1 μετα δε πεντε ημεραϲ κατεβη ο αρχιερευϲ ανανιαϲ μετα πρεϲβυτερω̅ τινων και ρητοροϲ τερτυλλου τινοϲ οιτινεϲ ενεφανιϲαν τω ηγεμονι κατα του παυλου
2 κληθεντοϲ δε ηρξατο κατηγορειν ο τερτυλλοϲ λεγων πολληϲ ειρηνηϲ τυγχανοντεϲ δια ϲου και διορθωματων γεινομενων τω εθνει τουτω δια τηϲ ϲηϲ προνοιαϲ
3 παντη τε και πανταχου αποδεχομεθα κρατιϲτε φηλιξ μετα παϲηϲ ευχαριϲτιαϲ
4 ινα δε μη επι πλειον ϲε ενκοπτω παρακαλω ακουϲαι ϲε ημων ϲυντομωϲ τη ϲη επεικεια
5 ευροντεϲ γαρ τον ανδρα τουτον λοιμον και κεινουντα ϲταϲειϲ παϲι τοιϲ ιουδαιοιϲ τοιϲ κατα τη̅ οικουμενην πρωτοϲτατην τε τηϲ των ναζωραιων αιρεϲεωϲ
6 οϲ και το ιερον επειραϲεν βεβηλωϲαι ον και εκρατηϲαμεν
7 [отсутствует]
8 παρ ου δυνηϲη αυτοϲ ανακρειναϲ περι παντων τουτων επιγνωναι ων ημειϲ κατηγορουμεν αυτου
9 ϲυνεπεθεντο δε και οι ιουδαιοι φαϲκοντεϲ ταυτα ουτωϲ εχειν
10 απεκριθη τε ο παυλοϲ νευϲαντοϲ αυτω του ηγεμονοϲ λεγειν εκ πολλων ετων οντα ϲε κριτην τω εθνει τουτω επιϲταμενοϲ ευθυμωϲ τα περι εμαυτου απολογουμαι
11 δυναμενου ϲου επιγνωναι οτι ου πλειουϲ ειϲιν μοι ημεραι δωδεκα αφ ηϲ ανεβην προϲκυνηϲων ειϲ ιερουϲαλημ
12 και ουτε εν τω ιερω ευρον με προϲ τινα διαλεγομενον η επιϲταϲιν ποιουντα οχλου ουτε ε̅ ταιϲ ϲυναγωγαιϲ ουτε κατα την πολιν
13 ουδε παραϲτηϲαι δυνανται ϲοι περι ων νυνει κατηγορουϲιν μου
14 ομολογω δε τουτο ϲοι οτι κατα την οδον ην λεγουϲιν αιρεϲιν ουτωϲ λατρευω τω πατρωω θ̅ω̅ πιϲτευων τοιϲ κατα νομον και τοιϲ εν τοιϲ προφηταιϲ γεγραμμενοιϲ
15 ελπιδα εχων ειϲ τον θ̅ν̅ η̅ και αυτοι ουτοι προϲδεχονται αναϲταϲιν μελλειν εϲεϲθαι δικαιων τε και αδικων
16 εν τουτω και αυτοϲ αϲκω απροϲκοπον ϲυνειδηϲιν εχειν προϲ τον θ̅ν̅ και τουϲ ανθρωπουϲ δια παντοϲ
17 δι ετων δε πλειονων ελεημοϲυναϲ ποιηϲων ειϲ το εθνοϲ μου παρεγενομην και προϲφοραϲ
18 εν αιϲ ευρον με ηγνιϲμενον εν τω ιερω ου μετα οχλου ουδε μετα θορυβου
19 τινεϲ δε απο τηϲ αϲιαϲ ιουδαιοι ουϲ εδει επι ϲου παρειναι και κατηγορει̅ ει τι εχοιεν προϲ εμε
20 η αυτοι ουτοι ειπατωϲαν τι ευρον αδικημα ϲταντοϲ μου επι του ϲυνεδριου
21 η περι μιαϲ ταυτηϲ φωνηϲ ηϲ εκεκραξα εν αυτοιϲ εϲτωϲ οτι περι αναϲταϲεωϲ νεκρων εγω κρεινομαι ϲημερον εφ υμω̅
22 ανεβαλετο δε αυτουϲ ο φηλιξ ακρειβεϲτερον ειδωϲ τα περι τηϲ οδου ειπαϲ οταν λυϲιαϲ ο χειλιαρχοϲ καταβη διαγνωϲομαι τα καθ υμαϲ
23 διαταξαμενοϲ τω εκατονταρχη τηρειϲθαι αυτον εχει̅ τε ανεϲιν και μηδενα κωλυειν των ιδιων αυτου υπηρετειν αυτω
24 μετα δε ημεραϲ τιναϲ παραγενομενοϲ ο φιλιξ ϲυν δρουϲιλλη τη ιδια γυναικι ουϲη ιουδαια μετεπεμψατο τον παυλον και ηκουϲεν αυτου περι τηϲ ειϲ χ̅ν̅ ι̅υ̅ πιϲτεωϲ
25 διαλεγομενου δε αυτου περι δικαιοϲυνηϲ και εγκρατειαϲ και του κριματοϲ του μελλοντοϲ εμφοβοϲ γενομενοϲ ο φηλιξ απεκριθη το νυν εχον πορευου καιρον δε μεταλαβων μετακαλεϲομαι ϲε
26 αμα και ελπιζων οτι χρηματα {δοθηϲετα} [26] υπο του παυλου διο και πυκνοτερον αυτον μεταπεμπομενοϲ ωμειλει αυτω
27 διετιαϲ δε πληρωθειϲηϲ ελαβεν διαδοχον ο φηλιξ πορκιον φηϲτον θελων τε χαριτα καταθεϲθαι τοιϲ ιουδαιοιϲ ο φηλιξ κατελιπε τον παυλο̅ δεδεμενον
Примечания:
26 [26] {δοθηϲεται}
Нашли в тексте ошибку? Выделите её и нажмите:
Ctrl + Enter
Деяния апостолов, 24 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.