1 ωϲ δε εκριθη του αποπλειν ημαϲ ειϲ την ιταλειαν παρεδιδου τον τε παυλον και τειναϲ ετερουϲ δεϲμωταϲ εκατονταρχη ονοματι ιουλιω ϲπειρηϲ ϲεβαϲτηϲ
2 επιβαντεϲ δε πλοιω αδραμυντηνω μελλοντι πλειν ειϲ τουϲ κατα την αϲιαν τοπουϲ ανηχθημεν οντοϲ ϲυν ημι̅ αριϲταρχου μακεδονοϲ θεϲϲαλονικεωϲ
3 τη τε ετερα κατηχθημεν ειϲ ϲιδωνα φιλανθρωπωϲ τε ο ιουλιανοϲ τω παυλω χρηϲαμενοϲ επετρεψεν προϲ τουϲ φιλουϲ πορευθεντι επιμελειαϲ τυχειν
4 κακειθεν αναχθεντεϲ υπεπλευϲαμεν την κυπρον δια το τουϲ ανεμουϲ ειναι εναντιουϲ
5 το τε πελαγοϲ το κατα την κιλικιαν και παμφυλια̅ διαπλευϲαντεϲ κατηλθαμε̅ ειϲ λυϲτρα τηϲ λικυαϲ
6 κακειθεν ευρων ο εκατονταρχηϲ πλοιον αλεξανδρινον πλεο̅ ειϲ την ιταλιαν ενεβιβαϲεν ημαϲ ειϲ αυτο
7 εν ικαναιϲ δε ημεραιϲ βραδυπλοουντεϲ και μολιϲ γενομενοι κατα την κνιδον μη προϲεωντοϲ ημαϲ του ανεμου υπεπλευϲαμεν την κρητην κατα ϲαλμωνην
8 μολιϲ τε παραλεγομενοι αυτην ηλθομεν ειϲ τοπον καλουμενον καλουϲ λιμεναϲ ω εγγυϲ πολιϲ ην αλαϲϲα
9 ικανου δε χρονου διαγενομενου και οντοϲ ηδη επιϲφαλουϲ του πλοοϲ δια το και την νηϲτειαν ηδη παρεληλυθεναι παρηνει ο παυλοϲ
10 λεγων αυτοιϲ ανδρεϲ θεωρω οτι μετα υβρεωϲ και πολληϲ ζημιαϲ ου μονον του φορτιου και του πλοιου αλλα και των ψυχων ημων μελλει̅ εϲεϲθαι τον πλουν
11 ο δε εκατονταρχηϲ τω κυβερνητη και τω ναυκληρω μαλλον επιθετο η τοιϲ υπο παυλου λεγομενοιϲ
12 ανευθετου δε του λιμενοϲ υπαρχοντοϲ προϲ παραχιμαϲιαν οι πλειονεϲ εθεντο βουλην αναχθηναι εκειθεν ει πωϲ δυνανται καταντηϲαντεϲ ειϲ φοινικα παραχειμαϲαι λιμενα τηϲ κρητηϲ βλεποντα κατα λιβα και κατα χωρον
13 υποπνευϲαντοϲ δε νοτου δοξα̅τεϲ τηϲ προθεϲεωϲ κεκρατηκεναι αραντεϲ αϲϲον παρελεγοντο την κρητην
14 μετ ου πολυ δε εβαλεν κατ αυτηϲ ανεμοϲ τυφωνικοϲ ο καλουμενοϲ ευρακυλων
15 ϲυναρπαϲθεντοϲ δε του πλοιου και μη δυναμενου αντοφθαλμειν τω ανεμω επειδοντεϲ εφερομεθα
16 νηϲιον δε τι υποδραμοντεϲ καλουμενον κλαυδα ιϲχυϲαμεν μολιϲ περικρατειϲ γενεϲθαι τηϲ ϲκαφηϲ
17 ην αρα̅τεϲ βοηθειαιϲ εχρωντο υποζωννυντεϲ το πλοιον φοβουμενοι τε μη ειϲ την ϲυρτιν εκπεϲωϲιν χαλαϲαντεϲ το ϲκευοϲ ουτωϲ εφεροντο
18 ϲφοδρωϲ τε χειμαζομενω̅ ημων τη εξηϲ εκβολην εποιουντο
19 και τη τριτη αυτοχειρεϲ την ϲκευην του πλοιου ερριψα̅
20 μητε δε ηλιου μητε αϲτρων επιφαινοντων επι πλειοναϲ ημεραϲ χειμωνοϲ τε ουχ ολιγου επικειμενου λοιπο̅ περιηρειτο ελπιϲ παϲα του ϲωζεϲθαι ημαϲ
21 πολληϲ τε αϲιτιαϲ υπαρχουϲηϲ ϲταθειϲ ο παυλοϲ εμ μεϲω αυτων ειπεν εδει μεν ω ανδρεϲ πειθαρχηϲανταϲ μοι μη αναγεϲθαι απο τηϲ κρητηϲ κερδηϲαι τε την υβριν ταυτην και την ζημιαν
22 και τα νυν παραινω υμαϲ ευθυμειν αποβολη γαρ ψυχηϲ ουδεμια εϲται εξ υμων πλην του πλοιου
23 παρεϲτη γαρ μοι ταυτη τη νυκτι του θ̅υ̅ ου ειμι εγω ω και λατρευω αγγελοϲ
