1 ειπεν δε ο αρχιερευϲ ει ταυτα ουτωϲ εχει
2 ο δε εφη ανδρεϲ αδελφοι και π̅ρ̅ε̅ϲ̅ ακουϲατε ο θ̅ϲ̅ τηϲ δοξηϲ ωφθη τω π̅ρ̅ι̅ ημων αβρααμ οντι εν τη μεϲοποταμια πριν η κατοικηϲαι αυτον εν χαρραν
3 και ειπεν προϲ αυτον εξελθε εκ τηϲ γηϲ ϲου και εκ τηϲ ϲυγγενειαϲ ϲου και δευρο ειϲ τη̅ γην ην αν ϲοι δειξω
4 τοτε εξελθων εκ γηϲ χαλδαιων κατωκηϲεν εν χαρραν κακειθεν μετα αποθανειν τον π̅ρ̅α̅ αυτου μετωκιϲεν αυτον ειϲ την γην ταυτην ειϲ ην υμειϲ νυν κατοικειτε
5 και ουκ εδωκεν αυτω κληρονομιαν εν αυτη ουδε βημα ποδοϲ και επηγγειλατο δουναι αυτην ειϲ καταϲχεϲιν αυτω και τω ϲπερματι αυτου μετ αυτον ουκ οντοϲ αυτω τεκνου
6 ελαληϲεν δε ουτωϲ ο θ̅ϲ̅ οτι εϲται το ϲπερμα αυτου παροικον εν γη αλλοτρια και δουλωϲουϲιν αυτο και κακωϲουϲιν ετη τετρακοϲια
7 και το εθνοϲ ω εαν δουλευϲουϲιν κρινω εγω ο θ̅ϲ̅ ειπεν και μετα ταυτα εξελευϲονται και λατρευϲουϲιν μοι εν τω τοπω τουτω
8 και εδωκεν αυτω διαθηκην περιτομηϲ και ουτωϲ εγεννηϲεν τον ιϲαακ και περιετεμεν αυτον τη ημερα τη ογδοη και ιϲαακ τον ιακωβ και ιακωβ τουϲ δωδεκα πατριαρχαϲ
9 και οι πατριαρχαι ζηλωϲαντεϲ τον ιωϲηφ απεδοντο ειϲ αιγυπτον και ην ο θ̅ϲ̅ μετ αυτου
10 και εξειλατο αυτον εκ παϲω̅ των θλιψεων αυτου και εδωκε̅ χαριν και ϲοφιαν εναντιον φαραω βαϲιλεωϲ αιγυπτου και κατεϲτηϲεν αυτον ηγουμενον επ αιγυπτον και εφ ολον τον οικον αυτου
11 ηλθεν δε λιμοϲ εφ ολην την αιγυπτον και χανααν και θλιψιϲ μεγαλη και ουχ ευριϲκο̅ χορταϲματα οι π̅ρ̅ε̅ϲ̅ ημων
12 ακουϲαϲ δε ιακωβ οντα ϲιτια ειϲ αιγυπτον εξαπεϲτειλεν τουϲ π̅ρ̅α̅ϲ̅ ημων πρωτον
13 και εν τω δευτερω εγνωριϲθη ιωϲηφ τοιϲ αδελφοιϲ αυτου και φανερον εγενετο τω φαραω το γενοϲ αυτου
14 αποϲτειλαϲ δε ιωϲηφ μετεκαλεϲατο ιακωβ το̅ π̅ρ̅α̅ αυτου και παϲαν την ϲυγγενεια̅ εν ψυχαιϲ εβδομηκοντα πεντε
15 και κατεβη ιακωβ ειϲ αιγυπτον και ετελευτηϲεν αυτοϲ και οι π̅ρ̅ε̅ϲ̅ ημων
16 και μετετεθηϲαν ειϲ ϲυχεμ και ετεθηϲαν εν τω μνηματι ω ωνηϲατο αβρααμ τιμηϲ αργυριου παρα των υιων εμμωρ του εν ϲυχεμ
17 ωϲ δε ηγγειζεν ο καιροϲ τηϲ επαγγελειαϲ ηϲ ωμολογηϲεν ο θ̅ϲ̅ τω αβρααμ ηυξηϲεν ο λαοϲ και επληθυνθη εν αιγυπτω
18 αχριϲ ου ανεϲτη βαϲιλευϲ ετεροϲ επ αιγυπτον οϲ ουκ ηδει τον ιωϲηφ
19 ουτοϲ καταϲοφιϲαμενοϲ το γενοϲ ημων εκακωϲεν τουϲ π̅ρ̅α̅ϲ̅ ημων του ποιειν τα βρεφη εκθετα αυτων ειϲ το μη {ωογονειϲθε}[15]
20 εν ω καιρω εγενηθη μωϲηϲ και ην αϲτειοϲ τω θ̅ω̅ οϲ ανετραφη μηναϲ τρειϲ εν τω οικω του π̅ρ̅ϲ̅
21 εκτεθεντοϲ δε αυτου ανειλατο αυτον η θυγατηρ φαραω και ανεθρεψατο αυτον εαυτη ειϲ υιον
22 και επαιδευθη μωϲηϲ εν παϲη ϲοφια αιγυπτιων ην δε δυνατοϲ εν λογοιϲ και εργοιϲ αυτου
23 ωϲ δε επληρουτο αυτω τεϲϲερακονταετηϲ χρονοϲ ανεβη επι την καρδιαν αυτου επιϲκεψαϲθε τουϲ αδελφουϲ αυτου τουϲ υιουϲ ι̅η̅λ̅
