1 ωϲ δε εγενετο ημαϲ {} [80] αποϲπαϲθε̅ταϲ απ αυτων ευθυδρομηϲαντεϲ ηλθομεν ειϲ την κω τη δε εξηϲ ειϲ την ροδον κακειθεν ειϲ πατερα
2 και ευροντεϲ πλοιο̅ διαπερων ειϲ φοινικην επιβα̅τεϲ ανηχθημεν
3 αναφανεντεϲ δε την κυπρον καταλειποντεϲ αυτην ευωνυμον {} [81] ειϲ ϲυρια̅ και κατηλθομεν ειϲ τυρον εκειϲε γαρ το πλοιον ην αποφορτιζομενον τον γομον
4 ανευροντεϲ δε τουϲ μαθηταϲ επεμειναμεν αυτοιϲ ημεραϲ επτα οιτεινεϲ τω παυλω ελεγον δια του π̅ν̅ϲ̅ μη επιβαινειν ειϲ ιεροϲολυμα
5 οτε δε εγενετο εξαρτιϲαι ημαϲ ταϲ ημεραϲ επορευομεθα προπεμποντω̅ ημαϲ παντων ϲυν γυναιξι και τεκνοιϲ εωϲ εξω τηϲ πολεωϲ και θεντεϲ τα γονατα επι τον αιγιαλον προϲευξαμενοι
6 απηϲπαϲμεθα αλληλουϲ και ανεβημεν ειϲ το πλοιον εκεινοι δε υπεϲτρεψαν ειϲ τα ιδια
7 ημειϲ δε τον πλουν διανοιϲαντεϲ απο τυρου κατεβημεν ειϲ πτολεμαιδα και αϲπαϲαμενοι τουϲ αδελφουϲ επεμειναμεν ημεραν μιαν παρ αυτοιϲ
8 τη δε επαυριον εξελθοντεϲ ηλθομεν ειϲ καιϲαριαν και ειϲελθοντεϲ ειϲ τον οικον φιλιππου του ευαγγελιϲτου οντοϲ εκ των επτα εμειναμεν παρ αυτω
9 τουτω δε ηϲαν θυγατερεϲ τεϲϲαρεϲ παρθενοι προφητευουϲαι
10 επιμενοντω̅ δε ημεραϲ πλειουϲ κατηλθεν τιϲ απο τηϲ ιουδαιαϲ προφητηϲ ονοματι αγαβοϲ
11 και ελθων προϲ ημαϲ και αραϲ την ζωνη̅ του παυλου δηϲαϲ εαυτου ταϲ χειραϲ και τουϲ ποδαϲ ειπεν ταδε λεγει το π̅ν̅α̅ το αγιον το̅ ανδρα ου εϲτιν η ζωνη αυτη ουτωϲ δηϲουϲιν εν ι̅λ̅η̅μ̅ οι ιουδαιοι και παραδωϲου ειϲ χειραϲ εθνων
12 ωϲ δε ηκουϲαμεν ταυτα παρεκαλουμεν ημειϲ τε και οι εντοπιοι του μη αναβαινειν αυτον ειϲ ι̅λ̅η̅μ̅
13 τοτε απεκριθη ο παυλοϲ και ειπεν τι ποιειτε κλαιοντεϲ και ϲυνθρυπτοντεϲ μου την καρδιαν εγω γαρ ου μονον δεθηναι αλλα και αποθανειν ετοιμωϲ εχω ειϲ ι̅λ̅η̅μ̅ υπερ του ονοματοϲ του κ̅υ̅ ι̅υ̅
14 μη πειθομενου δε αυτου ηϲυχαϲαμεν ειποντεϲ του κ̅υ̅ το θελημα γεινεϲθω
15 μετα δε ταϲ ημεραϲ ταυταϲ επιϲκευαϲαμενοι αναιβαινομε̅ ειϲ ιεροϲολυμα
16 ϲυνηλθον δε και των μαθητων απο καιϲαριαϲ ϲυν ημιν αγοντεϲ παρ ω ξενιϲθωμεν μναϲωνι {} [82] κυπριω αρχαιω μαθητη
17 γενομενων δε ημων ειϲ ιεροϲολυμα αϲμενωϲ απεδεξαντο ημαϲ οι αδελφοι
18 τη τε επιουϲη ειϲηει ο παυλοϲ ϲυν ημιν προϲ ιακωβον παντεϲ τε παρεγενο̅το οι πρεϲβυτεροι
19 και αϲπαϲαμενοϲ αυτουϲ εξηγειτο καθ εν εκαϲτον {αυτων} [83] ων εποιηϲεν ο θ̅ϲ̅ εν τοιϲ εθνεϲιν δια τηϲ διακονειαϲ αυτου
20 οι δε ακουϲα̅τεϲ εδοξαζον τον θ̅ν̅ ειπον τε αυτω θεωρειϲ αδελφε ποϲαι μυριαδεϲ ειϲιν εν τοιϲ ιουδαιοιϲ των πεπιϲτευκοτω̅ και παντεϲ ζηλωται του νομου υπαρχουϲιν
21 κατηχηθηϲαν δε περι ϲου οτι αποϲταϲιαν διδαϲκειϲ απο μωϲεωϲ τουϲ κατα τα εθνη ιουδαιουϲ λεγω̅ μη περιτεμνειν αυτουϲ τα τεκνα μηδε τοιϲ εθεϲι περιπατει̅
22 τι ουν εϲτιν παντωϲ δει ϲυνελθειν πληθοϲ ακουϲονται γαρ οτι εληλυθαϲ
23 τουτο ουν ποιηϲον ο ϲοι λεγομεν ειϲι̅ ημιν ανδρεϲ τεϲϲαρεϲ ευχη̅ εχοντεϲ εφ εαυτων