24 λεγω̅ μη φοβου παυλε καιϲαρι ϲε δει παραϲτηναι και ιδου κεχαριϲται ϲοι ο θ̅ϲ̅ πανταϲ τουϲ πλεονταϲ μετα ϲου
25 διο ευθυμειτε ανδρεϲ πιϲτευω γαρ τω θ̅ω̅ οτι ουτωϲ εϲται καθ ον τροπο̅ λελαληται μοι
26 ειϲ νηϲον δε τινα δει ημαϲ εκπεϲειν
27 ωϲ δε τεϲϲαρεϲκαιδεκατη νυξ επεγενετο διαφερομενων ημων εν τω αδρια κατα μεϲο̅ τηϲ νυκτοϲ υπενοουν οι ναυται προϲαγειν τινα αυτοιϲ χωραν
28 και βολιϲαντεϲ ευρον οργυιαϲ εικοϲι βραχυ δε διαϲτηϲαντεϲ και βαλιν βολιϲαντεϲ ευρον οργυιαϲ δεκαπεντε
29 φοβουμενοι τε μηπω κατα τραχειϲ τοπουϲ εκπεϲωμε̅ εκ πρυμνηϲ ριψαντεϲ αγκυραϲ τεϲϲαραϲ ηυχοντο ημεραν γενεϲθαι
30 των δε ναυτων ζητουντων εκφυγειν εκ του πλοιου και χαλαϲαντω̅ την ϲκαφην ειϲ την θαλαϲϲα̅ προφαϲει ωϲ εκ πρωρηϲ αγκυραϲ μελλοντων εκτινειν
31 ειπεν ο παυλοϲ τω εκατονταρχη και τοιϲ ϲτρατιωταιϲ εαν μη ουτοι μεινωϲιν εν τω πλοιω υμειϲ ϲωθηναι ου δυναϲθαι
32 τοτε απεκοψαν οι ϲτρατιωται τα ϲχοινια τηϲ ϲκαφηϲ και ιαϲα̅ αυτην εκπεϲειν
33 αχρι δε ου ημερα εμελλεν γεινεϲθαι παρεκαλει ο παυλοϲ απανταϲ μεταλαβειν τροφηϲ λεγω̅ τεϲϲαρεϲκαιδεκατην ϲημερο̅ ημεραν προϲδοκωντεϲ αϲιτοι διατελειτε μηθεν προϲλαμβανομενοι
34 διο παρακαλω υμαϲ μεταλαβειν τροφηϲ τουτο γαρ προϲ τηϲ ημετεραϲ ϲωτηριαϲ υπαρχει ουθενοϲ γαρ υμω̅ θριξ απο τηϲ κεφαληϲ απολειται
35 ειπαϲ δε ταυτα και λαβων αρτον ευχαριϲτηϲε̅ τω θ̅ω̅ ενωπιον παντων και κλαϲαϲ ηρξατο εϲθιειν
36 ευθυμοι δε γενομενοι παντεϲ και αυτοι προϲελαβον τροφηϲ
37 ημεθα δε παϲαι ψυχαι εν τω πλοιω διακοϲιαι εβδομηκο̅τα πεντε
38 κορεϲθεντεϲ δε τροφηϲ εκουφιζον το πλοιο̅ εκβαλλομενοι τον ϲιτον ειϲ την θαλαϲϲαν
39 οτε δε ημερα εγενετο την γην ουκ επεγινωϲκον κολπον δε τινα κατενοουν εχοντα αιγιαλον προϲ ον εβουλοντο ει δυναιντο εξωϲαι το πλοιον
40 και ταϲ αγκυραϲ περιελοντεϲ ειων ειϲ την θαλαϲϲαν αμα ανεντεϲ ταϲ ζευκτηριαϲ των πηδαλιων και επαραντεϲ τον αρτεμωνα τη πνευουϲη κατειχον ειϲ τον αιγιαλον
41 περιπεϲοντεϲ δε ειϲ τοπον διθαλαϲϲον {επεκειν} [102] την ναυν και η μεν πρωτη εριϲαϲα εμενεν αϲαλευτοϲ η δε πρυμνα ελυετο υπο τηϲ βιαϲ
42 των δε ϲτρατιωτων βουλη εγενετο ινα τουϲ δεϲμωταϲ αποκτεινωϲιν μη τιϲ εκκολυμβηϲαϲ διαφυγη
43 ο δε εκατονταρχηϲ βουλομενοϲ τον παυλον διαϲωϲαι εκωλυϲεν αυτουϲ του βουληματοϲ εκελευϲεν τε τουϲ δυναμενουϲ κολυμβαν απορριψανταϲ πρωτουϲ επι την γην εξιεναι
44 και τουϲ λοιπουϲ ουϲ μεν επι ϲανιϲιν ουϲ δε επι τινων των απο του πλοιου και ουτωϲ εγενετο πανταϲ διαϲωθηναι επι την γην
Примечания:
41 [102] {επεκειλαν}
Нашли в тексте ошибку? Выделите её и нажмите:
Ctrl + Enter
Деяния апостолов, 27 ΚΕΦΆΛΑΙΟ. Александрийский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.