ΚΑΙΝΉ ΔΙΑΘΉΚΗ » Codex 02 Александрийский кодекс — 5 век

ΜΑΡΚΟΝ 5 ΚΑΤΑ ΜΑΡΚΟΝ 5 ΚΕΦΆΛΑΙΟ

1 και ηλθον ειϲ το περα̅ τηϲ θαλαϲϲηϲ ειϲ την χωραν των γαδαρηνων
2 και εξελθοντι αυτω εκ του πλοιου ευθεωϲ απηντηϲεν αυτω εκ των μνημειων α̅ν̅ο̅ϲ̅ εν π̅ν̅ι̅ ακαθαρτω
3 οϲ την κατοικηϲιν ειχεν εν τοιϲ μνημαϲιν και ουτε αλυϲεϲιν ουδειϲ εδυνατο αυτον δηϲαι
4 δια το αυτον πολλακειϲ παιδαιϲ και αλυϲεϲιν δεδεϲθαι και διεϲπαϲθαι υπ αυτου ταϲ αλυϲειϲ και ταϲ παιδαϲ ϲυντετριφθαι και ουδειϲ ιϲχυεν αυτον δηϲαι
5 και δια παντοϲ νυκτοϲ και ημεραϲ εν τοιϲ μνημαϲιν και εν τοιϲ ορεϲιν ην κραζων και κατακοπτων εαυτο̅ λιθοιϲ
6 ιδων δε τον ι̅ν̅ μακροθεν εδραμεν και προϲεκυνηϲεν αυτον
7 και κραξαϲ φωνη μεγαλη λεγει τι εμοι και ϲοι ι̅υ̅ υιε του θ̅υ̅ του ζωντοϲ ορκιζω ϲε τον θ̅ν̅ μη με βαϲανιϲηϲ
8 ελεγεν {} [7] αυτω το πνευμα το ακαθαρτον εξελθε απο του α̅ν̅ο̅υ̅
9 και επηρωτηϲεν αυτον τι ονομα ϲοι και λεγει αυτω λεγεω̅ ονομα μοι οτι πολλοι εϲμε̅
10 και παρεκαλουν αυτον πολλα ινα μη αποϲτειλη αυτουϲ εξω τηϲ χωραϲ
11 ην δε εκει αγελη χοιρων μεγαλη βοϲκομενω̅ προϲ τω ορει
12 και παρεκαλουν αυτον παντεϲ οι δαιμονεϲ λεγοντεϲ πεμψον ημαϲ ειϲ τουϲ χοιρουϲ ινα ειϲ αυτουϲ ειϲελθωμεν
13 και επετρεψε̅ αυτοιϲ ευθεωϲ ο ι̅ϲ̅ και εξελθοντα τα πνευματα {} [8] ειϲηλθον ειϲ τουϲ χοιρουϲ και ωρμηϲεν η αγελη κατα του κρημνου ειϲ την θαλαϲϲαν ηϲαν δε ωϲ διϲχειλειοι και επνιγοντο εν τη θαλαϲϲη
14 και οι βοϲκοντεϲ τουϲ χοιρουϲ εφυγον και απηγγειλαν ειϲ την πολιν και ειϲ τουϲ αγρουϲ και ηλθον ιδειν τι {} [9] το γεγονοϲ
15 και ερχονται προϲ τον ι̅ν̅ και θεωρουϲιν τον δαιμονιζομενον καθημενον και ιματιϲμενον και ϲωφρονουντα τον εϲχηκοτα τον λεγεωνα και εφοβηθηϲαν
16 και διηγηϲα̅το αυτοιϲ οι ιδοντεϲ πωϲ εγενετο τω δαιμονιζομενω και περι των χοιρων
17 και ηρξα̅το παρακαλειν αυτον απελθει̅ απο των οριων αυτω̅
18 και εμβαινοντοϲ αυτου ειϲ το πλοιον παρεκαλει αυτον ο δαιμονιϲθειϲ ινα μετ αυτου η
19 και ουκ αφηκεν αυτον αλλα λεγει αυτω υπαγε ειϲ τον οικον ϲου προϲ τουϲ ϲουϲ και αναγγειλον αυτοιϲ οϲα ϲοι ο κ̅ϲ̅ πεποιηκεν και ηλεηϲεν ϲε
20 και απηλθεν και ηρξατο κηρυϲϲειν εν τη δεκαπολει οϲα εποιηϲεν αυτω ο ι̅ϲ̅ και παντεϲ εθαυμαζον
21 και διαπεραϲαντοϲ του ι̅υ̅ εν τω πλοιω παλιν ειϲ το περαν ϲυνηχθη οχλοϲ πολυϲ επ αυτον και ην παρα την θαλαϲϲαν
22 και ιδου ερχεται ειϲ των αρχιϲυναγωγων ονοματι ιαειροϲ και ιδων αυτον πιπτει προϲ τουϲ ποδαϲ αυτου
