1 κατηντηϲεν δε και ειϲ δερβην και ειϲ λυϲτραν και ιδου μαθητηϲ τιϲ ην εκει ονοματι τιμοθεοϲ υιοϲ γυναικοϲ ιουδαιαϲ πιϲτηϲ πατροϲ δε ελληνοϲ
2 οϲ εμαρτυρειτο υπο των εν λυϲτροιϲ και εικονιω αδελφω̅
3 τουτον ηθεληϲεν ο παυλοϲ ϲυν αυτω εξελθει̅ και λαβων περιετεμε̅ αυτον δια τουϲ ιουδαιουϲ τουϲ ονταϲ εν τοιϲ τοποιϲ εκεινοιϲ ηδειϲαν γαρ απαντεϲ οτι ελλην ο πατηρ αυτου υπηρχεν
4 ωϲ δε διεπορευοντο ταϲ πολειϲ παρεδιδοϲαν αυτοιϲ φυλαϲϲειν τα δογματα τα κεκριμενα υπο των αποϲτολων και πρεϲβυτερων των εν ιεροϲολυμοιϲ
5 αι μεν ουν εκκληϲιαι εϲτερεουντο τη πιϲτει και επεριϲϲευο̅ τω αριθμω καθ ημεραν
6 διηλθον δε την φρυγιαν και γαλατικην χωρα̅ κωλυθεντεϲ υπο του αγιου πνευματοϲ λαληϲαι τον λογον εν τη αϲια
7 ελθοντεϲ δε κατα την μυϲιαν επειραζο̅ ειϲ την βειθυνιαν πορευθηναι και ουκ ειαϲε̅ αυτουϲ το πνευμα ι̅υ̅
8 παρελθοντεϲ δε την μυϲιαν κατεβηϲαν ειϲ τρωαδα
9 και οραμα δια νυκτοϲ τω παυλω ωφθη ανηρ μακεδων τιϲ ην εϲτωϲ και παρακαλων αυτον και λεγων διαβαϲ ειϲ μακεδονιαν βοηθηϲον ημιν
10 ωϲ δε το οραμα ειδεν ευθεωϲ εζητηϲαμεν εξελθειν ειϲ μακεδονιαν ϲυμβιβαζοντεϲ οτι προϲκεκληται ημαϲ ο θ̅ϲ̅ ευαγγελιϲαϲθαι αυτουϲ
11 αναχθε̅τεϲ ουν απο τρωαδοϲ ευθυδρομηϲαμεν ειϲ ϲαμοθρακην τη δ επιουϲη ειϲ νεαν πολιν
12 κακειθεν ειϲ φιλιππουϲ ητιϲ εϲτιν πρωτη μεριδοϲ τηϲ μακεδονιαϲ πολιϲ κολωνια ημεν δε εν ταυτη τη πολει διατρειβοντεϲ ημεραϲ τιναϲ
13 τη τε ημερα τω̅ ϲαββατων εξηλθομε̅ εξω τηϲ πυληϲ παρα ποταμον ου ενομιζομε̅ προϲευχη ειναι και καθιϲαντεϲ ελαλουμεν ταιϲ ϲυνελθουϲαιϲ γυναιξιν
14 και τιϲ γυνη ονοματι λυδια πορφυροπωλιϲ πολεωϲ θυατειρω̅ ϲεβομενη τον θ̅ν̅ ηκουεν ηϲ ο κ̅ϲ̅ διηνοιξεν τη̅ καρδιαν προϲεχειν τοιϲ λαλουμενοιϲ υπο παυλου
15 ωϲ δε εβαπτιϲθη και ο οικοϲ αυτηϲ παρεκαλεϲεν λεγουϲα ει κεκρικατε με πιϲτην τω κ̅ω̅ ειναι ειϲελθοντεϲ ειϲ τον οικον μου μενετε και παρεβιαϲατο ημαϲ
16 εγενετο δε πορευομενων ημων ειϲ την προϲευχην παιδιϲκην τινα εχουϲαν πνευμα πυθωνα υπαντηϲαι ημιν ητιϲ εργαϲιαν πολλην παρειχεν τοιϲ κυριοιϲ αυτηϲ μα̅τευομενη
17 αυτη κατακολουθουϲα παυλω και ημιν εκραζεν λεγουϲα ουτοι οι ανθρωποι δουλοι του θ̅υ̅ του υψιϲτου ειϲιν οιτινεϲ καταγγελλουϲιν υμιν οδον ϲωτηριαϲ
18 τουτο δε εποιει επι πολλαϲ ημεραϲ διαπονηθειϲ δε παυλοϲ και επιϲτρεψαϲ τω πνευματι ειπεν παραγγελλω ϲοι εν ονοματι ι̅υ̅ χ̅υ̅ εξελθειν απ αυτηϲ και εξηλθεν αυτη τη ωρα
19 και ιδοντεϲ οι κυριοι αυτηϲ οτι εξηλθεν η ελπιϲ τηϲ εργαϲιαϲ αυτω̅ επιλαβομενοι τον παυλον και τον ϲειλαν ειλκυϲαν ειϲ την αγοραν επι τουϲ αρχονταϲ
