1 εγενετο δε εν τω τον απολλω ειναι εν κορινθω παυλον διελθοντα τα ανωτερικα μερη ελθει̅ ειϲ εφεϲον και ευρειν τιναϲ μαθηταϲ
2 ειπεν τε προϲ αυτουϲ ει πνευμα αγιον ελαβετε πιϲτευϲαντεϲ οι δε προϲ αυτον αλλ ουδ ει πνευμα αγιο̅ εϲτιν ηκουϲαμεν
3 ειπεν τε ειϲ τι ουν εβαπτιϲθητε οι δε ειπαν ειϲ το ιωανου βαπτιϲμα
4 ειπεν δε παυλοϲ ιωανηϲ εβαπτιϲεν βαπτιϲμα μετανοιαϲ τω λαω λεγων ειϲ τον ερχομενο̅ μετ αυτον ινα πιϲτευϲωϲιν τουτ εϲτιν ειϲ τον ι̅ν̅
5 ακουϲαντεϲ δε εβαπτιϲθηϲαν ειϲ το ονομα του κ̅υ̅ ι̅υ̅
6 και επιθεντοϲ αυτοιϲ του παυλου χειραϲ ηλθε το πνευμα το αγιον επ αυτουϲ ελαλουν τε γλωϲϲαιϲ και επροφητευον
7 ηϲαν δε οι παντεϲ ανδρεϲ ωϲει δωδεκα
8 ειϲελθων δε ειϲ τη̅ ϲυναγωγην επαρρηϲιαζετο επι μηναϲ τρειϲ διαλεγομενοϲ και πειθων περι τηϲ βαϲιλειαϲ του θ̅υ̅
9 ωϲ δε τινεϲ εϲκληρυνοντο και ηπειθου̅ κακολογουντεϲ την οδον ενωπιον του πληθουϲ αποϲταϲ απ αυτω̅ αφωριϲεν τουϲ μαθηταϲ καθ ημεραν διαλεγομενοϲ εν τη ϲχολη τυραννου
10 τουτο δε εγενετο επι ετη δυο ωϲτε πανταϲ τουϲ κατοικου̅ταϲ την αϲιαν ακουϲαι τον λογον του κ̅υ̅ ιουδαιουϲ τε και ελληναϲ
11 δυναμειϲ τε ου ταϲ τυχουϲαϲ ο θ̅ϲ̅ εποιει δια των χειρων παυλου
12 ωϲτε και επι τουϲ αϲθενου̅ταϲ αποφερεϲθαι απο του χρωτοϲ αυτου ϲουδαρια η ϲιμικινθια και απαλλαϲεϲθαι απ αυτω̅ ταϲ νοϲουϲ τα τε πνευματα τα πονηρα εκπορευεϲθαι
13 επεχειρηϲαν δε τινεϲ και των περιερχομενων ιουδαιων εξορκιϲτων ονομαζειν επι τουϲ εχο̅ταϲ τα πνευματα τα πονηρα το ονομα του κ̅υ̅ ι̅υ̅ λεγοντεϲ ορκιζω υμαϲ τον ι̅ν̅ ον παυλοϲ κηρυϲϲει
14 ηϲαν δε τινοϲ ϲκευα ιουδαιου αρχιερεωϲ επτα υιοι τουτο ποιουντεϲ
15 αποκριθε̅ δε το πνευμα το πονηρον ειπεν αυτοιϲ τον μεν ι̅ν̅ γεινωϲκω και το̅ παυλον επιϲταμαι υμειϲ δε τινεϲ εϲτε
16 και εφαλομενοϲ ο ανθρωποϲ επ αυτουϲ εν ω ην το πνευμα το πονηρον κατακυριευϲαϲ αμφοτερων ιϲχυϲεν κατ αυτω̅ ωϲτε γυμνουϲ και τετραυματιϲμενουϲ εκφυγειν εκ του οικου εκεινου
17 τουτο δε εγενετο γνωϲτον παϲιν ιουδαιοιϲ τε και ελληϲι τοιϲ κατοικουϲιν την εφεϲον και επεπεϲεν φοβοϲ επι πανταϲ αυτουϲ και εμεγαλυνετο το ονομα του κ̅υ̅ ι̅υ̅
18 πολλοι τε των πεπιϲτευκοτω̅ ηρχοντο εξομολογουμενοι και αναγγελλοντεϲ ταϲ πραξειϲ αυτω̅
19 ικανοι δε των τα περιεργα πραξαντων ϲυνενεγκαντεϲ ταϲ βιβλουϲ κατεκαιον ενωπιον παντων και ϲυνεψηφιϲαν ταϲ τειμαϲ αυτω̅ και ευρον αργυριου μυριαδαϲ πεντε
20 ουτωϲ κατα κρατοϲ του κ̅υ̅ ο λογοϲ ηυξανεν και ιϲχυεν
21 ωϲ δε επληρωθη ταυτα εθετο ο παυλοϲ εν τω πνευματι διελθων την μακεδονιαν και αχαιαν πορευεϲθαι ειϲ ιεροϲολυμα ειπων οτι μετα το γενεϲθαι με εκει δει με και ρωμην ιδειν
