1 ουτοϲ γαρ ο μελχειϲεδεκ βαϲιλευϲ ϲαλημ ιερευϲ του θ̅υ̅ του υψιϲτου οϲ ϲυναντηϲαϲ αβρααμ υποϲτρεφοντι απο τηϲ κοπηϲ των βαϲιλεων και ευλογηϲαϲ αυτον
2 ω και δεκατην εμεριϲεν απο παντων αβρααμ πρωτον μεν ερμηνευομενοϲ βαϲιλευϲ δικαιοϲυνηϲ επειτα δε και βαϲιλευϲ ϲαλημ ο εϲτιν βαϲιλευϲ ειρηνηϲ
3 απατωρ αμητωρ αγενεαλογητοϲ μητε αρχην ημερων μητε ζωηϲ τελοϲ εχων αφωμοιωμενοϲ δε τω υιω του θ̅υ̅ μενει ιερευϲ ειϲ το διηνεκεϲ
4 θεωρειτε δε πηλικοϲ ουτοϲ ω και δεκατην αβρααμ εδωκε̅ εκ των ακροθινιω̅ ο πατριαρχηϲ
5 και οι μεν εκ των υιω̅ λευει την ιερατια̅ λαμβανοντεϲ εντολην εχουϲιν αποδεκατουν τον λαο̅ κατα τον νομον τουτ εϲτιν τουϲ αδελφουϲ αυτων ϗπερ εξεληλυθοταϲ εκ τηϲ οϲφυοϲ αβρααμ
6 ο δε μη γενεαλογουμενοϲ εξ αυτω̅ δεδεκατωκεν αβρααμ και τον εχοντα ταϲ επαγγελιαϲ ευλογηκεν
7 χωριϲ δε παϲηϲ αντιλογιαϲ το ελαττον υπο του κριττονοϲ ευλογειται
8 και ωδε με̅ δεκαταϲ αποθνηϲκοντεϲ ανθρωποι λαμβανουϲιν εκει δε μαρτυρουμενοϲ οτι ζη
9 και ωϲ εποϲ ειπειν δι αβρααμ ϗ λευει ο δεκαταϲ λαμβανων δεδεκατωται
10 {} [13] εν τη οϲφυι του π̅ρ̅ϲ̅ ην οτε ϲυνηντηϲεν αυτω μελχιϲεδεκ
11 ει μεν ου̅ τελειωϲιϲ δια τηϲ λευειτικηϲ ιερωϲυνηϲ ην ο λαοϲ γαρ επ αυτηϲ νενομοθετηται τιϲ ετι χρεια κατα την ταξιν μελχιϲεδεκ ετερο̅ ανιϲταϲθαι ιερεα και ου κατα την ταξιν ααρων λεγεϲθαι
12 μετατιθεμενηϲ γαρ τηϲ ιερωϲυνηϲ εξ αναγκηϲ και νομου μεταθεϲιϲ γινεται
13 εφ ον γαρ λεγεται ταυτα φυληϲ ετεραϲ μετεϲχηκεν αφ ηϲ ουδειϲ προϲεϲχηκεν τω θυϲιαϲτηριω
14 προδηλον γαρ οτι εξ ιουδα ανατεταλκεν ο κ̅ϲ̅ ημων ειϲ ην φυλη̅ περι ιερεων μωυϲηϲ ουδεν ελαληϲε̅
15 και περιϲϲοτερον ετι καταδηλον εϲτι̅ ει κατα την ομοιοτητα μελχειϲεδεκ ανιϲταται ιερευϲ ετεροϲ
16 οϲ ου κατα νομον εντοληϲ ϲαρκινηϲ γεγονεν αλλα κατα δυναμιν ζωηϲ ακαταλυτου
17 μαρτυρειτε γαρ οτι ϲυ ιερευϲ ειϲ τον αιωνα κατα την ταξι̅ μελχιϲεδεκ
18 αθετηϲιϲ μεν γαρ γινεται προαγουϲηϲ εντοληϲ δια το αυτηϲ αϲθενεϲ και ανωφελεϲ
19 ουδεν γαρ ετελειωϲεν ο νομοϲ επειϲαγωγη δε κριττονοϲ ελπιδοϲ δι ηϲ εγγιζομεν τω θ̅ω̅
20 και καθ οϲον ου χωριϲ ορκωμοϲιαϲ οι μεν γαρ χωριϲ ορκωμοϲιαϲ ειϲιν ιερειϲ γεγονοτεϲ
21 ο δε μετα ορκωμοϲιαϲ δια του λεγοντοϲ προϲ αυτον ωμοϲεν κ̅ϲ̅ και ου μεταμεληθηϲεται ϲυ ιερευϲ
22 κατα τοϲουτο και κριττονοϲ διαθηκηϲ γεγονε̅ εγγυοϲ ι̅ϲ̅
23 και οι μεν πλειονεϲ ειϲιν γεγονοτεϲ ιερειϲ δια το θανατω κωλυεϲθαι παραμενειν
24 ο δε δια το μενειν αυτον ειϲ τον αιωνα απαραβατον εχει την ιερωϲυνην
25 οθεν και ϲωζειν ειϲ το παντελεϲ δυναται τουϲ προϲερχομενουϲ δι αυτου τω θ̅ω̅ παντοτε ζων ειϲ το εντυγχανειν υπερ αυτων
26 τοιουτοϲ γαρ ημιν επρεπεν αρχιερευϲ οϲιοϲ ακακοϲ αμιαντοϲ κεχωριϲμενοϲ απο τω̅ αμαρτωλων και υψηλοτεροϲ των ουρανων γενομενοϲ
27 οϲ ουκ εχει καθ ημεραν αναγκην ωϲπερ οι αρχιερειϲ προτερον υπερ των ιδιων αμαρτιων θυϲιαϲ αναφερειν επειτα τω̅ του λαου τουτο γαρ εποιηϲεν εφαπαξ εαυτον προϲενεγκαϲ
28 ο νομοϲ γαρ ανθρωπουϲ καθιϲτηϲιν αρχιερειϲ εχονταϲ αϲθενειαν ο λογοϲ δε τηϲ ορκωμοϲιαϲ τηϲ μετα τον νομον υιον ειϲ τον αιωνα τετελειωμενον
Примечания:
10 [13] {ετι γαρ}
Нашли в тексте ошибку? Выделите её и нажмите:
Ctrl + Enter
Послание к Евреям апостола Павла, 7 ΚΕΦΆΛΑΙΟ. Синайский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.