Соборное послание святого апостола Иакова
Перевод Еп. Кассиана → Пераклад П. Татарыновіча
2 Даваць заўсёды першавагу багатым, абняхайваючы бедных, ня ёсць згодна з навукай Хрыстуса, які палюбіў бедных і ў валадарстве якога апошнія будуць першымі. Апостал пераканаўся, што вера найболей мае праціўнікаў сярод багатых.
Ня раз св. Якуб у сваім лісце гавора аб нікчомасці, кароткатрываласці, багацця, падкрэсліваючы пры тым узвышнасць цноты убогасці. Гэта ён робіць не дзеля таго, каб ганіць здабыванне дабра дастаткаў наагул, ці каб даваць практычныя выснавы справядлівага падзелу іх, ён падае толькі натхнёныя рады й паказвае, як паправіць душу людзкую, каб яна вызбылася галоўнага ліха ў грамадзтве: захланнае прагавітасці. Самалюбным і бязлітасна-скупым для беднага багацеем, св.Якуб пагражае асудам бяз міласэрдзя. Але і убогім ён дае напамін да цярплівасці й надзеі на Божую справядлівасць (5:1−6). Гэтыя павучэнні аб церазмерным уганянні за матарыялістычнаю дачаснасцю недаўна прыпомніў свету Піус ХІ у энцыкліцы Divini Redemptoris.
8 Кажная прыстароннасць ёсць супярэчная аснаўному закону: любі бліжняга твайго, як сябе самога. Нарушэнне кажнага прыказання адзіночна пярэчыць аснаўному вымаганню любасці да ўсіх, як да сябе самога, ёсць нарушэннем усяго закону. Асуд паводля закону волі (Нов.Зак.) — гэта асуд сэрца, дазнанне любасці, у іх палымеючай ды яснеючай учынкамі міласэрдзя.
14 Жывая вера цвіце учынкамі любасці: такі ўжо нутраны закон ейнай жывучасці; бяз учынкаў яна высыхае у абстрактны прынцып і, у меру выгасання дзейнае любасці, можа упадобніцца да дэманаўскай веды аб Богу, як аб чужнай і толькі жахлівай сіле. Сувязь веры і збаўленнага учынку, увыдатняецца тут так выразна, што гэта скланіла Лютра уважаць гэты ліст св. Якуба за некананічны (не належачы да натхнёных). Алеж, св. Якуб, як і св. Павал нп., падкрэслівае, што каб усправядлівіцца, дык ня хопіць толькі верыць, ня рупячыся аб чынах з веры. Такая вера падобная мяртваму целу бяз духа; яе ажыўляюць толькі ўчынкі. Збаўленнаю восьжа ёсць тая вера канкрэтна, лучна з учынкамі, разуметая, а не абстрактна (гл. Трыдэнц. Сабор С.6, Ц.10) Св. Павал гавора аб немагчымасці апраўдання учынкамі закону для чалавецтва яшчэ не адкупленага крывёю Збавіцеля, або наагул няверучых, хоцьбы й былі адкупленыя; а св. Якуб ганіць людзей, маючых веру але толькі на вуснах, а ня дбаючых выслужваць ласку паступкамі, жыццём, згодным з верай.
Да шчодрай субожыны для бедных св. Ян Залатавусны заахвочвае вось гэтак: «Уважай субожыну не за расход, а за прыход, не за ушчэрбак, а за здабытак, праз яе бо ты болей атрымоўваеш, чым даеш Ты нп. Даеш хлеб, а атрымоўваеш жыццё вечнае; даеш адзежыну, а дастаеш адзенне несмяротнасці; даеш прытулішча у сваёй хаціне, а выслужваеш Неба, даеш дабро, што потым гіне, а сам атрымоўваеш нявычэрпнае» (Contra Anomeis, Op. t I, p.572).