ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΠΡΑΞΕΙΣ 21 ΠΡΑΞΕΙΣ ΤΩΝ ΑΠΟΣΤΟΛΩΝ 21 ΚΕΦΆΛΑΙΟ

1 ωϲ δε εγενετο αναχθηναι ημαϲ αποϲπαϲθεντεϲ απ αυτων ευθυδρομηϲαντεϲ ηλθομεν ειϲ την κω τη δε εξηϲ ειϲ την ροδον κακειθεν ειϲ παταρα
2 και ευροντεϲ πλοιον διαπερων ειϲ φοινεικην επιβαντεϲ ανηχθημεν
3 αναφανα̅τεϲ δε την κυπρον και καταλιποντεϲ αυτην ευωνυμον επλεομεν ειϲ ϲυριαν και κατηλθομεν ειϲ τυρον εκειϲε γαρ το πλοιον ην αποφορτιζομενον τον γομο̅
4 ανευροντεϲ δε τουϲ μαθηταϲ επεμειναμε̅ αυτου ημεραϲ επτα οιτινεϲ τω παυλω ελεγαν δια του πνευματοϲ ελεγαν μη επιβαινειν ειϲ ιεροϲολυμα
5 οτε δε εγενετο {εξαρτιϲαι ημαϲ} [21] ταϲ ημεραϲ εξελθοντεϲ επορευομεθα προπεμποντων ημαϲ παντω̅ ϲυν γυναιξι και τεκνοιϲ εωϲ εξω τηϲ πολεωϲ και θεντεϲ τα γονατα επι τον αιγιαλον προϲευξαμενοι
6 απηϲπαϲαμεθα αλληλουϲ και ενεβημε̅ ειϲ το πλοιον εκεινοι δε υπεϲτρεψαν ειϲ τα ιδια
7 ημειϲ δε τον πλου̅ διανυϲαντεϲ απο τυρου κατηντηϲαμεν ειϲ πτολεμαιδα και αϲπαϲαμενοι τουϲ αδελφουϲ εμειναμεν ημεραν μιαν παρ αυτοιϲ
8 τη δε επαυριον εξελθοντεϲ ηλθαμεν ειϲ καιϲαρεια̅ και ειϲελθοντεϲ ειϲ το̅ οικον φιλιππου του ευαγγελιϲτου οντοϲ εκ των επτα εμειναμεν παρ αυτω
9 τουτω δε ηϲαν θυγατερεϲ τεϲϲαρεϲ παρθενοι προφητευουϲαι
10 επιμενοντω̅ δε ημεραϲ πλειουϲ κατηλθεν τιϲ απο τηϲ ιουδαιαϲ προφητηϲ ονοματι αγαβοϲ
11 και ελθων προϲ ημαϲ και αραϲ την ζωνην του παυλου δηϲαϲ εαυτου τουϲ ποδαϲ και ταϲ χειραϲ ειπε̅ ταδε λεγει το πνευμα το αγιον τον ανδρα ου εϲτιν η ζωνη αυτη ουτωϲ δηϲουϲιν εν ιερουϲαλημ οι ιουδαιοι και παραδωϲουϲιν ειϲ χειραϲ εθνων
12 ωϲ δε ηκουϲαμεν ταυτα παρεκαλουμεν ημειϲ τε και οι εντοπιοι του μη αναβαινειν αυτον ειϲ ιερουϲαλημ
13 τοτε απεκριθη {} [22] παυλοϲ τι ποιειτε κλαιοντεϲ και ϲυνθρυπτοντεϲ μου την καρδιαν εγω γαρ ου μονον δεθηναι αλλα και αποθανειν ειϲ ιερουϲαλημ ετοιμωϲ εχω υπερ του ονοματοϲ του κ̅υ̅ ι̅υ̅
14 μη πειθομενου δε αυτου ηϲυχαϲαμεν ειπο̅τεϲ του κ̅υ̅ το θελημα γεινεϲθω
15 μετα δε ταϲ ημεραϲ ταυταϲ επιϲκευαϲαμενοι ανεβαινομεν ειϲ ιεροϲολυμα
16 ϲυνηλθον δε και των μαθητων απο καιϲαρειαϲ ϲυν ημιν αγοντεϲ παρ ω ξενιϲθωμεν μναϲω τινι κυπριω αρχαιω μαθητη
17 γενομενω̅ δε ημων ειϲ ιεροϲολυμα αϲμενωϲ απεδεξα̅το ημαϲ οι αδελφοι
18 τη δε επιουϲη ειϲηει ο παυλοϲ ϲυν ημιν προϲ ιακωβον παντεϲ τε παρεγενοντο οι πρεϲβυτεροι
19 και αϲπαϲαμενοϲ αυτουϲ εξηγειτο καθ εν εκαϲτο̅ ων εποιηϲεν ο θ̅ϲ̅ εν τοιϲ εθνεϲιν δια τηϲ διακονιαϲ αυτου
20 οι δε ακουϲαντεϲ εδοξαζον το̅ θ̅ν̅ ειπον τε αυτω θεωρειϲ αδελφε ποϲαι μυριαδεϲ ειϲιν εν τοιϲ ιουδαιοιϲ των πεπιϲτευκοτων και παντεϲ ζηλωται του νομου υπαρχουϲιν
21 κατηχηθηϲα̅ δε περι ϲου οτι αποϲταϲιαν διδαϲκειϲ απο μωυϲεωϲ τουϲ κατα τα εθνη πανταϲ ιουδαιουϲ λεγων μη περιτεμνει̅ αυτουϲ τα τεκνα μηδε τοιϲ εθεϲιν περιπατειν
22 τι ουν εϲτιν παντωϲ ακουϲονται οτι εληλυθεϲ
23 τουτο ουν ποιηϲον ο ϲοι λεγομε̅ ειϲιν ημιν ανδρεϲ τεϲϲαρεϲ ευχην εχοντεϲ αφ εαυτων
