ΚΑΙΝΉ ΔΙΑΘΉΚΗ » Codex 04 Ефремов кодекс — 5 век

ΜΑΤΘΑΙΟΝ 10 ΚΑΤΑ ΜΑΤΘΑΙΟΝ 10 ΚΕΦΆΛΑΙΟ

1 και προϲκαλεϲαμενοϲ τουϲ δωδεκα μαθηταϲ αυτου εδωκεν αυτοιϲ εξουϲιαν πνευματων ακαθαρτω̅ ωϲτε εκβαλειν αυτα και θεραπευειν παϲαν νοϲον και παϲαν μαλακιαν
2 των δε δωδεκα αποϲτολων τα ονοματα εϲτιν ταυτα πρωτοϲ ϲιμων ο λεγομενοϲ πετροϲ και ανδρεαϲ ο αδελφοϲ αυτου ιακωβοϲ ο του ζεβεδαιου και ιωαννηϲ ο αδελφοϲ αυτου
3 φιλιπποϲ και βαρθολομαιοϲ θωμαϲ και ματθαιοϲ ο τελωνηϲ ιακωβοϲ ο του αλφαιου και λεββαιοϲ ο και θαδδαιοϲ
4 ϲιμων ο καναναιοϲ και ιουδαϲ ιϲκαριωθ ο και παραδουϲ αυτον
5 τουτουϲ τουϲ δωδεκα απεϲτειλεν ο ι̅ϲ̅ παραγγειλαϲ αυτοιϲ λεγων ειϲ οδον εθνω̅ μη απελθητε και ειϲ πολιν ϲαμαριτων μη ειϲελθητε
6 πορευεϲθε δε μαλλον προϲ τα προβατα τα απολωλοτα οικου ι̅η̅λ̅
7 πορευομενοι δε κηρυϲϲετε λεγοντεϲ οτι ηγγικεν η βαϲιλεια των ουρανων
8 αϲθενουνταϲ θεραπευετε νεκρουϲ εγειρετε λεπρουϲ καθαριζετε δαιμονια εκβαλλετε δωρεαν ελαβετε δωρεαν δοτε
9 μη κτηϲηϲθε χρυϲον μηδε αργυρον μηδε χαλκον ειϲ ταϲ ζωναϲ υμων
10 μη πηραν ειϲ οδον μηδε δυο χιτωναϲ μηδε υποδηματα μηδε ραβδουϲ αξιοϲ γαρ ο εργατηϲ τηϲ τροφηϲ αυτου
11 ειϲ ην δ αν πολιν η κωμην ειϲελθητε εξεταϲατε τιϲ εν αυτη αξιοϲ εϲτιν κακει μεινατε εωϲ αν εξελθητε
12 ειϲερχομενοι δε ειϲ την οικιαν αϲπαϲαϲθαι αυτην
13 και εαν μεν ην η οικια αξια ελθατω η ειρηνη υμων επ αυτην εαν δε μη η αξια η ειρηνη υμων προϲ υμαϲ επιϲτραφητω
14 και οϲ εαν μη δεξηται υμαϲ μηδε ακουϲη τουϲ λογουϲ υμων εξερχομενοι εξω τηϲ οικιαϲ η τηϲ πολεωϲ εκεινηϲ εκτιναξατε τον κονιορτον εκ τω̅ ποδων υμων
15 αμην λεγω υμιν ανεκτοτερο̅ εϲται γη ϲοδομων και γη γομορραϲ εν ημερα κριϲεωϲ η τη πολει εκεινη
16 ιδου εγω αποϲτελλω υμαϲ ωϲ προβατα εμ μεϲω λυκων γινεϲθαι ουν φρονιμοι ωϲ οι οφειϲ και ακεραιοι ωϲ αι περιϲταιρε
17 προϲεχετε δε απο των α̅ν̅ω̅ν̅ παραδωϲουϲιν γαρ ειϲ ϲυνεδρεια και εν ταιϲ ϲυναγωγαιϲ αυτων μαϲτιγωϲουϲιν υμαϲ
18 και επι ηγεμοναϲ δε και βαϲιλειϲ αχθηϲεϲθε ενεκεν εμου ειϲ μαρτυριον αυτοιϲ και τοιϲ εθνεϲιν
19 οταν δε παραδιδωϲιν υμαϲ μη μεριμνηϲητε πωϲ η τι λαληϲητε δοθηϲεται γαρ υμιν εν εκεινη τη ημερα τι λαληϲητε
20 ου γαρ υμειϲ εϲτε οι λαλου̅τεϲ αλλα το π̅ν̅α̅ του π̅ρ̅ϲ̅ υμων το λαλουν εν υμι̅
21 παραδωϲει δε αδελφοϲ αδελφον ειϲ θανατον και π̅η̅ρ̅ τεκνον και επαναϲτηϲονται τεκνα επι γονειϲ και θανατωϲουϲιν αυτουϲ
22 και εϲεϲθε μειϲουμενοι υπο παντων δια το ονομα μου ο δε υπομειναϲ ειϲ τελοϲ ουτοϲ ϲωθηϲεται