20 και προϲαγαγοντεϲ αυτουϲ τοιϲ ϲτρατηγοιϲ ειπαν ουτοι οι ανθρωποι εκταραϲϲουϲιν ημων τη̅ πολιν ιουδαιοι υπαρχο̅τεϲ
21 και καταγγελλουϲιν εθη α ουκ εξεϲτιν ημιν παραδεχεϲθαι ουδε ποιειν ρωμαιοιϲ ουϲιν
22 και ϲυνεπεϲτη ο οχλοϲ κατ αυτων και οι ϲτρατηγοι περιρηξαντεϲ αυτων τα ιματια εκελευον ραβδιζειν
23 πολλαϲ δε επιθεντεϲ αυτοιϲ πληγαϲ εβαλον ειϲ φυλακην παραγγειλαντεϲ τω δεϲμοφυλακι αϲφαλωϲ τηρειν αυτουϲ
24 οϲ παραγγελιαν τοιαυτη̅ λαβων εβαλεν αυτουϲ ειϲ την εϲωτεραν φυλακην και τουϲ ποδαϲ ηϲφαλιϲατο αυτων ειϲ το ξυλον
25 κατα δε το μεϲονυκτιον παυλοϲ και ϲειλαϲ προϲευχομενοι υμνουν τον θ̅ν̅ επηκροωντο δε αυτων οι δεϲμιοι
26 αφνω δε ϲειϲμοϲ εγενετο μεγαϲ ωϲτε ϲαλευθηναι τα θεμελια του δεϲμωτηριου ηνεωχθηϲαν δε αι θυραι παϲαι και παντων τα δεϲμα ανεθη
27 εξυπνοϲ δε γενομενοϲ ο δεϲμοφυλαξ και ιδων ανεωγμεναϲ ταϲ θυραϲ τηϲ φυλακηϲ ϲπαϲαμενοϲ τη̅ μαχαιραν ημελλεν εαυτον αναιρειν νομιζων εκπεφευγεναι τουϲ δεϲμιουϲ
28 εφωνηϲεν δε παυλοϲ μεγαλη φωνη λεγων μηδε̅ πραξηϲ ϲεαυτω κακον απαντεϲ γαρ εϲμεν ενθαδε
29 αιτηϲαϲ δε φωτα ειϲεπηδηϲεν και εντρομοϲ γενομενοϲ προϲεπεϲεν τω παυλω και ϲειλα
30 και προαγαγων αυτουϲ εξω εφη κυριοι τι με δει ποιειν ινα ϲωθω
31 οι δε ειπαν πιϲτευϲον επι το̅ κ̅ν̅ ι̅ν̅ και ϲωθηϲη ϲυ και ο οικοϲ ϲου
32 και ελαληϲα̅ αυτω τον λογον του θ̅υ̅ ϲυν παϲιν τοιϲ εν τη οικια αυτου
33 και παραλαβω̅ αυτουϲ εν εκεινη τη ωρα τηϲ νυκτοϲ ελουϲε̅ απο των πληγων και εβαπτιϲθη αυτοϲ και οι αυτου απαντεϲ παραχρημα
34 αναγαγων τε αυτουϲ ειϲ τον οικον παρεθηκεν τραπεζαν και ηγαλλιαϲατο πανοικει πεπιϲτευκωϲ τω θ̅ω̅
35 ημεραϲ δε γενομενηϲ απεϲτειλαν οι ϲτρατηγοι τουϲ ραβδουχουϲ λεγοντεϲ απολυϲον τουϲ ανθρωπουϲ εκεινουϲ
36 απηγγειλεν δε ο δεϲμοφυλαξ τουϲ λογουϲ προϲ τον παυλον οτι απεϲταλκαν οι ϲτρατηγοι ινα απολυθητε νυν ουν εξελθοντεϲ πορευεϲθε εν ειρηνη
37 ο δε παυλοϲ εφη προϲ αυτουϲ δειραντεϲ ημαϲ δημοϲια ακατακριτουϲ ανθρωπουϲ ρωμαιουϲ υπαρχονταϲ εβαλαν ειϲ φυλακην και νυ̅ λαθρα ημαϲ εκβαλλουϲιν ου γαρ αλλα ελθοντεϲ αυτοι ημαϲ εξαγαγετωϲαν
38 απηγγειλα̅ δε τοιϲ ϲτρατηγοιϲ οι ραβδουχοι τα ρηματα ταυτα εφοβηθηϲαν δε ακουϲαντεϲ οτι ρωμαιοι ειϲιν
39 και ελθοντεϲ παρεκαλεϲαν αυτουϲ και εξαγαγοντεϲ ηρωτων απελθειν απο τηϲ πολεωϲ
40 εξελθοντεϲ δε απο τηϲ φυλακηϲ ειϲηλθον προϲ την λυδιαν και ιδοντεϲ παρεκαλεϲαν τουϲ αδελφουϲ και εξηλθον
Нашли в тексте ошибку? Выделите её и нажмите:
Ctrl + Enter
Деяния апостолов, 16 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.