1 με ταυτα χωριϲθειϲ εκ των αθηνων ηλθεν ειϲ κορινθον
2 και ευρων τινα ιουδαιον ονοματι ακυλαν ποντικον τω γενει προϲφατωϲ εληλυθοτα απο τηϲ ιταλιαϲ και πριϲκιλλαν γυναικα αυτου δια το διατεταχεναι χωριζεϲθαι πανταϲ τουϲ ιουδαιουϲ απο τηϲ ρωμηϲ προϲηλθεν αυτοιϲ
3 και δια το ομοτεχνον ειναι εμενεν παρ αυτοιϲ και ηργαζοντο ηϲαν γαρ ϲκηνοποιοι τη τεχνη
4 διελεγετο δε εν τη ϲυναγωγη κατα παν ϲαββατον επειθεν τε ιουδαιουϲ και ελληναϲ
5 ωϲ δε κατηλθον απο τηϲ μακεδονιαϲ ο τε ϲειλαϲ και ο τιμοθεοϲ ϲυνειχετο τω λογω ο παυλοϲ διαμαρτυρομενοϲ τοιϲ ιουδαιοιϲ ειναι τον χ̅ν̅ ι̅ν̅
6 αντιταϲϲομενων δε αυτων και βλαϲφημουντων εκτιναξαμενοϲ τα ιματια ειπε̅ προϲ αυτουϲ το αιμα υμων επι την κεφαλην υμων καθαροϲ εγω απο του νυν ειϲ τα εθνη πορευϲομαι
7 και μεταβαϲ εκειθεν ηλθεν ειϲ οικιαν τινοϲ ονοματι τιτιου ιουϲτου ϲεβομενου τον θ̅ν̅ ου η οικια ην ϲυνομορουϲα τη ϲυναγωγη
8 κρειϲποϲ δε ο αρχιϲυναγωγοϲ επιϲτευϲεν τω κ̅ω̅ ϲυν ολω τω οικω αυτου και πολλοι των κορινθιων ακουοντεϲ επιϲτευον και εβαπτιζοντο
9 ειπεν δε ο κ̅ϲ̅ εν νυκτι δι οραματοϲ τω παυλω μη φοβου αλλα λαλει και μη ϲιωπηϲηϲ
10 διοτι εγω ειμι μετα ϲου και ουδειϲ επιθηϲεται ϲοι του κακωϲαι ϲε διοτι λαοϲ εϲτι μοι πολυϲ εν τη πολει ταυτη
11 εκαθιϲεν δε ενιαυτον και μηναϲ εξ διδαϲκω̅ εν αυτοιϲ τον λογον του θ̅υ̅
12 γαλλιωνοϲ δε ανθυπατου οντοϲ τηϲ αχαιαϲ κατεπεϲτηϲαν οι ιουδαιοι ομοθυμαδον τω παυλω και ηγαγον αυτον επι το βημα
13 λεγοντεϲ οτι παρα τον νομον αναπειθει ουτοϲ τουϲ ανθρωπουϲ ϲεβεϲθαι τον θ̅ν̅
14 μελλοντοϲ δε του παυλου ανοιγειν το ϲτομα ειπεν ο γαλλιων προϲ τουϲ ιουδαιουϲ ει μεν ην αδικημα τι η ραδιουργημα πονηρον ω ιουδαιοι κατα λογον αν ανεϲχομην υμων
15 ει δε ζητηματα εϲτιν περι λογου και ονοματων και νομου του καθ υμαϲ οψεϲθε αυτοι κριτηϲ εγω τουτω̅ ου βουλομαι ειναι
16 και απηλαϲεν αυτουϲ απο του βηματοϲ
17 επιλαβομενοι δε παντεϲ ϲωϲθενη̅ τον αρχιϲυναγωγον ετυπτον εμπροϲθεν του βηματοϲ και ουδεν τουτων των τω γαλλιωνι εμελεν
18 ο δε παυλοϲ ετι προϲμειναϲ ημεραϲ ικαναϲ τοιϲ αδελφοιϲ αποταξαμενοϲ εξεπλει ειϲ την ϲυριαν και ϲυν αυτω πρειϲκιλλα και ακυλαϲ κειραμενοϲ εν κεγχρεαιϲ την κεφαλην ειχεν γαρ ευχην
19 κατηντηϲαν δε ειϲ εφεϲον κακεινουϲ κατελιπεν αυτου αυτοϲ δε ειϲελθω̅ ειϲ την ϲυναγωγην διελεξατο τοιϲ ιουδαιοιϲ
20 ερωτωντων δε αυτων επι πλειονα χρονον μειναι ουκ επενευϲεν
21 αλλα αποταξαμενοϲ και ειπων παλιν ανακαμψω προϲ υμαϲ του θ̅υ̅ θελοντοϲ ανηχθη απο τηϲ εφεϲου
22 και κατελθων ειϲ καιϲαρειαν αναβαϲ και αϲπαϲαμενοϲ την εκκληϲιαν κατεβη ειϲ α̅τιοχειαν
23 και ποιηϲαϲ χρονον τινα εξηλθεν διερχομενοϲ καθεξηϲ την γαλατικην χωραν και φρυγιαν ϲτηριζων πανταϲ τουϲ μαθηταϲ
24 ιουδαιοϲ δε τιϲ απολλωϲ ονοματι αλεξανδρευϲ τω γενει ανηρ λογιοϲ κατηντηϲε̅ ειϲ εφεϲον δυνατοϲ ω̅ εν ταιϲ γραφαιϲ
25 ουτοϲ ην κατηχημενοϲ την οδον κ̅υ̅ και ζεων τω πνευματι ελαλει δε και εδιδαϲκεν ακρειβωϲ τα περι του ι̅υ̅ επιϲταμενοϲ μονον το βαπτιϲμα ιωανου
26 ουτοϲ τε ηρξατο παρρηϲιαζεϲθαι εν τη ϲυναγωγη ακουϲαντεϲ δε αυτου πριϲκιλλα και ακυλαϲ προϲελαβοντο αυτον και ακρειβεϲτερον αυτω εξεθεντο την οδον του θ̅υ̅
27 βουλομενου δε αυτου διελθειν ειϲ την αχαιαν προτρεψαμενοι οι αδελφοι εγραψαν τοιϲ μαθηταιϲ αποδεξαϲθαι αυτον οϲ παραγενομενοϲ ϲυνεβαλετο πολυ τοιϲ πεπιϲτευκοϲιν δια τηϲ χαριτοϲ
28 ευτονωϲ γαρ τοιϲ ιουδαιοιϲ διακατηλεγχετο δημοϲια επιδικνυϲ δια των γραφων ειναι τον χ̅ν̅ ι̅ν̅