1 διοδευϲαντεϲ δε την αμφιπολιν και την απολλωνιαν ηλθον ειϲ την θεϲϲαλονεικην οπου ην ϲυναγωγη των ιουδαιων
2 κατα δε το ειωθοϲ τω παυλω ειϲηλθεν προϲ αυτουϲ και επι ϲαββατα τρια διελεξατο αυτοιϲ απο των γραφων
3 διανοιγων και παρατιθεμενοϲ οτι τον χ̅ν̅ εδει παθειν και αναϲτηναι εκ νεκρων και οτι ουτοϲ εϲτιν ο χ̅ϲ̅ ο ι̅ϲ̅ ον εγω καταγγελλω υμιν
4 και τινεϲ εξ αυτων επειϲθηϲαν και προϲεκληρωθηϲαν τω παυλω και ϲειλα των τε ϲεβομενων ελληνων πληθοϲ πολυ γυναικων τε των πρωτων ουχ ολιγαι
5 ζηλωϲαντεϲ δε οι ιουδαιοι και προϲλαβομενοι των αγοραιων ανδραϲ τιναϲ πονηρουϲ και οχλοποιηϲαντεϲ εθορυβουν την πολιν και επιϲταντεϲ τη οικια ιαϲονοϲ εζητουν αυτουϲ προαγαγειν ειϲ τον δημον
6 μη ευροντεϲ δε αυτουϲ εϲυρον ιαϲονα και τιναϲ αδελφουϲ επι τουϲ πολιταρχαϲ βοωντεϲ οτι οι την οικουμενην αναϲτατωϲαντεϲ ουτοι και ενθαδε παρειϲιν
7 ουϲ υποδεδεκται ιαϲων και ουτοι παντεϲ απεναντι τω̅ δογματων καιϲαροϲ πραϲϲουϲιν βαϲιλεα ετερον λεγοντεϲ ειναι ι̅ν̅
8 εταραξαν δε τον οχλο̅ και τουϲ πολιταρχαϲ ακουονταϲ ταυτα
9 και λαβοντεϲ το ικανον παρα του ιαϲονοϲ και των λοιπων απελυϲαν αυτουϲ
10 οι δε αδελφοι ευθεωϲ δια νυκτοϲ εξεπεμψα̅ τον τε παυλον και τον ϲειλαν ειϲ βεροιαν οιτινεϲ παραγενομενοι ειϲ την ϲυναγωγην των ιουδαιων απηεϲαν
11 ουτοι δε ηϲαν ευγενεϲτεροι των εν θεϲϲαλονεικη οιτινεϲ εδεξαντο τον λογον μετα παϲηϲ προθυμιαϲ το καθ ημεραν ανακρεινοντεϲ ταϲ γραφαϲ ει εχοι ταυτα ουτωϲ
12 πολλοι μεν ου̅ εξ αυτων επιϲτευϲαν και των ελληνιδων γυναικων των ευϲχημονων και ανδρων ουκ ολιγοι
13 ωϲ δε εγνωϲαν οι απο τηϲ θεϲϲαλονεικηϲ ιουδαιοι οτι και εν τη βεροια κατηγγελη υπο του παυλου ο λογοϲ του θ̅υ̅ ηλθον κακει ϲαλευοντεϲ και ταραϲϲοντεϲ τουϲ οχλουϲ
14 ευθεωϲ δε τοτε τον παυλον εξαπεϲτειλαν οι αδελφοι πορευεϲθαι εωϲ επι τη̅ θαλαϲϲαν υπεμειναν τε ο τε ϲειλαϲ και ο τιμοθεοϲ εκει
15 οι δε καθιϲτανοντεϲ τον παυλον ηγαγον εωϲ αθηνων και λαβοντεϲ εντολην προϲ τον ϲειλαν και τον τιμοθεον ινα ωϲ ταχιϲτα ελθωϲιν προϲ αυτον εξηεϲαν
16 εν δε ταιϲ αθηναιϲ εκδεχομενου αυτουϲ του παυλου παρωξυνετο το πνευμα αυτου εν αυτω θεωρουντοϲ κατειδωλο̅ ουϲαν την πολιν
17 διελεγετο μεν ουν εν τη ϲυναγωγη τοιϲ ιουδαιοιϲ και τοιϲ ϲεβομενοιϲ και εν τη αγορα κατα παϲαν ημεραν προϲ τουϲ παρατυγχανονταϲ
