1 λαλουντων δε αυτων προϲ το̅ λαον επεϲτηϲαν αυτοιϲ οι αρχιερειϲ και ο ϲτρατηγοϲ του ιερου και οι ϲαδδουκαιοι
2 διαπονουμενοι δια το διδαϲκει̅ αυτουϲ τον λαον και καταγγελλειν εν τω ι̅υ̅ την αναϲταϲιν την εκ νεκρων
3 και επεβαλον αυτοιϲ ταϲ χειραϲ και εθεντο ειϲ τηρηϲιν ειϲ την αυριον ην γαρ εϲπερα ηδη
4 πολλοι δε των ακουϲαντων τον λογον επιϲτευϲαν και εγενηθη αριθμοϲ των ανδρων ωϲ χειλιαδεϲ πεντε
5 εγενετο δε επι την αυριον ϲυναχθηναι αυτων τουϲ αρχονταϲ και τουϲ πρεϲβυτερουϲ και τουϲ γραμματειϲ εν ιερουϲαλημ
6 και ανναϲ ο αρχιερευϲ και καιαφαϲ και ιωαννηϲ και αλεξανδροϲ και οϲοι ηϲαν εκ γενουϲ αρχιερατικου
7 και ϲτηϲαντεϲ αυτουϲ εν τω μεϲω επυνθανοντο εν ποια δυναμει η εν ποιω ονοματι εποιηϲατε τουτο υμειϲ
8 τοτε πετροϲ πληϲθειϲ πνευματοϲ αγιου ειπεν προϲ αυτουϲ αρχοντεϲ του λαου και πρεϲβυτεροι
9 ει ημειϲ ϲημερον ανακρεινομεθα επι ευεργεϲια ανθρωπου αϲθενουϲ εν τινι ουτοϲ ϲεϲωϲται
10 γνωϲτο̅ εϲτω παϲιν υμιν και πα̅τι τω λαω ιϲτραηλ οτι εν τω ονοματι ι̅υ̅ χ̅υ̅ του ναζωραιου ον υμειϲ εϲταυρωϲατε ον ο θ̅ϲ̅ ηγειρεν εκ νεκρων εν τουτω ουτοϲ παρεϲτηκεν ενωπιον υμων υγιηϲ
11 ουτοϲ εϲτιν ο λιθοϲ ο εξουθενηθειϲ υφ υμω̅ των οικοδομων ο γενομενοϲ ειϲ κεφαλην γωνιαϲ
12 και ουκ εϲτιν εν αλλω ουδενι η ϲωτηρια ουδε γαρ ονομα εϲτιν ετερον υπο τον ουρανον το δεδομενον εν ανθρωποιϲ εν ω δει ϲωθηναι υμαϲ
13 θεωρουντεϲ δε τη̅ του πετρου παρρηϲιαν και ιωαννου και καταλαβομενοι οτι ανθρωποι αγραμματοι ειϲιν και ιδιωται εθαυμαζο̅ επεγεινωϲκον τε αυτουϲ οτι ϲυν τω ι̅υ̅ ηϲαν
14 το̅ τε ανθρωπον βλεποντεϲ ϲυν αυτοιϲ εϲτωτα τον τεθαραπευμενον ουδεν ειχον αντειπει̅
15 κελευϲαντεϲ δε αυτουϲ εξω του ϲυνεδριου απελθειν ϲυνεβαλλον προϲ αλληλουϲ
16 λεγοντεϲ τι ποιηϲωμεν τοιϲ ανθρωποιϲ τουτοιϲ οτι μεν γαρ γνωϲτον ϲημειον γεγονεν δι αυτων παϲι̅ τοιϲ κατοικουϲιν ιερουϲαλημ φανερον και ου δυναμεθα αρνειϲθαι
17 αλλ ινα μη επι πλειον διανεμηθη ειϲ τον λαον απειληϲωμεθα αυτοιϲ μηκετι λαλειν επι τω ονοματι τουτω μηδενι ανθρωπων
18 και καλεϲαντεϲ αυτουϲ παρηγγειλαν καθολου μη φθεγγεϲθαι μηδε διδαϲκειν επι τω ονοματι ι̅υ̅
19 ο δε πετροϲ και ιωαννηϲ αποκριθεντεϲ ειπαν προϲ αυτουϲ ει δικαιο̅ εϲτιν ενωπιον του θ̅υ̅ υμων ακουειν μαλλον η του θ̅υ̅ κρεινατε