24 τουτουϲ {παραβων} [84] αγνιϲθητι ϲυν {αυτουϲ} [85] και δαπανηϲον επ αυτουϲ ινα ξυρηϲωνται την κεφαλη̅ και γνωϲονται παντεϲ οτι ω̅ κατηχηνται περι ϲου ουδεν εϲτιν αλλα και ϲτοιχειϲ και αυτοϲ φυλαϲϲων τον νομον
25 περι δε των πεπιϲτευκοτω̅ εθνων ημειϲ {επεκρειναμε̅} [86] κριναντεϲ φυλαϲϲεϲθαι αυτουϲ το τε ειδωλοθυτον και αιμα και πνικτον και πορνειαν
26 τοτε ο παυλοϲ παραλαβων τουϲ ανδραϲ τη εχομενη ημερα ϲυν αυτοιϲ αγνιϲθειϲ ειϲηει ειϲ το ιερον διαγγελλων τη̅ εκπληρωϲιν των ημερων του αγνιϲμου εωϲ ου προϲηνεχθη υπερ ενοϲ εκαϲτου αυτω̅ η προϲφορα
27 ωϲ δε εμελλον αι επτα ημεραι ϲυντελειϲθε οι απο τηϲ αϲιαϲ ιουδαιοι θεαϲαμενοι αυτον εν τω ιερω ϲυνεχεον παντα τον οχλον και επεβαλαν επ αυτον ταϲ χειραϲ
28 κραζοντεϲ ανδρε ιϲραηλειτε βοηθειτε ουτοϲ εϲτιν ο α̅ν̅ο̅ϲ̅ ο κατα του λαου και του νομου και του τοπου του αγιου τουτου πανταϲ πανταχη διδαϲκων ετι τε και ελληναϲ ειϲηγαγεν ειϲ το ιερον και κεκοινωκεν τον αγιον τοπον τουτο̅
29 ηϲαν γαρ προεωρακοτεϲ τροφιμον τον εφεϲιον εν τη πολει ϲυν αυτω ον ενομιζον οτι ειϲ το ιερον ειϲηγαγεν ο παυλοϲ
30 εκεινηθη τε η πολειϲ ολη και εγενετο ϲυνδρομη του λαου και επιλαβομενοι του παυλου ειλκον αυτον εξω του ιερου και ευθεωϲ εκλειϲθηϲαν αι θυραι
31 ζητουντων τε αυτο̅ αποκτειναι ανεβη φαϲειϲ τω χειλιαρχω τηϲ ϲπειρηϲ οτι ολη ϲυνχυννεται ι̅λ̅η̅μ̅
32 οϲ εξαυτηϲ παραλαβων ϲτρατιωταϲ και εκατονταρχαϲ κατεδραμεν επ αυτουϲ οι δε ιδοντεϲ τον χιλιαρχον και τουϲ ϲτρατιωταϲ επαυϲαντο τυπτοντεϲ τον παυλον
33 τοτε εγγιϲαϲ ο χιλιαρχοϲ επελαβετο αυτου και εκελευϲε δεθηναι αλυϲεϲι δυϲι και επυ̅θανετο τιϲ ειη και τι εϲτιν πεποιηκωϲ
34 αλλοι δε αλλο τι επεφωνουν εν τω οχλω μη δυναμενου δε αυτου γνωναι το αϲφαλεϲ δια τον θορυβον εκελευϲεν αγεϲθαι αυτον ειϲ την παρεμβολην
35 οτε δε εγενετο επι τουϲ αναβαθμουϲ ϲυνεβη βαϲταζεϲθαι αυτον υπο των ϲτρατιωτων δια την βιαν του οχλου
36 ηκολουθει γαρ το πληθοϲ του λαου κραζοντεϲ αιρε αυτον
37 μελλων τε ειϲαγεϲθαι ειϲ την παρεμβολην ο παυλοϲ λεγει τω χιλιαρχω ει εξεϲτιν μοι ειπειν τι προϲ ϲε ο δε εφη ελληνιϲτι γινωϲκειϲ
38 ουκ αρα ϲυ ει ο αιγυπτιοϲ ο προ τουτων των ημερων αναϲτατωϲαϲ και εξαγαγων ειϲ την ερημον τουϲ τετρακιϲχιλιουϲ ανδραϲ των ϲικαριω̅
39 ειπεν δε ο παυλοϲ εγω α̅ν̅ο̅ϲ̅ με̅ ειμι ιουδαιοϲ ταρϲευϲ τηϲ κιλικιαϲ ουκ αϲημου πολεωϲ πολειτηϲ δεομαι δε ϲου επιτρεψον μοι λαληϲαι προϲ τον λαον
40 επιτρεψαντοϲ δε αυτου ο παυλοϲ εϲτωϲ επι των αναβαθμων κατεϲιϲε τη χειρι τω λαω πολληϲ δε ϲιγηϲ γεναμενηϲ προϲεφωνηϲεν τη ιδια διαλεκτω λεγων
Примечания:
1 [80] {αναχθηναι}
3 [81] {επλεομεν}
16 [82] {τινι}
19 [83] {}
24 [84] {παραλαβων}
24 [85] {αυτοιϲ}
25 [86] {επεϲτειλαμε̅}
Нашли в тексте ошибку? Выделите её и нажмите:
Ctrl + Enter
Деяния апостолов, 21 ΚΕΦΆΛΑΙΟ. Александрийский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.