ΚΑΙΝΉ ΔΙΑΘΉΚΗ » Codex 02 Александрийский кодекс — 5 век

ΜΑΡΚΟΝ 6 ΚΑΤΑ ΜΑΡΚΟΝ 6 ΚΕΦΆΛΑΙΟ

1 και εξηλθεν εκειθεν και ηλθε̅ ειϲ την πατριδα αυτου και ακολουθουϲιν αυτω οι μαθηται αυτου
2 και γενομενου ϲαββατου ηρξατο εν τη ϲυναγωγη διδαϲκειν και πολλοι ακουοντεϲ εξεπληϲϲοντο λεγοντεϲ ποθε̅ τουτω ταυτα και τιϲ η ϲοφια η δοθειϲα αυτω και δυναμειϲ τοιαυται δια των χειρων αυτου γεινονται
3 ουχ ουτοϲ εϲτιν ο τεκτω̅ ο υιοϲ μαριαϲ αδελφοϲ δε ιακωβου και ιωϲη και ιουδα και ϲιμωνοϲ και ουκ ειϲιν αι αδελφαι αυτου ωδε προϲ ημαϲ και εϲκανδαλιζοντο εν αυτω
4 ελεγεν δε αυτοιϲ ο ι̅ϲ̅ οτι ουκ εϲτιν προφητηϲ ατειμοϲ ει μη εν τη ιδια πατριδι αυτου και εν τοιϲ ϲυγγενεϲιν και εν τη οικια αυτου
5 και ουκ εδυνατο εκει ουδεμιαν δυναμιν ποιηϲαι ει μη ολιγοιϲ αρρωϲτοιϲ επιθειϲ ταϲ χειραϲ εθεραπευϲεν
6 και εθαυμαζεν δια την απιϲτειαν αυτων και περιηγεν ταϲ κωμαϲ κυκλω διδαϲκων
7 και προϲκαλειτε τουϲ δωδεκα και ηρξατο αυτουϲ αποϲτελλειν δυο δυο και εδιδου αυτοιϲ εξουϲιαν των π̅ν̅ω̅ν̅ των ακαθαρτων
8 και {παρηγγειλλεν} [10] αυτοιϲ ινα μηδε̅ αιρωϲιν ειϲ οδον ει μη ραβδο̅ μονον μη πηραν μη αρτον μη ειϲ την ζωνην χαλκον
9 αλλα υποδεδεμενουϲ ϲανδαλια και μη ενδυϲηϲθαι δυο χιτωναϲ
10 και λεγει αυτοιϲ οπου αν ειϲελθητε ειϲ οικιαν εκει μενεται εωϲ αν εξελθητε εκειθεν
11 και οϲοι εαν μη δεξωνται υμαϲ μηδε ακουϲωϲιν υμων εκπορευομενοι εκειθεν εκτειναξατε το̅ χουν τον υποκατω των ποδων υμων ειϲ μαρτυριον αυτοιϲ αμην λεγω υμιν ανεκτοτερον εϲται ϲοδομοιϲ η γομορροιϲ εν ημερα κριϲεωϲ η τη πολει εκεινη
12 και εξελθοντεϲ εκηρυϲϲον ινα μετανοηϲωϲιν
13 και δαιμονια πολλα εξεβαλλον και ηλιφον ελαιω πολλουϲ αρρωϲτουϲ και εθεραπευον
14 και ηκουϲεν ο βαϲιλευϲ ηρωδηϲ φανερον γαρ εγενετο το ονομα αυτου και ελεγεν οτι ιωαννηϲ ο βαπτιζων εκ νεκρων ανεϲτη και δια τουτο ενεργουϲιν αι δυναμειϲ εν αυτω
15 αλλοι δε ελεγον οτι ηλιαϲ εϲτιν αλλοι δε ελεγον οτι προφητηϲ εϲτιν ωϲ ειϲ των προφητων
16 ακουϲαϲ δε ο ηρωδηϲ ειπεν οτι ον εγω απεκεφαλιϲα ιωαννην ουτοϲ εϲτιν αυτοϲ ηγερθη εκ νεκρω̅
17 αυτοϲ δε ο ηρωδηϲ αποϲτειλαϲ εκρατηϲεν τον ιωαννην εν φυλακη και εδηϲεν αυτον δια ηρωδιαδα την γυναικα φιλιππου του αδελφου αυτου οτι αυτην εγαμηϲεν
18 ελεγεν γαρ ο ιωαννηϲ τω ηρωδη οτι ουκ εξεϲτιν ϲοι εχειν την γυναικα του αδελφου ϲου
19 η δε ηρωδιαϲ ενειχεν αυτω και ηθελεν αυτον αποκτειναι και ουκ εδυνατο