24 τουτουϲ παραλαβων αγνιϲθητι ϲυν αυτοιϲ και δαπανηϲον επ αυτοιϲ ινα ξυρηϲονται την κεφαλην και γνωϲονται παντεϲ οτι ων κατηχηνται περι ϲου ουδεν εϲτιν αλλα ϲτοιχειϲ και αυτοϲ φυλαϲϲων τον νομον
25 περι δε των πεπιϲτευκοτων εθνων ημειϲ απεϲτειλαμεν κρειναντεϲ φυλαϲϲεϲθαι αυτουϲ το τε ειδωλοθυτον και αιμα και πνικτον και πορνειαν
26 τοτε ο παυλοϲ παραλαβων τουϲ ανδραϲ τη εχομενη ημερα ϲυν αυτοιϲ αγνιϲθειϲ ειϲηει ειϲ το ιερο̅ διαγγελλων την εκπληρωϲιν των ημερων του αγνιϲμου εωϲ ου προϲηνεχθη υπερ ενοϲ εκαϲτου αυτων η προϲφορα
27 ωϲ δε εμελλον αι επτα ημεραι ϲυντελειϲθαι οι απο τηϲ αϲιαϲ ιουδαιοι θεαϲαμενοι αυτο̅ εν τω ιερω ϲυνεχεον παντα τον οχλον και επεβαλον επ αυτον ταϲ χειραϲ
28 κραζοντεϲ ανδρεϲ ιϲραηλειται βοηθειται ουτοϲ εϲτιν ο ανθρωποϲ ο κατα του λαου και του νομου και του τοπου τουτου πα̅ταϲ πανταχη διδαϲκω̅ ετι τε και ελληναϲ ειϲηγαγεν ειϲ το ιερον και κεκοινωκεν τον αγιον τοπον τουτον
29 ηϲα̅ γαρ προεωρακοτεϲ τροφιμον τον εφεϲιον ε̅ τη πολει ϲυν αυτω ον ενομιζον οτι ειϲ το ιερον ειϲηγαγεν ο παυλοϲ
30 εκεινηθη τε η πολιϲ ολη και εγενετο ϲυνδρομη του λαου και επιλαβομενοι του παυλου ειλκον αυτον εξω του ιερου και ευθεωϲ εκλειϲθηϲαν αι θυραι
31 ζητου̅των τε αυτον αποκτειναι ανεβη φαϲιϲ τω χειλιαρχω τηϲ ϲπειρηϲ οτι ολη ϲυγχυννεται ιερουϲαλημ
32 οϲ εξαυτηϲ λαβων ϲτρατιωταϲ και εκατονταρχαϲ κατεδραμεν επ αυτουϲ οι δε ιδοντεϲ τον χειλιαρχο̅ και τουϲ ϲτρατιωταϲ επαυϲαντο τυπτοντεϲ τον παυλον
33 τοτε εγγιϲαϲ ο χιλιαρχοϲ επελαβετο αυτου και εκελευϲε δεθηναι αλυϲεϲι δυϲι και επυνθανετο τιϲ ειη και τι εϲτιν πεποιηκωϲ
34 αλλοι δε αλλο τι επεφωνουν εν τω οχλω μη δυναμενου δε αυτου γνωναι το αϲφαλεϲ δια τον θορυβον εκελευϲεν αγεϲθαι αυτο̅ ειϲ την παρεμβολην
35 οτε δε εγενετο επι τουϲ αναβαθμουϲ ϲυνεβη βαϲταζεϲθαι αυτον υπο των ϲτρατιωτων δια την βιαν του οχλου
36 ηκολουθει γαρ το πληθοϲ του λαου κραζοντεϲ αιρε αυτον
37 μελλω̅ τε ειϲαγεϲθαι ειϲ την παρεμβολην ο παυλοϲ λεγει τω χειλιαρχω ει εξεϲτιν μοι ειπειν τι προϲ ϲε ο δε εφη ελληνιϲτι γεινωϲκειϲ
38 ουκ αρα ϲυ ει ο αιγυπτιοϲ ο προ τουτων των ημερων αναϲτατωϲαϲ και εξαγαγων ειϲ την ερημο̅ τουϲ τετρακιϲχειλιουϲ ανδραϲ των ϲεικαριω̅
39 ειπεν δε ο παυλοϲ εγω ανθρωποϲ μεν ειμι ιουδαιοϲ ταρϲευϲ τηϲ κιλικιαϲ ουκ αϲημου πολεωϲ πολιτηϲ δεομαι δε ϲου επιτρεψον μοι λαληϲαι προϲ τον λαο̅
40 επιτρεψαντοϲ δε αυτου ο παυλοϲ εϲτωϲ επι των αναβαθμων κατεϲειϲε τη χειρι τω λαω πολληϲ δε γενομενηϲ ϲειγηϲ προϲεφωνηϲεν τη εβραιδι διαλεκτω λεγων

Примечания:

5  [21] {ημαϲ εξαρτιϲαι}
13  [22] {ο}

Нашли в тексте ошибку? Выделите её и нажмите: Ctrl + Enter

Деяния апостолов, 21 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ СЛУЖЕНИЕ

ΠΡΑΞΕΙΣ 21 ΚΕΦΆΛΑΙΟ в переводах:
ΠΡΑΞΕΙΣ 21 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Жана Кальвина
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.