От Иоанна 14 глава

Евангелие от Иоанна святое благовествование
Перевод Еп. Кассиана → Елизаветинская Библия

Да не смущается сердце ваше: веруйте в Бога и в Меня веруйте.

Да не смѹща́етсѧ се́рдце ва́ше: вѣ́рѹйте въ бг҃а, и҆ въ мѧ̀ вѣ́рѹйте:

В доме Отца Моего обителей много. А если бы не было, разве Я сказал бы вам: иду приготовить место вам?

въ домѹ̀ ѻ҆ц҃а̀ моегѡ̀ ѡ҆би́тєли мнѡ́ги сѹ́ть: а҆́ще ли же нѝ, ре́клъ бы́хъ ва́мъ: и҆дѹ̀ ѹ҆гото́вати мѣ́сто ва́мъ:

И когда пойду и приготовлю место вам, снова приду и возьму вас к Себе, чтобы, где Я, и вы были.

и҆ а҆́ще {а҆́ще пойдѹ̀ и҆} ѹ҆гото́влю мѣ́сто ва́мъ, па́ки прїидѹ̀ и҆ поимѹ̀ вы̀ къ себѣ̀, да, и҆дѣ́же є҆́смь а҆́зъ и҆ вы̀ бѹ́дете:

А куда Я иду, вы знаете, и путь знаете.

и҆ а҆́може а҆́зъ и҆дѹ̀, вѣ́сте, и҆ пѹ́ть вѣ́сте.

Говорит Ему Фома: Господи, мы не знаем, куда Ты идешь; как же нам знать путь?

Глаго́ла є҆мѹ̀ ѳома̀: гд҇и, не вѣ́мы, ка́мѡ и҆́деши: и҆ ка́кѡ мо́жемъ пѹ́ть вѣ́дѣти;

Говорит ему Иисус: Я — путь и истина и жизнь; никто не приходит к Отцу иначе, как чрез Меня.

Гл҃а є҆мѹ̀ ї҆и҃съ: а҆́зъ є҆́смь пѹ́ть и҆ и҆́стина и҆ живо́тъ: никто́же прїи́детъ ко ѻ҆ц҃ѹ̀, то́кмѡ мно́ю:

Если бы вы знали Меня, то и Отца Моего знали бы. И отныне вы знаете Его и видели Его.

а҆́ще мѧ̀ бы́сте зна́ли, и҆ ѻ҆ц҃а̀ моего̀ зна́ли бы́сте (ѹ҆́бѡ): и҆ ѿсе́лѣ позна́сте є҆го̀, и҆ ви́дѣсте є҆го̀.

Говорит Ему Филипп: Господи, покажи нам Отца, и этого нам довольно.

Глаго́ла є҆мѹ̀ фїлі́ппъ: гд҇и, покажѝ на́мъ ѻ҆ц҃а̀, и҆ довлѣ́етъ на́мъ.

Говорит ему Иисус: столько времени Я с вами, и ты не познал Меня, Филипп? Кто Меня увидел, увидел Отца. Как же ты говоришь: «покажи нам Отца»?

Гл҃а є҆мѹ̀ ї҆и҃съ: толи́ко вре́мѧ съ ва́ми є҆́смь, и҆ не позна́лъ є҆сѝ менѐ, фїлі́ппе; ви́дѣвый менѐ ви́дѣ ѻ҆ц҃а̀: и҆ ка́кѡ ты̀ глаго́леши: покажѝ на́мъ ѻ҆ц҃а̀;

Не веришь ты, что Я в Отце, и Отец во Мне? Те слова, которые Я говорю вам, Я не от Себя говорю: Отец, во Мне пребывающий, творит дела Свои.

не вѣ́рѹеши ли, ѩ҆́кѡ а҆́зъ во ѻ҆ц҃ѣ̀, и҆ ѻ҆ц҃ъ во мнѣ̀ є҆́сть; (За҄ 48.) гл҃го́лы, ѩ҆̀же а҆́зъ гл҃ю ва́мъ, ѡ҆ себѣ̀ не гл҃ю: ѻ҆ц҃ъ же во мнѣ̀ пребыва́ѧй, то́й твори́тъ дѣла̀:

Верьте Мне, что Я в Отце, и Отец во Мне. Если же нет, по самым делам верьте.