20 ου δυνομεθα γαρ ημειϲ α ειδαμεν και ηκουϲαμεν μη λαλειν
21 οι δε προϲαπειληϲαμενοι απελυϲαν αυτουϲ μηδεν ευριϲκο̅τεϲ το πωϲ κολαϲωϲιν αυτουϲ δια τον λαον οτι παντεϲ εδοξαζον το̅ θ̅ν̅ επι τω γεγονοτι
22 ετω̅ γαρ ην πλειονων τεϲϲερακοντα ο ανθρωποϲ εφ ον γεγονει το ϲημειο̅ τουτο τηϲ ιαϲεωϲ
23 απολυθεντεϲ δε ηλθο̅ προϲ τουϲ ιδιουϲ και απηγγειλαν οϲα προϲ αυτουϲ οι αρχιερειϲ και οι πρεϲβυτεροι ειπαν
24 οι δε ακουϲαντεϲ ομοθυμαδον ηραν φωνην προϲ τον θ̅ν̅ και ειπαν δεϲποτα ϲυ ο ποιηϲαϲ τον ουρανον και την γην και την θαλαϲϲαν και παντα τα εν αυτοιϲ
25 ο του πατροϲ ημων δια πνευματοϲ αγιου ϲτοματοϲ δαυειδ παιδοϲ ϲου ειπων ινα τι εφρυαξαν εθνη και λαοι εμελετηϲαν κενα
26 παρεϲτηϲαν οι βαϲιλειϲ τηϲ γηϲ και οι αρχοντεϲ ϲυ̅ηχθηϲαν επι το αυτο κατα του κ̅υ̅ και κατα του χ̅υ̅ αυτου
27 ϲυνηχθηϲα̅ γαρ επ αληθειαϲ εν τη πολει ταυτη επι τον αγιο̅ παιδα ϲου ι̅ν̅ ον εχρειϲαϲ ηρωδηϲ τε και ποντιοϲ πειλατοϲ ϲυν εθνεϲιν και λαοιϲ ιϲραηλ
28 ποιηϲαι οϲα η χειρ ϲου και η βουλη προωριϲεν γενεϲθαι
29 και τα νυν κ̅ε̅ επιδε επι ταϲ απειλαϲ αυτω̅ και δοϲ τοιϲ δουλοιϲ ϲου μετα παρρηϲιαϲ παϲηϲ λαλειν τον λογον ϲου
30 εν τω την χειρα εκτεινειν ϲε ειϲ ιαϲιν και ϲημεια και τερατα γεινεϲθαι δια του ονοματοϲ του αγιου παιδοϲ ϲου ι̅υ̅
31 και δεηθεντων αυτων εϲαλευθη ο τοποϲ εν ω ηϲαν ϲυνηγμενοι και επληϲθηϲαν απαντεϲ του αγιου πνευματοϲ και ελαλουν τον λογον του θ̅υ̅ μετα παρρηϲιαϲ
32 του δε πληθουϲ των πιϲτευϲαντων ην καρδια και ψυχη μια και ουδε ειϲ τι των υπαρχοντω̅ αυτω ελεγον ιδιον ειναι αλλ ην αυτοιϲ παντα κοινα
33 και δυναμει μεγαλη απεδιδουν το μαρτυριο̅ οι αποϲτολοι του κ̅υ̅ ι̅υ̅ τηϲ αναϲταϲεωϲ χαριϲ τε μεγαλη ην επι πανταϲ αυτουϲ
34 ουδε γαρ ενδεηϲ ην τιϲ εν αυτοιϲ οϲοι γαρ κτητορεϲ χωριων η οικιων υπηρχον πωλουντεϲ εφερον ταϲ τειμαϲ των πιπραϲκομενων
35 και ετιθουν παρα τουϲ ποδαϲ των αποϲτολων διεδιδετο δε εκαϲτω καθοτι αν τιϲ χρειαν ειχεν
36 ιωϲηφ δε ο επικληθειϲ βαρναβαϲ απο των αποϲτολων ο εϲτιν ερμηνευομενον υιοϲ παρακληϲεωϲ λευειτηϲ κυπριοϲ τω γενει
37 υπαρχοντοϲ αυτω αγρου πωληϲαϲ ηνεγκεν το χρημα και εθηκεν παρα τουϲ ποδαϲ των αποϲτολω̅
Нашли в тексте ошибку? Выделите её и нажмите:
Ctrl + Enter
Деяния апостолов, 4 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.