23 οταν δε διωκωϲιν υμαϲ εν τη πολει ταυτη φευγετε ειϲ την αλλην αμην γαρ λεγω υμιν οτι ου μη τελεϲητε ταϲ πολειϲ του ι̅η̅λ̅ εωϲ αν ελθη ο υ̅ϲ̅ του ανθρωπου
24 ουκ εϲτιν μαθητηϲ υπερ τον διδαϲκαλον ουδε δουλοϲ υπερ τον κυριον αυτου
25 αρκετον τω μαθητη ινα γενηται ωϲ ο διδαϲκαλοϲ αυτου και ο δουλοϲ ωϲ ο κ̅ϲ̅ αυτου ει τον οικοδεϲποτην βεελζεβουλ επεκαλεϲαν ποϲω μαλλον τουϲ οικειακουϲ αυτου
26 μη ουν φοβηθητε αυτουϲ ουδεν γαρ εϲτι̅ κεκαλυμμενον ο ουκ αποκαλυφθηϲεται και κρυπτον ο ου γνωϲθηϲεται
27 ο λεγω υμιν εν τη ϲκοτια ειπατε εν τω φωτι και ο ειϲ το ουϲ ακουετε κηρυξατε επι των δωματω̅
28 και μη φοβειϲθαι απο των αποκτεννοντων το ϲωμα την δε ψυχην μη δυναμενων αποκτειναι φοβειϲθαι δε μαλλον τον δυναμενον και ψυχην και ϲωμα απολεϲαι εν γεεννη
29 ουχι δυο ϲτρουθια αϲϲαριου πωλειται και εν εξ αυτων ου πεϲειται επι την γην ανευ του π̅ρ̅ϲ̅ υμω̅
30 υμων δε και αι τριχεϲ τηϲ κεφαληϲ παϲαι ηριθμημεναι ειϲιν
31 μη ουν φοβηθητε πολλων ϲτρουθιων διαφερετε υμειϲ
32 παϲ ουν οϲτιϲ ομολογηϲει εν εμοι εμπροϲθεν τω̅ α̅ν̅ω̅ν̅ ομολογηϲω καγω εν αυτω εμπροϲθεν του π̅ρ̅ϲ̅ μου του εν τοιϲ ουρανοιϲ
33 οϲτιϲ δ αν αρνηϲηται με εμπροϲθεν των α̅ν̅ω̅ν̅ αρνηϲομαι αυτον καγω εμπροϲθεν του π̅ρ̅ϲ̅ μου του εν ουρανοιϲ
34 μη νομιϲητε οτι ηλθον βαλει̅ ειρηνην επι την γην ουκ ηλθον βαλειν ειρηνην αλλα μαχαιραν
35 ηλθον γαρ διχαϲαι α̅ν̅ο̅ν̅ κατα του π̅ρ̅ϲ̅ αυτου και θυγατερα κατα τηϲ μ̅ρ̅ϲ̅ αυτηϲ και νυμφην κατα τηϲ πενθεραϲ αυτηϲ
36 και εχθροι του α̅ν̅ο̅υ̅ οι οικιακοι αυτου
37 ο φιλων π̅ρ̅α̅ η μ̅ρ̅α̅ υπερ εμε ουκ εϲτιν μου αξιοϲ και ο φιλων υιον η θυγατερα υπερ εμε ουκ εϲτιν μου αξιοϲ
38 και οϲ ου λαμβανει τον ϲταυρον αυτου και ακολουθι οπιϲω μου ουκ εϲτιν μου αξιοϲ
39 ο ευρων την ψυχην αυτου απολεϲει αυτην και ο απολεϲαϲ την ψυχην αυτου ενεκεν εμου ευρηϲει αυτην
40 ο δεχομενοϲ υμαϲ εμε δεχεται και ο εμε δεχομενοϲ δεχεται τον αποϲτειλαντα με
41 ο δεχομενοϲ προφητην ειϲ ονομα προφητου μιϲθον προφητου λημψεται και ο δεχομενοϲ δικαιον ειϲ ονομα δικαιου μιϲθον δικαιου λημψεται
42 και οϲ αν ποτιϲη ενα των μικρων τουτων ποτηριον ψυχρου μονον ειϲ ονομα μαθητου αμην λεγω υμιν ου μη απολεϲη τον μιϲθον αυτου
Нашли в тексте ошибку? Выделите её и нажмите: Ctrl + Enter

Евангелие от Матфея, 10 ΚΕΦΆΛΑΙΟ. Ефремов кодекс — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ СЛУЖЕНИЕ

ΜΑΤΘΑΙΟΝ 10 ΚΕΦΆΛΑΙΟ в переводах:
ΜΑΤΘΑΙΟΝ 10 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.