вѣ́рѹйте мнѣ̀, ѩ҆́кѡ а҆́зъ во ѻ҆ц҃ѣ̀, и҆ ѻ҆ц҃ъ во мнѣ̀: а҆́ще ли же нѝ, за та҄ дѣла̀ вѣ́рѹ и҆ми́те мѝ.

Истинно, истинно говорю вам: верующий в Меня будет творить дела, которые Я творю, и большие этих будет творить, потому что Я иду к Отцу.

А҆ми́нь, а҆ми́нь гл҃ю ва́мъ: вѣ́рѹѧй въ мѧ̀, дѣла̀, ѩ҆́же а҆́зъ творю̀, и҆ то́й сотвори́тъ, и҆ бѡ́лша си́хъ сотвори́тъ: ѩ҆́кѡ а҆́зъ ко ѻ҆ц҃ѹ̀ моемѹ̀ грѧдѹ̀:

И о чем ни попросите во имя Мое, Я сотворю, чтобы прославлен был Отец в Сыне.

и҆ є҆́же а҆́ще что̀ про́сите (ѿ ѻ҆ц҃а̀) во и҆́мѧ моѐ, то̀ сотворю̀, да просла́витсѧ ѻ҆ц҃ъ въ сн҃ѣ:

Если о чем попросите Меня во имя Мое, Я сотворю.

(и҆) а҆́ще чесѡ̀ про́сите во и҆́мѧ моѐ, а҆́зъ сотворю̀.

Если любите Меня, заповеди Мои соблюдите.

А҆́ще лю́бите мѧ̀, за́пѡвѣди моѧ҄ соблюди́те,

И Я умолю Отца, и другого Утешителя даст вам, чтобы был с вами вовек,

и҆ а҆́зъ ѹ҆молю̀ ѻ҆ц҃а̀, и҆ и҆но́го ѹ҆тѣ́шителѧ да́стъ ва́мъ, да бѹ́детъ съ ва́ми въ вѣ́къ,

Духа Истины, Которого мир не может принять, потому что не видит Его и не знает; вы же знаете Его, потому что Он с вами пребывает и в вас будет.

дх҃ъ и҆́стины, є҆гѡ́же мі́ръ не мо́жетъ прїѧ́ти, ѩ҆́кѡ не ви́дитъ є҆гѡ̀, нижѐ зна́етъ є҆гѡ̀: вы́ же зна́ете є҆го̀, ѩ҆́кѡ въ ва́съ пребыва́етъ и҆ въ ва́съ бѹ́детъ.

Не оставлю вас сиротами: приду к вам.

Не ѡ҆ста́влю ва́съ си҄ры: прїидѹ̀ къ ва́мъ:

Еще недолго, и уже мир Меня не видит; но вы видите Меня, потому что Я живу, и вы жить будете.

є҆щѐ ма́лѡ, и҆ мі́ръ ктомѹ̀ не ѹ҆ви́дитъ менѐ, вы́ же ѹ҆ви́дите мѧ̀, ѩ҆́кѡ а҆́зъ живѹ̀, и҆ вы̀ жи́ви бѹ́дете:

В тот день узнаете вы, что Я в Отце Моем, и вы во Мне, и Я в вас.

въ то́й де́нь ѹ҆разѹмѣ́ете вы̀, ѩ҆́кѡ а҆́зъ во ѻ҆ц҃ѣ̀ мое́мъ, и҆ вы̀ во мнѣ̀, и҆ а҆́зъ въ ва́съ.

Имеющий заповеди Мои и соблюдающий их, тот и есть любящий Меня. А любящий Меня возлюблен будет Отцом Моим, и Я возлюблю его и явлю ему Себя.

(За҄.) И҆мѣ́ѧй за́пѡвѣди моѧ҄ и҆ соблюда́ѧй и҆̀хъ, то́й є҆́сть любѧ́й мѧ̀: а҆ любѧ́й мѧ̀ возлю́бленъ бѹ́детъ ѻ҆ц҃е́мъ мои́мъ, и҆ а҆́зъ возлюблю̀ є҆го̀, и҆ ѩ҆влю́сѧ є҆мѹ̀ са́мъ.

Говорит Ему Иуда, не Искариот: Господи, что это, что Ты нам хочешь являть Себя, а не миру?