22 αποϲτειλαϲ δε ειϲ την μακεδονιαν δυο των διακονουντων αυτω τιμοθεον και εραϲτον αυτοϲ επεϲχεν χρονο̅ ειϲ την αϲιαν
23 εγενετο δε κατα τον καιρον εκεινον ταραχοϲ ουκ ολιγοϲ περι τηϲ οδου
24 δημητριοϲ γαρ τιϲ ονοματι αργυροκοποϲ ποιων ναουϲ αρτεμιδοϲ παρειχετο τοιϲ τεχνειταιϲ ουκ ολιγην εργαϲιαν
25 ουϲ ϲυναθροιϲαϲ και τουϲ περι τα τοιαυτα εργαταϲ ειπεν ανδρεϲ επιϲταϲθε οτι εκ ταυτηϲ τηϲ εργαϲιαϲ η ευπορια ημιν εϲτιν
26 και θεωρειτε και ακουετε οτι ου μονον εφεϲου αλλα ϲχεδον παϲηϲ τηϲ αϲιαϲ ο παυλοϲ ουτοϲ πειϲαϲ μετεϲτηϲεν ικανον οχλον λεγων οτι ουκ ειϲιν θεοι οι δια χειρων γεινομενοι
27 ου μονον δε τουτο κι̅δυνευει ημιν το μεροϲ ειϲ απελεγμον ελθει̅ αλλα και το τηϲ μεγαληϲ θεαϲ αρτεμιδοϲ ιερον ειϲ ουθεν λογιϲθηναι μελλειν τε και καθαιρειϲθαι τηϲ μεγαλειοτητοϲ αυτηϲ ην ολη αϲια και οικουμενη ϲεβεται
28 ακουϲα̅τεϲ δε και γενομενοι πληρειϲ θυμου εκραζο̅ λεγοντεϲ μεγαλη η αρτεμιϲ εφεϲιων
29 και επληϲθη η πολιϲ τηϲ ϲυγχυϲεωϲ ωρμηϲαν τε ομοθυμαδον ειϲ το θεατρον ϲυναρπαϲαντεϲ γαιον και αριϲταρχον μακεδοναϲ ϲυνεκδημουϲ παυλου
30 παυλου δε βουλομενου ειϲελθειν ειϲ τον δημον ουκ ειων αυτον οι μαθηται
31 τινεϲ δε και των αϲιαρχων οντεϲ αυτω φιλοι πεμψαντεϲ προϲ αυτον παρεκαλουν μη δουναι εαυτον ειϲ το θεατρον
32 αλλοι μεν ου̅ αλλο τι εκραζον ην γαρ η εκκληϲια ϲυγκεχυμενη και οι πλειουϲ ουκ ηδειϲαν τινοϲ ενεκα ϲυνεληλυθειϲαν
33 εκ δε του οχλου ϲυνεβιβαϲαν αλεξανδρον προβαλοντων αυτον των ιουδαιων ο δε αλεξανδροϲ καταϲειϲαϲ την χειρα ηθελεν απολογειϲθαι τω δημω
34 επιγνοντεϲ δε οτι ιουδαιοϲ εϲτιν φωνη εγενετο μια εκ παντων ωϲει επι ωραϲ δυο κραζοντων μεγαλη η αρτεμιϲ εφεϲιων μεγαλη η αρτεμιϲ εφεϲιων
35 καταϲτειλαϲ δε τον οχλον ο γραμματευϲ φηϲιν ανδρεϲ εφεϲιοι τιϲ γαρ εϲτιν ανθρωπων οϲ ου γεινωϲκει την εφεϲιων πολιν νεωκορο̅ ουϲαν τηϲ μεγαληϲ αρτεμιδοϲ και του διοπετουϲ
36 αναντιρητων ου̅ οντων τουτων δεον εϲτιν υμαϲ κατεϲταλμενουϲ υπαρχειν και μηδεν προπετεϲ πραϲϲειν
37 ηγαγετε γαρ τουϲ ανδραϲ τουτουϲ ουτε ιεροϲυλουϲ ουτε βλαϲφημουνταϲ την θεο̅ ημων
38 ει μεν ουν δημητριοϲ και οι ϲυν αυτω τεχνειται εχουϲι προϲ τινα λογον αγοραιοι αγονται και ανθυπατοι ειϲι̅ εγκαλειτωϲαν αλληλοιϲ
39 ει δε τι περαιτερω επιζητειτε εν τη εννομω εκκληϲια επιλυθηϲεται
40 και γαρ κινδυνευομε̅ εγκαλειϲθαι ϲταϲεωϲ περι τηϲ ϲημερον μηδενοϲ αιτιου υπαρχοντοϲ περι ου ου δυνηϲομεθα αποδουναι λογον περι τηϲ ϲυϲτροφηϲ ταυτηϲ και ταυτα ειπων απελυϲεν την εκκληϲιαν
Нашли в тексте ошибку? Выделите её и нажмите:
Ctrl + Enter
Деяния апостолов, 19 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.