1 κατ εκεινον δε τον καιρο̅ επεβαλεν ηρωδηϲ ο βαϲιλευϲ ταϲ χειραϲ κακωϲαι τιναϲ των απο τηϲ εκκληϲιαϲ
2 ανειλεν δε ιακωβον τον αδελφο̅ ιωανου μαχαιρη
3 ιδω̅ δε οτι αρεϲτον εϲτιν τοιϲ ιουδαιοιϲ προϲεθετο ϲυλλαβειν και πετρο̅ ηϲαν δε ημεραι των αζυμων
4 ον και πιαϲαϲ εθετο ειϲ φυλακην παραδουϲ τεϲϲαρϲιν τετραδιοιϲ ϲτρατιωτων φυλαϲϲειν αυτον βουλομενοϲ μετα το παϲχα αναγαγειν αυτον τω λαω
5 ο μεν ουν πετροϲ ετηρειτο εν τη φυλακη προϲευχη δε ην εκτενωϲ γεινομενη υπο τηϲ εκκληϲιαϲ περι αυτου
6 οτε δε ημελλεν προϲαγαγειν αυτον ο ηρωδηϲ τη νυκτι εκεινη ην ο πετροϲ κοιμωμενοϲ μεταξυ δυο ϲτρατιωτων δεδεμενοϲ αλυϲεϲιν δυϲιν φυλακεϲ τε προ τηϲ θυραϲ ετηρουν τη̅ φυλακην
7 και ιδου αγγελοϲ κ̅υ̅ επεϲτη και φωϲ ελαμψεν εν τω οικηματι παταξαϲ δε την πλευραν του πετρου ηγειρε̅ αυτον λεγων αναϲτα εν ταχει και εξεπεϲαν αυτου αι αλυϲειϲ εκ τω̅ χειρων
8 ειπεν δε ο αγγελοϲ προϲ αυτον ζωϲαι και {υποδυϲαι} [13] τα ϲανδαλια ϲου εποιηϲεν δε ουτωϲ και λεγει αυτω περιβαλου το ιματιον ϲου και ακολουθει μοι
9 και εξελθων ηκολουθει και ουκ ηδει οτι αληθεϲ εϲτιν το γεινομενον δια του αγγελου εδοκει δε οραμα βλεπειν
10 διελθοντεϲ δε πρωτην φυλακην και δευτεραν ηλθαν επι την πυλην την ϲιδηραν την φερουϲαν ειϲ την πολιν ητιϲ αυτοματη ηνυγη αυτοιϲ και εξελθοντεϲ προηλθον ρυμην μιαν και ευθεωϲ απεϲτη ο αγγελοϲ απ αυτου
11 και ο πετροϲ εν αυτω γενομενοϲ ειπεν νυν οιδα αληθωϲ οτι εξαπεϲτειλεν ο κ̅ϲ̅ τον αγγελον αυτου και εξειλατο με εκ χειροϲ ηρωδου και παϲηϲ τηϲ προϲδοκιαϲ του λαου των ιουδαιων
12 ϲυνιδω̅ τε ηλθεν επι την οικια̅ τηϲ μαριαϲ τηϲ μητροϲ ιωανου του επικαλουμενου μαρκου ου ηϲαν ικανοι ϲυνηθροιϲμενοι και προϲευχομενοι
13 κρουϲαντοϲ δε αυτου την θυραν του πυλωνοϲ {προϲηλθε} [14] παιδιϲκη υπακουϲαι ονοματι ροδη
14 και επιγνουϲα την φωνην του πετρου απο τηϲ χαραϲ ουκ ηνοιξε̅ τον πυλωνα ειϲδραμουϲα δε απηγγειλεν εϲταναι τον πετρον προ του πυλωνοϲ
15 οι δε προϲ αυτην ειπαν μαινη η δε διιϲχυριζετο ουτωϲ εχειν οι δε ειπαν ο αγγελοϲ εϲτιν αυτου
16 ο δε πετροϲ επεμενεν κρουων ανοιξαντεϲ δε ειδαν αυτον και εξεϲτηϲαν
17 καταϲειϲαϲ δε αυτοιϲ τη χειρι ϲειγα̅ διηγηϲατο αυτοιϲ πωϲ ο κ̅ϲ̅ αυτον εξηγαγεν εκ τηϲ φυλακηϲ ειπε̅ τε απαγγειλατε ιακωβω και τοιϲ αδελφοιϲ ταυτα και εξελθων επορευθη ειϲ ετερον τοπον
18 γενομενηϲ δε ημεραϲ ην ταραχοϲ ουκ ολιγοϲ εν τοιϲ ϲτρατιωταιϲ τι αρα ο πετροϲ εγενετο
19 ηρωδηϲ δε επιζητηϲαϲ αυτον και μη ευρων ανακρειναϲ τουϲ φυλακαϲ εκελευϲεν απαχθηναι και κατελθω̅ απο τηϲ ιουδαιαϲ ειϲ καιϲαρειαν διετρειβεν
20 ην δε θυμομαχων τυριοιϲ και ϲειδωνιοιϲ ομοθυμαδον δε παρηϲαν προϲ αυτον και πειϲαντεϲ βλαϲτον τον επι του κοιτωνοϲ του βαϲιλεωϲ ητουντο ειρηνην δια το τρεφεϲθαι αυτων την χωραν απο τηϲ βαϲιλικηϲ
21 τακτη δε ημερα ηρωδηϲ ενδυϲαμενοϲ εϲθητα βαϲιλικη̅ καθιϲαϲ επι του βηματοϲ εδημηγορει προϲ αυτουϲ
22 ο δε δημοϲ επεφωνει θ̅υ̅ φωνη και ουκ ανθρωπου
23 παραχρημα δε επαταξεν αυτο̅ αγγελοϲ κ̅υ̅ ανθ ων ουκ εδωκεν την δοξαν τω θ̅ω̅ και γενομενοϲ ϲκωληκοβρωτοϲ εξεψυξε̅
24 ο δε λογοϲ του κ̅υ̅ ηυξανεν και επληθυνετο
25 βαρναβαϲ δε και ϲαυλοϲ υπεϲτρεψαν ειϲ ιερουϲαλημ πληρωϲαντεϲ την διακονιαν ϲυνπαραλαβοντεϲ ιωαννην τον επικληθεντα μαρκον
Примечания:
8 [13] {υποδηϲαι}
13 [14] {προηλθε}
Нашли в тексте ошибку? Выделите её и нажмите:
Ctrl + Enter
Деяния апостолов, 12 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.