Библия » Ефремов кодекс – 5 век

ΚΑΤΑ ΙΩΑΝΝΗΝ 17 κεφάλαιο

1 ταυτα ελαληϲεν ο ι̅ϲ̅ και επαραϲ τουϲ οφθαλμουϲ αυτου ειϲ τον ουρανον ειπεν π̅ε̅ρ̅ εληλυθεν η ωρα δοξαϲον ϲου τον υ̅ν̅ ινα ο υ̅ϲ̅ δοξαϲη ϲε
2 καθωϲ εδωκαϲ αυτω εξουϲιαν παϲηϲ ϲαρκοϲ ινα παν ο δεδωκαϲ αυτω δωϲη αυτοιϲ ζωην αιωνιον
3 αυτη δε εϲτιν η αιωνιοϲ ζωη ινα γινωϲκωϲι ϲε τον μονον αληθινον θ̅ν̅ και ον απεϲτειλαϲ ι̅ν̅ χ̅ν̅
4 εγω ϲε εδοξαϲα επι τηϲ γηϲ το εργον τελειωϲαϲ ο εδωκαϲ μοι ινα ποιηϲω
5 και νυν δοξαϲον με ϲυ π̅ε̅ρ̅ παρα ϲεαυτω τη δοξη η ειχον προ του τον κοϲμον ειναι παρα ϲοι
6 εφανερωϲα ϲου το ονομα τοιϲ α̅ν̅ο̅ι̅ϲ̅ ουϲ δεδωκαϲ μοι εκ του κοϲμου ϲοι ηϲα̅ και εμοι αυτουϲ δεδωκαϲ και τον λογον ϲου τετηρηκαϲιν
7 νυν εγνωϲαν οτι παντα οϲα δεδωκαϲ μοι παρα ϲου ειϲιν
8 οτι τα ρηματα α εδωκαϲ μοι δεδωκα αυτοιϲ και αυτοι ελαβον και εγνωϲαν αληθωϲ οτι παρα ϲου εξηλθον και επιϲτευϲαν οτι ϲυ με απεϲτειλαϲ
9 εγω περι αυτων ερωτω ου περι του κοϲμου ερωτω αλλα περι ων δεδωκαϲ μοι οτι ϲοι ειϲιν
10 και τα εμα παντα ϲα εϲτιν και τα ϲα εμα και δεδοξαϲμαι εν αυτοιϲ
11 και ουκετι ειμι εν τω κοϲμω και ουτοι εν τω κοϲμω ειϲιν καγω προϲ ϲε ερχομαι π̅ε̅ρ̅ αγιε τηρηϲον αυτουϲ εν τω ονοματι ϲου ω δεδωκαϲ μοι ινα ωϲιν εν καθωϲ ημειϲ
12 οτε ημην μετ αυτων εγω ετηρουν αυτουϲ εν τω ονοματι ϲου ω δεδωκαϲ μοι και εφυλαξα και ουδειϲ εξ αυτων απωλετο ει μη ο υιοϲ τηϲ απωλειαϲ ινα η γραφη πληρωθη
13 νυν δε προϲ ϲε ερχομαι και ταυτα λαλω εν τω κοϲμω ινα εχωϲιν την χαραν την εμην πεπληρωμενην εν ταιϲ καρδιαιϲ ϲεαυτων
14 εγω δεδωκα αυτοιϲ τον λογον ϲου και ο κοϲμοϲ εμιϲηϲεν αυτουϲ οτι ουκ ειϲιν εκ του κοϲμου καθωϲ εγω ουκ ειμι εκ του κοϲμου
15 ουκ ερωτω ινα αρηϲ αυτουϲ εκ του κοϲμου αλλ ινα τηρηϲηϲ αυτουϲ εκ του πονηρου
16 εκ του κοϲμου ουκ ειϲιν καθωϲ εγω ουκ ειμι εκ του κοϲμου
17 αγιαϲον αυτουϲ εν τη αληθεια ο λογοϲ ο ϲοϲ αληθεια εϲτιν
18 καθωϲ εμε απεϲτειλαϲ ειϲ τον κοϲμον καγω απεϲτειλα αυτουϲ ειϲ τον κοϲμον
19 και υπερ αυτων εγω αγιαζω εμαυτον ινα και ωϲιν και αυτοι ηγιαϲμενοι εν αληθεια
20 ου περι τουτων δε ερωτω μονον αλλα και περι των πιϲτευοντων δια του λογου αυτων ειϲ εμε
21 ινα παντεϲ ωϲιν καθωϲ ϲυ π̅ε̅ρ̅ εν εμοι καγω εν ϲοι ινα και αυτοι εν ημι̅ ωϲιν ινα ο κοϲμοϲ πιϲτευη οτι ϲυ με απεϲτειλαϲ
22 καγω την δοξαν ην δεδωκαϲ μοι δεδωκα αυτοιϲ ινα ωϲιν εν καθωϲ ημειϲ εν
23 εγω εν αυτοιϲ και ϲυ εν εμοι ινα ωϲιν τετελειωμενοι ειϲ ειϲ εν ινα γινωϲκη ο κοϲμοϲ οτι ϲυ με απεϲτειλαϲ και ηγαπηϲαϲ αυτουϲ καθωϲ εμε ηγαπηϲαϲ
24 π̅ε̅ρ̅ ουϲ δεδωκαϲ μοι θελω ινα οπου ειμι εγω κακεινοι ωϲιν μετ εμου ινα θεωρωϲιν την δοξαν την εμην ην δεδωκαϲ μοι οτι ηγαπηϲαϲ με προ καταβοληϲ κοϲμου
25 π̅ε̅ρ̅ δικαιε κε ο κοϲμοϲ ϲε ουκ εγνω εγω δε ϲε εγνων και ουτοι εγνωϲαν οτι ϲυ με απεϲτειλαϲ
26 και εγνωριϲα αυτοιϲ το ονομα ϲου και γνωριϲω ινα η αγαπη ην ηγαπηϲαϲ με εν αυτοιϲ η καγω εν αυτοιϲ
Нашли в тексте ошибку? Выделите её и нажмите: Ctrl + Enter

Евангелие от Иоанна, 17 глава

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно вы будете приятно удивлены.


2007–2021, сделано с любовью для любящих и ищущих Бога. Если у вас есть вопросы или пожелания, то пишите: bible-man@mail.ru.