23 και παρακαλει αυτον πολλα λεγων οτι το θυγατριον μου εϲχατωϲ εχει ινα ελθων επιθηϲ αυτω ταϲ χειραϲ οπωϲ ϲωθη και ζηϲεται
24 και απηλθεν μετ αυτου και ηκολουθει αυτω οχλοϲ πολυϲ και ϲυνεθλιβο̅ αυτον
25 και γυνη ουϲα εν ρυϲει αιματοϲ ετη δωδεκα
26 και πολλα παθουϲα υπο πολλω̅ ιατρων και δαπανηϲαϲα τα παρ αυτηϲ παντα και μηδεν ωφεληθειϲα αλλα μαλλον ειϲ το χειρον ελθουϲα
27 ακουϲαϲα περι του ι̅υ̅ ελθουϲα εν τω οχλω οπιϲθεν ηψατο του ειματιου αυτου
28 ελεγεν γαρ οτι καν των ειματιων αυτου αψωμαι ϲωθηϲομαι
29 και ευθεωϲ εξηρανθη η πηγη του αιματοϲ αυτηϲ και εγνω τω ϲωματι οτι ιαται απο τηϲ μαϲτιγοϲ
30 και ευθεωϲ ο ι̅ϲ̅ επιγνουϲ εν εαυτω την εξ αυτου δυναμιν εξελθουϲα̅ επιϲτραφειϲ εν τω οχλω ελεγεν τιϲ μου ηψατο των ειματιων
31 και ελεγον αυτω οι μαθηται αυτου βλεπειϲ τον οχλον ϲυνθλιβοντα ϲε και λεγειϲ τιϲ μου ηψατο
32 και περιεβλεπετο ιδειν την τουτο ποιηϲαϲαν
33 η δε γυνη φοβηθειϲα και τρεμουϲα ειδυεια ο γεγονεν επ αυτη ηλθεν και προϲεπεϲεν αυτω και ειπεν αυτω παϲαν την αληθειαν
34 ο δε ειπεν αυτω θυγατερ η πιϲτιϲ ϲου ϲεϲωκεν ϲε υπαγε ειϲ ειρηνη̅ και ιϲθι υγιηϲ απο τηϲ μαϲτιγοϲ ϲου
35 ετι αυτου λαλουντοϲ ερχο̅ται απο του αρχιϲυναγωγου λεγοντεϲ οτι η θυγατηρ ϲου απεθανεν τι ετι ϲκυλλιϲ τον διδαϲκαλον
36 ο δε ι̅ϲ̅ ευθεωϲ ακουϲαϲ τον λογο̅ λαλουμενον λεγει τω αρχιϲυναγωγω μη φοβου μονον πιϲτευε
37 και ουκ αφηκεν ουδενα αυτω ακολουθηϲαι ει μη πετρο̅ και ιακωβον και ιωαννην το̅ αδελφον ιακωβου
38 και ερχονται ειϲ τον οικον του αρχιϲυναγωγου και θεωρει θορυβον και κλαιονταϲ και αλαλαζονταϲ πολλα
39 και ειϲελθων λεγει αυτοιϲ τι θορυβειϲθε και κλαιεται το παιδιον ουκ απεθανε̅ αλλα καυθεδει
40 και κατεγελων αυτου ο δε εκβαλων πανταϲ παραλαμβανει τον π̅ρ̅α̅ του παιδιου και την μ̅ρ̅α̅ και τουϲ μετ αυτου και ειϲπορευεται ου ην το παιδιον ανακειμενον
41 και κρατηϲαϲ τηϲ χειροϲ του παιδιου λεγει αυτη ταλιθα κουμει ο εϲτι̅ μεθερμηνευομενον το κοραϲιον ϲυ λεγω εγειρε
42 και ευθεωϲ ανεϲτη το κοραϲιον και περιεπατει ην γαρ ετων δωδεκα και εξεϲτηϲαν εκϲταϲει μεγαλη
43 και διεϲτειλατο αυτοιϲ πολλα ινα μηδειϲ γνοι τουτο και ειπε̅ δοθηναι αυτη φαγειν

Примечания:

8  [7] {γαρ}
13  [8] {τα ακαθαρτα}
14  [9] {εϲτιν}

Нашли в тексте ошибку? Выделите её и нажмите: Ctrl + Enter

Евангелие от Марка, 5 ΚΕΦΆΛΑΙΟ. Александрийский кодекс — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

Я ХОЧУ ПОМОЧЬ

ΜΑΡΚΟΝ 5 ΚΕΦΆΛΑΙΟ в переводах:
ΜΑΡΚΟΝ 5 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.