20 ο γαρ ηρωδηϲ εφοβειτο τον ιωαννην ειδωϲ αυτον ανδρα δικαιον και αγιο̅ και ϲυνετηρει αυτον και ακουϲαϲ αυτου πολλα εποιει και ηδεωϲ αυτου ηκουεν
21 και γενομενηϲ ημεραϲ ευκαιρου οτε ηρωδηϲ τοιϲ γενεϲιοιϲ αυτου διπνον εποιει τοιϲ μεγιϲταϲιν αυτου και τοιϲ χειλιαρχοιϲ και τοιϲ πρωτοιϲ τηϲ γαλιλαιαϲ
22 και ειϲελθουϲηϲ τηϲ θυγατροϲ αυτηϲ τηϲ ηρωδιαδοϲ και ορχηϲαμενηϲ και αρεϲαϲηϲ τω ηρωδη και τοιϲ ϲυνανακειμενοιϲ ειπεν δε ο βαϲιλευϲ τω κοραϲιω αιτηϲον με ο εαν θεληϲ και δωϲω ϲοι
23 και ωμοϲεν αυτη οτι ο εαν αιτηϲηϲ με δωϲω ϲοι εωϲ ημιϲουϲ τηϲ βαϲιλειαϲ μου
24 η δε εξελθουϲα ειπεν τη μ̅ρ̅ι̅ αυτηϲ τι αιτηϲωμαι η δε ειπεν την κεφαλην ιωαννου του βαπτιϲτου
25 και ειϲελθουϲα ευθεωϲ μετα ϲπουδηϲ προϲ τον βαϲιλεα ητηϲατο λεγουϲα θελω ινα μοι δωϲ εξαυτηϲ επι πινακι την κεφαλην ιωαννου του βαπτιϲτου
26 και περιλυποϲ γενομενοϲ ο βαϲιλευϲ δια τουϲ ορκουϲ και τουϲ ϲυνανακειμενουϲ ουκ ηθεληϲεν αυτη̅ αθετηϲαι
27 και ευθεωϲ αποϲτειλαϲ ο βαϲιλευϲ ϲπεκουλατορα επεταξεν ενεχθηναι την κεφαλην αυτου ο δε απελθω̅ απεκεφαλιϲεν αυτον εν τη φυλακη
28 και ηνεγκεν την κεφαλην αυτου επι πεινακι και εδωκεν αυτην τω κοραϲιω και το κοραϲιον εδωκεν αυτη̅ τη μ̅ρ̅ι̅ αυτηϲ
29 και ακουϲαντεϲ οι μαθηται αυτου ηλθον και ηραν το πτωμα αυτου και εθηκαν αυτο εν μνημειω
30 και ϲυναγονται οι αποϲτολοι προϲ τον ι̅ν̅ και απηγγειλαν αυτω παντα και οϲα εποιηϲα̅ και οϲα εδιδαξαν
31 και ειπεν αυτοιϲ δευτε υμειϲ αυτοι κατ ιδιαν ειϲ ερημον τοπον και αναπαυϲαϲθε ολιγο̅ ηϲαν γαρ οι ερχομενοι και οι υπαγοντεϲ πολλοι και ουδε φαγειν ευκαιρου̅
32 και απηλθον ειϲ ερημον τοπο̅ τω πλοιω κατ ιδιαν
33 και ιδον αυτουϲ υπαγονταϲ και επεγνωϲαν αυτουϲ πολλοι και πεζη απο παϲων των {πολεω} [11] ϲυνεδραμον εκει και προηλθον αυτουϲ και ϲυνεδραμον προϲ αυτον
34 και εξελθων ο ι̅ϲ̅ ειδεν πολυν οχλον και εϲπλαγχνιϲθη επ αυτοιϲ οτι ηϲαν ωϲ προβατα μη εχοντα ποιμενα και ηρξατο αυτουϲ διδαϲκειν πολλα
35 και ηδη ωραϲ πολληϲ γενομενηϲ προϲελθοντεϲ οι μαθηται αυτω λεγουϲι̅ οτι ερημοϲ εϲτιν ο τοποϲ και ηδη ωρα πολλη
36 απολυϲον αυτουϲ ινα απελθοντεϲ ειϲ τουϲ κυκλω αγρουϲ και κωμαϲ αγοραϲωϲιν εαυτοιϲ αρτουϲ τι γαρ φαγωϲιν ουκ εχουϲιν
37 ο δε αποκριθειϲ ειπεν δοτε αυτοιϲ υμειϲ φαγειν και λεγουϲιν αυτω απελθοντεϲ αγοραϲωμεν δηναριων διακοϲιων αρτουϲ και δωϲομεν αυτοιϲ φαγειν
