ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΠΡΑΞΕΙΣ 27 ΠΡΑΞΕΙΣ ΤΩΝ ΑΠΟΣΤΟΛΩΝ 27 ΚΕΦΆΛΑΙΟ

1 ωϲ δε εκριθη του αποπλειν ημαϲ ειϲ την ιταλιαν παρεδιδουν τον τε παυλο̅ και τιναϲ ετερουϲ δεϲμωταϲ εκατονταρχη ονοματι ιουλιω ϲπειρηϲ ϲεβαϲτηϲ
2 επιβα̅τεϲ δε πλοιω αδραμυ̅τηνω μελλοντι πλει̅ ειϲ τουϲ κατα την αϲιαν τοπουϲ ανηχθημε̅ οντοϲ ϲυν ημιν αριϲταρχου μακεδονοϲ θεϲϲαλονεικεωϲ
3 τη τε ετερα κατηχθημε̅ ειϲ ϲειδωνα φιλανθρωπωϲ τε ο ιουλιοϲ τω παυλω χρηϲαμενοϲ επετρεψεν προϲ τουϲ φιλουϲ πορευθεντι επιμελειαϲ τυχειν
4 κακειθεν αναχθεντεϲ υπεπλευϲαμεν την κυπρον δια το τουϲ ανεμουϲ ειναι εναντιουϲ
5 το τε πελαγοϲ το κατα την κιλικιαν και παμφυλιαν διαπλευϲαντεϲ κατηλθομεν ειϲ μυρρα τηϲ λυκιαϲ
6 κακει ευρων ο εκατο̅ταρχηϲ πλοιον αλεξα̅δρεινον πλεον ειϲ τη̅ ιταλιαν ενεβιβαϲεν ημαϲ ειϲ αυτο
7 εν ικαναιϲ δε ημεραιϲ βραδυπλοουντεϲ και μολιϲ γενομενοι κατα την κνιδον μη προϲεωντοϲ ημαϲ του ανεμου υπεπλευϲαμεν την κρητην κατα ϲαλμωνην
8 μολιϲ τε παραλεγομενοι αυτην ηλθομεν ειϲ τοπον τινα καλουμενον καλουϲ λιμεναϲ ω εγγυϲ ην πολιϲ λαϲεα
9 ικανου δε χρονου διαγενομενου και οντοϲ ηδη επιϲφαλουϲ του πλοοϲ δια το και την νηϲτειαν ηδη παρεληλυθεναι παρηνει ο παυλοϲ
10 λεγων αυτοιϲ ανδρεϲ θεωρω οτι μετα υβρεωϲ και πολληϲ ζημιαϲ ου μονον του φορτιου και του πλοιου αλλα και των ψυχω̅ ημων μελλειν εϲεϲθαι τον πλουν
11 ο δε εκατο̅ταρχηϲ τω κυβερνητη και τω ναυκληρω μαλλον επειθετο η τοιϲ υπο παυλου λεγομενοιϲ
12 ανευθετου δε του λιμενοϲ υπαρχοντοϲ προϲ παραχιμαϲιαν οι πλειονεϲ εθεντο βουλην αναχθηναι εκειθεν ει πωϲ δυναιντο καταντηϲαντεϲ ειϲ φοινεικα παραχειμαϲαι λιμενα τηϲ κρητηϲ βλεποντα κατα λιβα και κατα χωρον
13 υποπνευϲαντοϲ δε νοτου δοξαντεϲ τηϲ προθεϲεωϲ κεκρατηκεναι αρα̅τεϲ αϲϲον παρελεγοντο την κρητην
14 μετ ου πολυ δε εβαλεν κατ αυτηϲ ανεμοϲ τυφωνικοϲ ο καλουμενοϲ ευρακυλων
15 ϲυναρπαϲθε̅τοϲ δε του πλοιου και μη δυνομενου αντοφθαλμειν τω ανεμω επιδοντεϲ εφερομεθα
16 νηϲιον δε τι υποδραμουντεϲ καλουμενον καυδα ιϲχυϲαμεν μολιϲ περικρατειϲ γενεϲθαι τηϲ ϲκαφηϲ
17 ην αραντεϲ βοηθειαιϲ εχρωντο υποζωννυ̅τεϲ το πλοιον φοβουμενοι τε μη ειϲ την ϲυρτιν εκπεϲωϲιν χαλαϲαντεϲ το ϲκευοϲ ουτωϲ εφεροντο
18 ϲφοδρωϲ δε χειμαζομενω̅ ημων τη εξηϲ εκβολη̅ εποιουντο
19 και τη τριτη αυτοχειρεϲ την ϲκευην του πλοιου ερειψα̅
20 μητε δε ηλιου μητε αϲτρων επιφαινοντω̅ επι πλειοναϲ ημεραϲ χειμωνοϲ τε ουκ ολιγου επικειμενου περιηρειτο ελπιϲ παϲα του ϲωζεϲθαι ημαϲ
21 πολληϲ τε αϲιτειαϲ υπαρχουϲηϲ τοτε ϲταθειϲ ο παυλοϲ εν μεϲω αυτων ειπεν εδει με̅ ω ανδρεϲ πειθαρχηϲα̅ταϲ μοι μη αναγεϲθαι απο τηϲ κρητηϲ κερδηϲαι τε την υβριν ταυτη̅ και την ζημιαν
22 και τα νυν παραινω υμαϲ ευθυμειν αποβολη γαρ ψυχηϲ ουδεμια εϲται εξ υμων πλην του πλοιου
23 παρεϲτη γαρ μοι ταυτη τη νυκτι του θ̅υ̅ ου ειμι ω και λατρευω αγγελοϲ
