1 και τινεϲ κατελθοντεϲ απο τηϲ ιουδαιαϲ εδιδαϲκον τουϲ αδελφουϲ οτι εαν μη περιθμητε τω εθει τω μωυϲεωϲ ου δυναϲθε ϲωθηναι
2 γενομενηϲ δε ϲταϲεωϲ και ζητηϲεωϲ ουκ ολιγηϲ τω παυλω και τω βαρναβα προϲ αυτουϲ εταξαν αναβαινειν παυλον και βαρναβαν και τιναϲ αλλουϲ εξ αυτων προϲ τουϲ αποϲτολουϲ και πρεϲβυτερουϲ ειϲ ιερουϲαλημ περι του ζητηματοϲ τουτου
3 οι με̅ ουν προπεμφθεντεϲ υπο τηϲ εκκληϲιαϲ διηρχοντο την τε φοινικη̅ και ϲαμαρειαν εκδιηγουμενοι την επιϲτροφη̅ των εθνων και εποιου̅ χαραν μεγαλην παϲι τοιϲ αδελφοιϲ
4 παραγενομενοι δε ειϲ ιεροϲολυμα παρεδεχθηϲαν απο τηϲ εκκληϲιαϲ και τω̅ αποϲτολων και των πρεϲβυτερων ανηγγειλαν τε οϲα ο θ̅ϲ̅ εποιηϲε̅ μετ αυτων
5 εξανεϲτηϲαν δε τινεϲ των απο τηϲ αιρεϲεωϲ των φαρειϲαιων πεπιϲτευκοτεϲ λεγοντεϲ οτι δει περιτεμνειν αυτουϲ παραγγελλειν τε τηρειν τον νομον μωυϲεωϲ
6 ϲυνηχθηϲαν τε οι αποϲτολοι και οι πρεϲβυτεροι ιδειν περι του λογου τουτου
7 πολληϲ δε ζητηϲεωϲ γενομενηϲ αναϲταϲ πετροϲ ειπεν προϲ αυτουϲ ανδρεϲ αδελφοι υμειϲ επιϲταϲθε οτι αφ ημερων αρχαιων εν υμιν εξελεξατο ο θ̅ϲ̅ δια του ϲτοματοϲ μου ακουϲαι τα εθνη τον λογον του ευαγγελιου και πιϲτευϲαι
8 και ο καρδιογνωϲτηϲ θ̅ϲ̅ εμαρτυρηϲεν αυτοιϲ δουϲ το πνευμα το αγιον καθωϲ και ημιν
9 και ουθεν διεκρεινεν μεταξυ ημων τε και αυτων τη πιϲτει καθαριϲαϲ ταϲ καρδιαϲ αυτων
10 νυν ουν τι πειραζετε τον θ̅ν̅ επιθειναι ζυγον επι τον τραχηλον των μαθητων ον ουτε οι πατερεϲ ημων ουτε ημειϲ ιϲχυϲαμε̅ βαϲταϲαι
11 αλλα δια τηϲ χαριτοϲ του κ̅υ̅ ι̅υ̅ πιϲτευομεν ϲωθηναι καθ ον τροπον κακεινοι
12 εϲειγηϲεν δε παν το πληθοϲ και ηκουον βαρναβα και παυλου εξηγουμενων οϲα εποιηϲεν ο θ̅ϲ̅ ϲημεια και τερατα εν τοιϲ εθνεϲιν δι αυτων
13 μετα δε το ϲειγηϲαι αυτουϲ απεκριθη ιακωβοϲ λεγων ανδρεϲ αδελφοι ακουϲατε μου
14 ϲυμεων εξηγηϲατο καθωϲ πρωτον ο θ̅ϲ̅ επεϲκεψατο λαβειν εξ εθνων λαον τω ονοματι αυτου
15 και τουτω ϲυμφωνουϲιν οι λογοι των προφητων καθωϲ γεγραπται
16 μετα ταυτα αναϲτρεψω και ανοικοδομηϲω την ϲκηνην δαυειδ τη̅ πεπτωκυιαν και τα κατεϲτρεμμενα αυτηϲ ανοικοδομηϲω και ανορθωϲω αυτην
17 οπωϲ αν εκζητηϲωϲιν οι καταλοιποι των ανθρωπω̅ τον κ̅ν̅ και παντα τα εθνη εφ ουϲ επικεκληται το ονομα μου επ αυτουϲ λεγει κ̅ϲ̅ ποιων ταυτα
18 γνωϲτα απ αιωνοϲ
19 διο εγω κρεινω μη παρενοχλειν τοιϲ απο των εθνω̅ επιϲτρεφουϲιν επι το̅ θ̅ν̅
20 αλλ επιϲτειλαι αυτοιϲ του απεχεϲθαι των αλιϲγηματων των ειδωλω̅ και τηϲ πορνειαϲ και πνικτου και του αιματοϲ