38 ο δε λεγει αυτοιϲ ποϲουϲ αρτουϲ εχεται υπαγετε και ιδετε και γνοντεϲ λεγουϲιν αυτω πεντε και δυο ιχθυαϲ
39 και επεταξεν αυτοιϲ ανακλιναι πανταϲ ϲυνποϲια ϲυνποϲια επι τω χλωρω χορτω
40 και ανεπεϲον πραϲειαι πραϲειαι ανα εκατον και ανα πεντηκοντα
41 και λαβων τουϲ πεντε αρτουϲ και τουϲ δυο ιχθυαϲ αναβλεψαϲ ειϲ τον ο̅υ̅ν̅ο̅ν̅ ευλογηϲεν και κατεκλαϲεν τουϲ αρτουϲ και εδιδου τοιϲ μαθηταιϲ αυτου ινα παραθωϲιν αυτοιϲ και τουϲ δυο ιχθυαϲ εμεριϲεν παϲιν
42 και εφαγον παντεϲ και εχορταϲθηϲαν
43 και ηραν κλαϲματων δωδεκα κοφινουϲ πληρειϲ και απο των ιχθυων
44 και ηϲαν οι φαγοντεϲ τουϲ αρτουϲ πεντακιϲχειλιοι ανδρεϲ
45 και ευθεωϲ ηνεγκαϲεν τουϲ μαθηταϲ αυτου εμβηναι ειϲ το πλοιο̅ και προαγειν ειϲ το περαν προϲ βηδϲαιδαν εωϲ αυτοϲ απολυϲη τον οχλον
46 και αποταξαμενοϲ αυτοιϲ απηλθεν ειϲ το οροϲ προϲευξαϲθαι
47 και οψιαϲ γενομενηϲ ην το πλοιον εμ μεϲω τηϲ θαλαϲϲηϲ και αυτοϲ μονοϲ ην επι τηϲ γηϲ
48 και ιδεν αυτουϲ βαϲανιζομενουϲ εν τω ελαυνειν ην γαρ εναντιοϲ ο ανεμοϲ αυτοιϲ και περι τεταρτην φυλακην τηϲ νυκτοϲ ερχεται προϲ αυτουϲ περιπατων επι τηϲ θαλαϲϲηϲ και ηθελεν παρελθειν αυτουϲ
49 οι δε ιδοντεϲ αυτον περιπατουντα επι τηϲ θαλαϲϲηϲ εδοξαν φανταϲμα ειναι και ανεκραξαν
50 παντεϲ γαρ αυτον ειδον και εταραχθηϲα̅ και ευθεωϲ ελαληϲεν μετ αυτω̅ και λεγει αυτοιϲ θαρϲειτε εγω ειμι μη φοβειϲθε
51 και ανεβη προϲ αυτουϲ ειϲ το πλοιον και εκοπαϲε̅ ο ανεμοϲ και λιαν εκ περιϲϲου εν εαυτοιϲ εξιϲταντο και εθαυμαζον
52 ου γαρ ϲυνηκαν επι τοιϲ αρτοιϲ ην γαρ αυτων η καρδια πεπωρωμενη
53 και διαπεραϲαντεϲ ηλθον επι την γην γεννηϲαρετ και προϲωρμιϲθηϲαν
54 και εξελθοντων αυτων εκ του πλοιου ευθεωϲ επιγνοντεϲ αυτον οι α̅δρεϲ του τοπου εκεινου
55 περιδραμοντεϲ ολην την περιχωρον εκεινην ηρξαντο επι τοιϲ κραβαττοιϲ τουϲ κακωϲ εχονταϲ περιφερειν οπου ηκουον οτι εκει εϲτιν
56 και οπου αν ειϲεπορευοντο ειϲ κωμαϲ η πολειϲ η αγρουϲ εν ταιϲ αγοραιϲ ετιθου̅ τουϲ αϲθενουνταϲ και παρεκαλουν αυτον ινα καν του κραϲπεδου του ιματιου αυτου αψω̅ται και οϲοι αν ηπτοντο αυτου εϲωζοντο

Примечания:

8  [10] {παρηγγειλεν}
33  [11] {πολεων}

Нашли в тексте ошибку? Выделите её и нажмите: Ctrl + Enter

Евангелие от Марка, 6 ΚΕΦΆΛΑΙΟ. Александрийский кодекс — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

Я ХОЧУ ПОМОЧЬ

ΜΑΡΚΟΝ 6 ΚΕΦΆΛΑΙΟ в переводах:
ΜΑΡΚΟΝ 6 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.