτον ο διαβολοϲ ειϲ οροϲ υψηλον λιαν και δικνυϲειν αυτω παϲαϲ ταϲ βαϲιλειαϲ του κοϲμου και την δοξαν αυτων
9 και ειπε̅ αυτω ταυτα ϲοι παντα δωϲω εαν πεϲων προϲκυνηϲιϲ μοι
10 τοτε λεγει αυτω ο ι̅ϲ̅ υπαγε ϲατανα γεγραπται γαρ κ̅ν̅ τον θ̅ν̅ ϲου προϲκυνηϲιϲ και αυτω μονω λατρευϲιϲ
11 τοτε αφιηϲιν αυτον ο διαβολοϲ και ιδου αγγελοι προϲηλθον και διηκονουν αυτω
12 ακουϲαϲ δε οτι ιωαννηϲ παρεδοθη ανεχωρηϲεν ειϲ τη̅ γαλιλαιαν
13 και καταλιπων την ναζαραθ ελθων κατωκηϲεν ειϲ καπερναουμ την παραθαλαϲϲιαν εν οριοιϲ ζαβουλων και νεφθαλειμ
14 ινα πληρωθη το ρηθεν δια ηϲαιου του προφητου λεγοντοϲ
15 γη ζαβουλων και γη νεφθαλειμ οδον θαλαϲϲηϲ περαν του ιορδανου γαλιλαια των εθνων
16 ο λαοϲ ο καθημενοϲ εν ϲκοτια φωϲ ιδεν μεγα και τοιϲ καθημενοιϲ εν χωρα και ϲκια θανατου φωϲ ανετειλεν αυτοιϲ
17 απο τοτε ηρξατο ο ι̅ϲ̅ κηρυϲϲειν και λεγειν μετανοειτε ηγγικεν γαρ η βαϲιλεια των ουρανων
18 περιπατων δε παρα την θαλαϲϲαν τηϲ γαλιλαιαϲ ιδεν δυο αδελφουϲ ϲιμωνα τον λεγομενον πετρον και ανδρεαν τον αδελφον αυτου βαλλονταϲ αμφιβληϲτρον ειϲ την θαλαϲϲαν ηϲαν γαρ αλεειϲ
19 και λεγει αυτοιϲ δευτε οπιϲω μου και ποιηϲω υμαϲ αλεειϲ α̅ν̅ω̅ν̅
20 οι δε ευθεωϲ αφεντεϲ τα δικτυα ηκολουθηϲαν αυτω
21 και προβαϲ εκειθεν ιδεν αλλουϲ δυο αδελφουϲ ιακωβον τον του ζεβεδαιουϲ και ιωαννην τον αδελφον αυτου εν τω πλοιω μετα ζεβεδαιου του π̅ρ̅ϲ̅ αυτω̅ καταρτιζονταϲ τα δικτυα αυτων και εκαλεϲεν αυτουϲ
22 οι δε ευθεωϲ αφεντεϲ το πλοιον και τον π̅ρ̅α̅ αυτων ηκολουθηϲαν αυτω
23 και περιηγεν ο ι̅ϲ̅ εν ολη τη γαλιλαια διδαϲκων εν ταιϲ ϲυναγωγαιϲ αυτων και κηρυϲϲων το ευαγγελιον τηϲ βαϲιλειαϲ και θεραπευων παϲαν νοϲον και παϲαν μαλακιαν εν τω λαω
24 και εξαπηλθεν η ακοη αυτου ειϲ ολη̅ την ϲυριαν και προϲηνεγκαν αυτω πανταϲ τουϲ κακωϲ εχονταϲ ποικιλαιϲ νοϲοιϲ και βαϲανοιϲ ϲυνεχομενουϲ δαιμονιζομενουϲ και ϲεληνιαζομενουϲ και παραλυτικουϲ και εθεραπευϲεν αυτουϲ
25 και ηκολουθηϲαν αυτω οχλοι πολλοι απο τηϲ γαλιλαιαϲ και δεκαπολεωϲ και ιεροϲολυμων και ιουδαιαϲ και περαν του ιορδανου
Нашли ошибку в тексте? Выделите её и нажмите: Ctrl + Enter

Евангелие от Матфея, 4 глава

Обратите внимание. Номера стихов – это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно вы будете приятно удивлены.


2007-2021, сделано с любовью для любящих и ищущих Бога. Если у вас есть вопросы или пожелания, то пишите: bible-man@mail.ru.
Рекомендуем хостинг, которым пользуемся сами – Beget. Стабильный. Недорогой.