21 μωυϲηϲ γαρ εκ γενεων αρχαιων κατα πολιν τουϲ κηρυϲϲονταϲ αυτον εχει εν ταιϲ ϲυναγωγαιϲ κατα παν ϲαββατον αναγεινωϲκομενοϲ
22 τοτε εδοξε τοιϲ αποϲτολοιϲ και τοιϲ πρεϲβυτεροιϲ ϲυν ολη τη εκκληϲια εκλεξαμενουϲ ανδραϲ εξ αυτων πεμψαι ειϲ α̅τιοχειαν ϲυν τω παυλω και βαρναβα ιουδαν το̅ καλουμενον βαρϲαββα̅ και ϲειλαν ανδραϲ ηγουμενουϲ εν τοιϲ αδελφοιϲ
23 γραψαντεϲ δια χειροϲ αυτων οι αποϲτολοι και οι πρεϲβυτεροι αδελφοι τοιϲ κατα την αντιοχειαν και ϲυριαν και κιλικιαν αδελφοιϲ τοιϲ εξ εθνων χαιρειν
24 επειδη ηκουϲαμεν οτι τινεϲ εξ ημων εταραξαν υμαϲ λογοιϲ αναϲκευαζοντεϲ ταϲ ψυχαϲ υμων οιϲ ου διεϲτειλαμεθα
25 εδοξεν ημιν γενομενοιϲ ομοθυμαδον εκλεξαμενοιϲ ανδραϲ πεμψαι προϲ υμαϲ ϲυν τοιϲ αγαπητοιϲ ημων βαρναβα και παυλω
26 ανθρωποιϲ παραδεδωκοϲι ταϲ ψυχαϲ αυτω̅ υπερ του ονοματοϲ του κ̅υ̅ ημων ι̅υ̅ χ̅υ̅
27 απεϲταλκαμεν ουν ιουδαν και ϲειλαν και αυτουϲ δια λογου απαγγελλονταϲ τα αυτα
28 εδοξεν γαρ τω πνευματι τω αγιω και ημιν μηδεν πλεον επιτιθεϲθαι υμιν βαροϲ πλη̅ τουτων των επαναγκεϲ
29 απεχεϲθαι ειδωλοθυτω̅ και αιματοϲ και πνικτω̅ και πορνειαϲ εξ ων διατηρουντεϲ εαυτουϲ ευ πραξετε ερρωϲθε
30 οι μεν ουν απολυθεντεϲ κατηλθον ειϲ αντιοχειαν και ϲυναγαγοντεϲ το πληθοϲ επεδωκαν τη̅ επιϲτολην
31 αναγνοντεϲ δε εχαρηϲαν επι τη παρακληϲει
32 ιουδαϲ τε και ϲειλαϲ και αυτοι προφηται οντεϲ δια λογου πολλου παρεκαλεϲαν τουϲ αδελφουϲ και επεϲτηριξαν
33 ποιηϲαντεϲ δε χρονον απελυθηϲα̅ μετ ειρηνηϲ απο των αδελφων προϲ τουϲ αποϲτειλανταϲ αυτουϲ
34 [отсутствует]
35 παυλοϲ δε και βαρναβαϲ διετρειβον εν αντιοχεια διδαϲκοντεϲ και ευαγγελιζομενοι μετα και ετερων πολλων τον λογον του κ̅υ̅
36 μετα δε τιναϲ ημεραϲ ειπεν προϲ βαρναβαν παυλοϲ επιϲτρεψαντεϲ δη επιϲκεψωμεθα τουϲ αδελφουϲ κατα πολιν παϲαν εν αιϲ κατηγγειλαμεν τον λογον του κ̅υ̅ πωϲ εχουϲι̅
37 βαρναβαϲ δε εβουλετο ϲυνπαραλαβειν και το̅ ιωαννην τον καλουμενον μαρκον
38 παυλοϲ δε ηξιου τον αποϲταντα απ αυτων απο παμφυλιαϲ και μη {ϲυνελθοτα} [19] αυτοιϲ ειϲ το εργον μη ϲυνπαραλαμβανειν τουτον
39 εγενετο δε παροξυϲμοϲ ωϲτε αποχωριϲθηναι αυτουϲ απ αλληλων τον τε βαρναβα̅ παραλαβοντα τον μαρκον εκπλευϲαι ειϲ κυπρον
40 παυλοϲ δε επιλεξαμενοϲ ϲειλαν εξηλθεν παραδοθειϲ τη χαριτι του κ̅υ̅ υπο των αδελφων
41 διηρχετο δε την ϲυριαν και την κιλικια̅ επιϲτηριζων ταϲ εκκληϲιαϲ
Примечания:
38 [19] {ϲυνελθοντα}
Нашли в тексте ошибку? Выделите её и нажмите:
Ctrl + Enter
Деяния апостолов, 15 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.