18 τινεϲ δε και των επικουριων και ϲτωικων φιλοϲοφων ϲυνεβαλλο̅ αυτω και τινεϲ ελεγο̅ τι αν θελοι ο ϲπερμολογοϲ ουτοϲ λεγειν οι δε ξενων δαιμονιων δοκει καταγγελευϲ ειναι οτι τον ι̅ν̅ και την αναϲταϲιν ευηγγελιζετο
19 επιλαβομενοι δε αυτου επι τον αρειον παγον ηγαγον λεγοντεϲ δυναμεθα γνωναι τιϲ η καινη αυτη υπο ϲου λαλουμενη διδαχη
20 ξενιζοντα γαρ τινα ειϲφερειϲ ειϲ ταϲ ακοαϲ ημω̅ βουλομεθα ουν γνωναι τινα θελει ταυτα ειναι
21 αθηναιοι δε παντεϲ και οι επιδημουντεϲ ξενοι ειϲ ουδεν ετερον ηυκαιρουν η λεγειν τι η ακουειν τι καινοτερον
22 ϲταθειϲ δε παυλοϲ εν μεϲω του αρειου παγου εφη ανδρεϲ αθηναιοι κατα παντα ωϲ {δειϲιδαμονεϲτερουϲ} [20] υμαϲ θεωρω
23 διερχομενοϲ γαρ και αναθεωρω̅ τα ϲεβαϲματα υμων ευρον και βωμον εν ω επεγεγραπτο αγνωϲτω θ̅ω̅ ο ουν αγνοουντεϲ ευϲεβειτε τουτο εγω καταγγελλω υμων
24 ο θ̅ϲ̅ ο ποιηϲαϲ τον κοϲμον και παντα τα εν αυτω ουτοϲ ουρανου και γηϲ υπαρχων κ̅ϲ̅ ουκ εν χειροποιητοιϲ ναοιϲ κατοικει
25 ουδε υπο χειρων ανθρωπινων θεραπευεται προϲδεομενοϲ τινοϲ αυτοϲ διδουϲ παϲι ζωην και πνοην και τα παντα
26 εποιηϲεν τε εξ ενοϲ παν εθνοϲ ανθρωπων κατοικειν επι παντοϲ προϲωπου τηϲ γηϲ οριϲαϲ προϲτεταγμενουϲ καιρουϲ και ταϲ οροθεϲιαϲ τηϲ κατοικιαϲ αυτων
27 ζητει̅ τον θ̅ν̅ ει αρα γε ψηλαφηϲιαν αυτον και ευροιεν και γε ου μακραν απο ενοϲ εκαϲτου ημων υπαρχοντα
28 εν αυτω γαρ ζωμεν και κεινουμεθα και εϲμεν ωϲ και τινεϲ των καθ ημαϲ ποιητων ειρηκαϲιν του γαρ και γενοϲ εϲμεν
29 γενοϲ ουν υπαρχοντεϲ του θ̅υ̅ ουκ οφειλομεν νομιζειν χρυϲω η αργυρω η λιθω χαραγματι τεχνηϲ και ενθυμηϲεωϲ ανθρωπου το θειον ειναι ομοιον
30 τουϲ μεν ουν χρονουϲ τηϲ αγνοιαϲ υπεριδων ο θ̅ϲ̅ τα νυν απαγγελλει τοιϲ ανθρωποιϲ πανταϲ πανταχου μετανοειν
31 καθοτι εϲτηϲεν ημεραν εν η μελλει κρεινειν την οικουμενην εν δικαιοϲυνη εν ανδρι ω ωριϲεν πιϲτιν παραϲχων παϲι αναϲτηϲαϲ αυτον εκ νεκρων
32 ακουϲαντεϲ δε αναϲταϲιν νεκρων οι μεν εχλευαζον οι δε ειπαν ακουϲομεθα ϲου περι τουτου και παλιν
33 ουτωϲ ο παυλοϲ εξηλθεν εκ μεϲου αυτων
34 τινεϲ δε ανδρεϲ κολληθεντεϲ αυτω επιϲτευϲαν εν οιϲ και διονυϲιοϲ αρεοπαγειτηϲ και γυνη ονοματι δαμαριϲ και ετεροι ϲυν αυτοιϲ
Примечания:
22 [20] {δειϲιδαιμονεϲτερουϲ}
Нашли в тексте ошибку? Выделите её и нажмите:
Ctrl + Enter
Деяния апостолов, 17 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.