1 και εγενετο οτε ετελεϲεν ο ι̅ϲ̅ διαταϲϲων τοιϲ δωδεκα μαθηταιϲ αυτου μετεβη εκειθεν του διδαϲκειν και κηρυϲϲειν εν ταιϲ πολεϲιν αυτων
2 ο δε ιωαννηϲ ακουϲαϲ εν τω δεϲμωτηριω τα εργα του χ̅υ̅ πεμψαϲ δια των μαθητων αυτου
3 ειπεν αυτω ϲυ ει ο ερχομενοϲ η ετερον προϲδοκωμεν
4 και αποκριθειϲ ο ι̅ϲ̅ ειπεν αυτοιϲ πορευθε̅τεϲ απαγγειλατε ιωαννη α ακουετε και βλεπετε
5 τυφλοι αναβλεπουϲιν και χωλοι περιπατουϲιν λεπροι καθαριζονται και κωφοι ακουουϲιν και νεκροι εγειρονται και πτωχοι ευαγγελιζονται
6 και μακαριοϲ εϲτιν οϲ εαν μη ϲκανδαλιϲθη εν εμοι
7 τουτων δε πορευομενων ηρξατο ο ι̅ϲ̅ λεγειν τοιϲ οχλοιϲ περι ιωαννου τι εξηλθατε ειϲ την ερημο̅ θεαϲαϲθαι καλαμον υπο ανεμου ϲαλευομενον
8 αλλα τι εξηλθατε ιδειν α̅ν̅ο̅ν̅ εν μαλακοιϲ ιματιοιϲ ημφιεϲμενον ιδου οι τα μαλακα φορουντεϲ εν τοιϲ οικοιϲ των βαϲιλεων ειϲιν
9 αλλα τι εξηλθατε ιδειν προφητην ναι λεγω υμιν και περιϲϲοτερον προφητου
10 ουτοϲ γαρ εϲτιν περι ου γεγραπται ιδου εγω αποϲτελλω τον αγγελον μου προ προϲωπου ϲου οϲ καταϲκευαϲει την οδον ϲου εμπροϲθεν ϲου
11 αμην λεγω υμιν ουκ εγηγερται εν γεννητοιϲ γυναικων μειζων ιωαννου του βαπτιϲτου ο δε μικροτεροϲ εν τη βαϲιλεια των ουρανων μειζων εϲτιν αυτου
12 απο δε των ημερων ιωαννου του βαπτιϲτου εωϲ αρτι η βαϲιλεια των ουρανων βιαζεται και βιαϲται αρπαζουϲιν αυτην
13 παντεϲ γαρ οι προφηται και ο νομοϲ εωϲ ιωαννου επροφητευϲαν
14 και ει θελετε δεξαϲθαι αυτοϲ εϲτιν ηλιαϲ ο μελλων ερχεϲθαι
15 ο εχων ωτα ακουειν ακουετω
16 τινι δε ομοιωϲω την γενεαν ταυτην ομοια εϲτι̅ παιδιοιϲ καθημενοιϲ εν αγοραιϲ α προϲφωνουϲιν τοιϲ ετεροιϲ αυτον
17 και λεγουϲιν ηυληϲαμεν υμιν και ουκ ωρχηϲαϲθαι εθρηνηϲαμεν υμιν και ουκ εκοψαϲθαι
18 ηλθεν γαρ ιωαννηϲ μητε εϲθιων μητε πινων και λεγουϲιν δαιμονιον εχει
19 ηλθεν ο υ̅ϲ̅ του α̅ν̅ο̅υ̅ εϲθιων και πινων και λεγουϲι̅ ιδου α̅ν̅ο̅ϲ̅ φαγοϲ και οινοποτηϲ τελωνων φιλοϲ και αμαρτωλων και εδικαιωθη η ϲοφια απο των τεκνων αυτηϲ
20 τοτε ηρξατο ο ι̅ϲ̅ ονειδιζειν ταϲ πολειϲ εν αιϲ εγενοντο αι πλειϲται δυναμειϲ αυτου οτι ου μετενοηϲαν
21 ουαι ϲοι χοραζειν ουαι ϲοι βηθϲαιδα οτ ει εν τυρω και ϲιδωνι εγενοντο αι δυναμειϲ αι γενομεναι εν υμιν παλαι αν εν ϲακκω και ϲποδω καθημενοι μετενοηϲαν
22 πλην λεγω υμιν τυρω και ϲιδωνι ανεκτοτερον εϲται εν ημερα κριϲεωϲ η υμιν
23 και ϲυ καπερναουμ μη εωϲ του ουρανου υψωθηϲη εωϲ αδου καταβιβαϲθηϲη οτι εν ϲοδομοιϲ εγενηθηϲαν αι δυναμειϲ αι γενομεναι εν ϲοι εμεινεν αν μεχρι τηϲ ημερον
24 πλην λεγω υμιν οτι γη ϲοδομων ανεκτοτερον εϲται εν ημερα κριϲεωϲ η ϲοι
25 εν εκεινω τω καιρω αποκριθειϲ ο ι̅ϲ̅ ειπεν εξομολογουμαι ϲοι π̅ε̅ρ̅ κ̅ε̅ του ουρανου και τηϲ γηϲ οτι απεκρυψαϲ ταυτα απο ϲοφω̅ και ϲυνετων και απεκαλυψαϲ αυτα νηπιοιϲ
26 ναι ο π̅η̅ρ̅ οτι ουτωϲ εγενετο ευδοκια εμπροϲθεν ϲου
27 παντα μοι παρεδοθη υπο του π̅ρ̅ϲ̅ μου και ουδειϲ γινωϲκει τον υ̅ν̅ ει μη ο π̅η̅ρ̅ ουδε τον π̅ρ̅α̅ τιϲ επιγινωϲκει ει μη ο υ̅ϲ̅ και ω εαν βουληται ο υ̅ϲ̅ αποκαλυψαι
28 δευτε προϲ με παντεϲ οι κοπιωντεϲ και πεφορτιϲμενοι καγω αναπαυϲω υμαϲ
29 αρατε τον ζυγον μου εφ υμαϲ και μαθετε απ εμου οτι πραυϲ ειμι και ταπεινοϲ τη καρδια και ευρηϲεται αναπαυϲιν ταιϲ ψυχαιϲ υμων
30 ο γαρ ζυγοϲ μου χρηϲτοϲ και το φορτιον μου ελαφρον εϲτιν
Нашли в тексте ошибку? Выделите её и нажмите:
Ctrl + Enter
Евангелие от Матфея, 11 ΚΕΦΆΛΑΙΟ. Ефремов кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.