24 λεγων μη φοβου παυλε καιϲαρι ϲε δει παραϲτηναι και ιδου κεχαριϲται ϲοι ο θ̅ϲ̅ πανταϲ τουϲ πλεονταϲ μετα ϲου
25 διο ευθυμειτε ανδρεϲ πιϲτευω γαρ τω θ̅ω̅ οτι ουτωϲ εϲται καθ ον τροπον λελαληται μοι
26 ειϲ νηϲον δε τινα ημαϲ δει εκπεϲειν
27 ωϲ δε τεϲϲαρεϲκαιδεκατη νυξ εγενετο διαφερομενων ημων εν τω αδρια κατα μεϲον τηϲ νυκτοϲ υπενοου̅ οι ναυται προϲαχειν τινα αυτοιϲ χωραν
28 και βολιϲαντεϲ ευρον οργυιαϲ εικοϲι βραχυ δε διαϲτηϲαντεϲ και παλιν βολιϲαντεϲ ευρον οργυιαϲ δεκαπεντε
29 φοβουμενοι τε μη που κατα τραχειϲ τοπουϲ εκπεϲωμεν εκ πρυμνηϲ ρειψαντεϲ αγκυραϲ τεϲϲαραϲ ευχοντο ημερα̅ γενεϲθαι
30 των δε ναυτων ζητουντων φυγειν εκ του πλοιου και χαλαϲαντων την ϲκαφην ειϲ την θαλαϲϲαν προφαϲει ωϲ εκ πρωραϲ αγκυραϲ μελλοντων εκτεινειν
31 ειπεν ο παυλοϲ τω εκατονταρχη και τοιϲ ϲτρατιωταιϲ εαν μη ουτοι μεινωϲι̅ εν τω πλοιω υμειϲ ϲωθηναι ου δυναϲθε
32 τοτε απεκοψαν οι ϲτρατιωται τα ϲχοινια τηϲ ϲκαφηϲ και ειαϲαν αυτην εκπεϲειν
33 αχρι δε ου ημερα ημελλεν γεινεϲθαι παρεκαλει ο παυλοϲ απανταϲ μεταλαβειν τροφηϲ λεγων τεϲϲαρεϲκαιδεκατην ϲημερον ημεραν προϲδοκω̅τεϲ αϲειτοι διατελειτε μηθεν προϲλαβομενοι
34 διο και παρακαλω υμαϲ μεταλαβειν τροφηϲ τουτο γαρ προ τηϲ υμετεραϲ ϲωτηριαϲ υπαρχει ουδενοϲ γαρ υμω̅ θριξ απο τηϲ κεφαληϲ απολειται
35 ειπαϲ δε ταυτα και λαβων αρτον ευχαριϲτηϲεν τω θ̅ω̅ ενωπιον παντων και κλαϲαϲ ηρξατο εϲθειειν
36 ευθυμοι δε γενομενοι παντεϲ και αυτοι προϲελαβοντο τροφηϲ
37 ημεθα δε αι παϲαι ψυχαι εν τω πλοιω ωϲ εβδομηκοντα εξ
38 κορεϲθε̅τεϲ δε τροφηϲ εκουφιζον το πλοιον εκβαλλομενοι τον ϲειτον ειϲ την θαλαϲϲαν
39 οτε δε ημερα εγενετο την γην ουκ εγεινωϲκον κολπον δε τινα κατενοουν εχοντα αιγιαλο̅ ειϲ ον εβουλευοντο ει δυναιντο εκϲωϲαι το πλοιον
40 και ταϲ αγκυραϲ περιελοντεϲ ειων ειϲ την θαλαϲϲαν αμα ανε̅τεϲ ταϲ ζευκτηριαϲ τω̅ πηδαλιων και επαρα̅τεϲ τον αρτομωνα τη πνεουϲη κατειχον ειϲ τον αιγιαλον
41 περιπεϲο̅τεϲ δε ειϲ τοπον διθαλαϲϲον επεκειλαν τη̅ ναυν και η μεν πρωρα ερειϲαϲα εμεινεν αϲαλευτοϲ η δε πριμνα ελυετο υπο τηϲ βιαϲ
42 τω̅ δε ϲτρατιωτων βουλη εγενετο ινα τουϲ δεϲμωταϲ αποκτεινωϲι̅ μη τιϲ εκκολυμβηϲαϲ διαφυγη
43 ο δε εκατονταρχηϲ βουλομενοϲ διαϲωϲαι τον παυλο̅ εκωλυϲεν αυτουϲ του βουληματοϲ εκελευϲεν τε τουϲ δυναμενουϲ εκκολυμβαν απορρειψανταϲ πρωτουϲ επι την γην εξειεναι
44 και τουϲ λοιπουϲ ουϲ μεν επι ϲανιϲιν ουϲ δε επι τινων των απο του πλοιου και ουτωϲ εγενετο πανταϲ διαϲωθηναι επι την γην
Нашли в тексте ошибку? Выделите её и нажмите: Ctrl + Enter

Деяния апостолов, 27 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖИТЕ НАС

ΠΡΑΞΕΙΣ 27 ΚΕΦΆΛΑΙΟ в переводах:
ΠΡΑΞΕΙΣ 27 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Жана Кальвина
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.