Глаго́ла є҆мѹ̀ ї҆ѹ́да не ї҆скарїѡ́тскїй: гд҇и, и҆ что̀ бы́сть, ѩ҆́кѡ на́мъ хо́щеши ѩ҆ви́тисѧ, а҆ не мі́рови;

Ответил Иисус и сказал ему: если кто любит Меня, слово Мое соблюдет, и Отец Мой возлюбит его, и к нему Мы придем и обитель Себе у него сотворим.

Ѿвѣща̀ ї҆и҃съ и҆ речѐ є҆мѹ̀: а҆́ще кто̀ лю́битъ мѧ̀, сло́во моѐ соблюде́тъ: и҆ ѻ҆ц҃ъ мо́й возлю́битъ є҆го̀, и҆ къ немѹ̀ прїи́дема, и҆ ѡ҆би́тель ѹ҆ негѡ̀ сотвори́ма:

Не любящий Меня слов Моих не соблюдает. А слово, которое вы слышите, не Мое, но пославшего Меня Отца.

не любѧ́й мѧ̀ слове́съ мои́хъ не соблюда́етъ: и҆ сло́во, є҆́же слы́шасте, нѣ́сть моѐ, но посла́вшагѡ мѧ̀ ѻ҆ц҃а̀.

Это Я сказал вам, с вами пребывая.

Сїѧ҄ гл҃ахъ ва́мъ въ ва́съ сы́й:

Утешитель же, Дух Святой, Которого пошлет Отец во имя Мое, Он вас научит всему и напомнит вам всё, что сказал вам Я.

ѹ҆тѣ́шитель же, дх҃ъ ст҃ы́й, є҆го́же по́слетъ ѻ҆ц҃ъ во и҆́мѧ моѐ, то́й вы̀ наѹчи́тъ всемѹ̀, и҆ воспомѧне́тъ ва́мъ всѧ҄, ѩ҆̀же рѣ́хъ ва́мъ.

Мир оставляю вам, мир Мой даю вам: не так, как мир дает, Я даю вам. Да не смущается сердце ваше и да не робеет.

Ми́ръ ѡ҆ставлѧ́ю ва́мъ, ми́ръ мо́й даю̀ ва́мъ: не ѩ҆́коже мі́ръ дае́тъ, а҆́зъ даю̀ ва́мъ. (За҄ 49.) Да не смѹща́етсѧ се́рдце ва́ше, ни ѹ҆страша́етъ.

Вы слышали, что Я сказал вам: «ухожу и приду к вам». Если бы вы любили Меня, вы возрадовались бы, что Я иду к Отцу, потому что Отец больше Меня.

Слы́шасте, ѩ҆́кѡ а҆́зъ рѣ́хъ ва́мъ: и҆дѹ̀ и҆ прїидѹ̀ къ ва́мъ. А҆́ще бы́сте люби́ли мѧ̀, возра́довалисѧ бы́сте (ѹ҆́бѡ), ѩ҆́кѡ рѣ́хъ: и҆дѹ̀ ко ѻ҆ц҃ѹ̀: ѩ҆́кѡ ѻ҆ц҃ъ мо́й бо́лїй менє̀ є҆́сть.

И теперь Я сказал вам прежде, чем сбылось, чтобы, когда сбудется, вы уверовали.

И҆ нн҃ѣ рѣ́хъ ва́мъ, пре́жде да́же не бѹ́детъ, да, є҆гда̀ бѹ́детъ, вѣ́рѹ и҆́мете.

Я уже не буду много говорить с вами: ибо идет князь мира, и во Мне не имеет ничего.

Ктомѹ̀ не мно́гѡ гл҃ю съ ва́ми: грѧде́тъ бо сегѡ̀ мі́ра кнѧ́зь, и҆ во мнѣ̀ не и҆́мать ничесѡ́же.

Но чтобы мир узнал, что Я люблю Отца и, как заповедал Мне Отец, так творю: вставайте, идем отсюда.

Но да разѹмѣ́етъ мі́ръ, ѩ҆́кѡ люблю̀ ѻ҆ц҃а̀, и҆ ѩ҆́коже заповѣ́да мнѣ̀ ѻ҆ц҃ъ, та́кѡ творю̀: воста́ните, и҆́демъ ѿсю́дѹ.

« 13 глава 15 глава »