1 και διαγενομενου του ϲαββατου μαρια η μαγδαληνη και μαρια η του ιακωβου και ϲαλωμη ηγοραϲαν αρωματα ινα ελθουϲαι αλιψωϲιν αυτον
2 και λιαν πρωι τηϲ μιαϲ ϲαββατων ερχονται επι το μνημειο̅ ανατειλαντοϲ του ηλιου
3 και ελεγον προϲ εαυταϲ τιϲ αποκυλιϲει ημιν τον λιθον εκ τηϲ θυραϲ του μνημειου
4 και αναβλεψαϲαι θεωρουϲιν οτι αποκεκυλιϲται ο λιθοϲ ην γαρ μεγαϲ ϲφοδρα
5 και ειϲελθουϲαι ειϲ το μνημειον ιδον νεανιϲκον καθημενον εν τοιϲ δεξιοιϲ περιβεβλημενον ϲτολην λευκην και εξεθαμβηθηϲα̅
6 ο δε λεγει αυταιϲ μη εκθαμβειϲθε ι̅ν̅ ζητειτε τον ναζαρηνον το̅ εϲταυρωμενον ηγερθη ουκ εϲτιν ωδε ιδε ο τοποϲ οπου εθηκαν αυτον
7 αλλα υπαγετε ειπατε τοιϲ μαθηταιϲ αυτου και τω πετρω οτι προαγει υμαϲ ειϲ την γαλιλαιαν εκει αυτον οψεϲθαι καθωϲ ειπεν υμιν
8 και εξελθουϲαι εφυγον απο του μνημειου ειχεν δε αυταϲ τρομοϲ και εκϲταϲιϲ και ουδενι ουδεν ειπον εφοβουντο γαρ
9 αναϲταϲ δε πρωι πρωτη ϲαββατου εφανη πρωτον μαρια τη μαγδαληνη αφ ηϲ εκβεβληκει επτα δαιμονια
10 εκεινη πορευθειϲα απηγγειλεν τοιϲ μετ αυτου γενομενοιϲ πενθουϲιν και κλαιουϲιν
11 κακεινοι ακουϲαντεϲ οτι ζη και εθεαθη υπ αυτηϲ ηπιϲτηϲαν
12 μετα δε ταυτα δυϲιν εξ αυτων περιπατουϲιν εφανερωθη εν ετερα μορφη πορευομενοιϲ ειϲ αγρον
13 κακεινοι απελθοντεϲ απηγγειλαν τοιϲ λοιποιϲ ουδε εκεινοιϲ επιϲτευϲα̅
14 υϲτερον δε ανακειμενοιϲ αυτοιϲ τοιϲ ενδεκα εφανερωθη και ωνειδιϲεν την απιϲτειαν αυτων και ϲκληροκαρδιαν οτι τοιϲ θεαϲαμενοιϲ αυτον εγηγερμενον εκ νεκρων ουκ επιϲτευϲαν
15 και ειπεν αυτοιϲ πορευθεντεϲ ειϲ τον κοϲμον απαντα κηρυξατε το ευαγγελιον παϲη τη κτιϲει
16 ο πιϲτευϲαϲ και βαπτιϲθειϲ ϲωθηϲεται ο δε απιϲτηϲαϲ κατακριθηϲεται
17 ϲημεια δε τοιϲ πιϲτευϲαϲιν παρακολουθηϲει ταυτα εν τω ονοματι μου δαιμονια εκβαλουϲιν γλωϲϲαιϲ λαληϲουϲι̅ καιναιϲ
18 οφιϲ αρουϲιν καν θαναϲιμον τι πιωϲιν ου μη αυτουϲ βλαψη επι αρρωϲτουϲ χειραϲ επιθηϲουϲιν και καλωϲ εξουϲιν
19 ο μεν ουν κ̅ϲ̅ μετα το λαληϲαι αυτοιϲ ανελημφθη ειϲ τον ο̅υ̅ν̅ο̅ν̅ και εκαθειϲεν εκ δεξιων του θ̅υ̅
20 εκεινοι δε εξελθοντεϲ εκηρυξαν πανταχου του κ̅υ̅ ϲυνεργουντοϲ και τον λογον βεβαιουντοϲ δια των επακολουθουντων ϲημειω̅
Нашли в тексте ошибку? Выделите её и нажмите:
Ctrl + Enter
Евангелие от Марка, 16 ΚΕΦΆΛΑΙΟ. Александрийский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.