24 και ιδων τινα αδικουμενον ημυνατο και εποιηϲεν εκδικηϲιν τω καταπονουμενω παταξαϲ τον αιγυπτιον
25 ενομιζεν δε ϲυνιεναι τουϲ αδελφουϲ αυτου οτι ο θ̅ϲ̅ δια χειροϲ αυτου διδωϲιν ϲωτηριαν αυτοιϲ οι δε ου ϲυνηκαν
26 τη τε επιουϲη ημερα ωφθη αυτοιϲ μαχομενοιϲ και ϲυνηλαϲεν αυτουϲ ειϲ ειρηνην ειπων ανδρεϲ αδελφοι εϲτε ινα τι αδικειτε αλληλουϲ
27 ο δε αδικων τον πληϲιον απωϲατο αυτον ειπων τιϲ ϲε κατεϲτηϲεν αρχοντα και δικαϲτην εφ ημων
28 μη ανελειν με ϲυ θελειϲ ον τροπον ανειλεϲ τον αιγυπτιο̅ χθεϲ
29 εφυγεν δε μωϲηϲ εν τω λογω τουτω και εγενετο παροικοϲ εν γη μαδιαμ ου εγεννηϲε̅ υιουϲ δυο
30 και πληρωθεντων ετων τεϲϲερακοντα ωφθη αυτω εν τη ερημω του ορουϲ ϲινα αγγελοϲ εν πυρι φλογοϲ βατου
31 ο δε μωϲηϲ ιδων εθαυμαϲεν προϲερχομενου δε αυτου κατανοηϲαι εγενετο φωνη κ̅υ̅
32 εγω ο θ̅ϲ̅ των π̅ρ̅ω̅ν̅ ϲου ο θ̅ϲ̅ αβρααμ και ιϲαακ και ιακωβ εντρομοϲ δε γενομενοϲ μωϲηϲ ουκ ετολμα κατανοηϲαι
33 ειπεν δε αυτω κ̅ϲ̅ λυϲον το υποδημα των ποδων ϲου ο γαρ τοποϲ εφ ω εϲτηκαϲ γη αγια εϲτιν
34 ιδων ιδον τη̅ κακωϲιν του λαου μου του εν αιγυπτω και του ϲτεναγμου αυτω̅ ηκουϲα και κατεβην εξελεϲθαι αυτουϲ και νυν δευρο αποϲτειλω ϲε ειϲ αιγυπτον
35 τουτον το̅ μωϲην ον ηρνηϲαντο ειποντεϲ τιϲ ϲε κατεϲτηϲεν αρχοντα και δικαϲτην τουτον ο θ̅ϲ̅ αρχηγο̅ και λυτρωτην απεϲταλκεν ϲυν χειρι αγγελου του οφθεντοϲ αυτω εν τη βατω
36 ουτοϲ εξηγαγε̅ αυτουϲ ποιηϲαϲ τερατα και ϲημεια εν γη αιγυπτω και εν ερυθρα θαλαϲϲη και εν τη ερημω ετη τεϲϲερακοντα
37 ουτοϲ εϲτιν ο μωϲηϲ ο ειπαϲ τοιϲ υιοιϲ ι̅η̅λ̅ προφητη̅ υμιν αναϲτηϲει ο θ̅ϲ̅ εκ των αδελφων υμων ωϲ εμε
38 ουτοϲ εϲτι̅ ο γενομενοϲ εν τη εκκληϲια εν τη ερημω μετα του αγγελου του λαλουντοϲ αυτω εν τω ορει ϲινα και των π̅ρ̅ω̅ν̅ ημων οϲ εδεξατο λογια ζωντα δουναι ημιν
39 ω ουκ ηθεληϲαν υπηκοοι γενεϲθαι οι π̅ρ̅ε̅ϲ̅ ημων αλλα απωϲα̅το και εϲτραφηϲαν εν ταιϲ καρδιαιϲ αυτων ειϲ αιγυπτον
40 ειποντεϲ τω ααρων ποιηϲον ημιν θεουϲ οι προπορευϲονται ημω̅ ο γαρ μωϲηϲ ουτοϲ οϲ εξηγαγεν ημαϲ εκ γηϲ αιγυπτου ουκ οιδαμεν τι εγενετο αυτω
41 και εμοϲχοποιηϲαν εν ταιϲ ημεραιϲ εκειναιϲ και ανηγαγον θυϲιαν τω ιδωλω και ευφραινοντο εν τοιϲ εργοιϲ των χειρων αυτων
42 εϲτρεψεν δε ο θ̅ϲ̅ και παρεδωκεν αυτουϲ λατρευειν τη ϲτρατεια του ο̅υ̅ν̅ο̅υ̅ καθωϲ γεγραπται εν βιβλω των προφητων μη ϲφαγια και θυϲιαϲ προϲηνεγκατε μοι εν τη ερημω {οικοϲ}[16] οικοϲ ι̅η̅λ̅ ετη τεϲϲερακοντα
43 και ανελαβετε την ϲκηνην του μολοχ και το αϲτρον του θ̅υ̅ υμω̅ ραιφαν τουϲ τυπουϲ ουϲ εποιηϲατε προϲκυνειν αυτοιϲ και μετοικειω υμαϲ επεκεινα βαβυλωνοϲ
44 η ϲκηνη του μαρτυριου ην τοιϲ π̅ρ̅α̅ϲ̅ι̅ν̅ υμων ε̅ τη ερημω καθωϲ διεταξατο ο λαλων τω μωϲη ποιηϲαι αυτη̅ κατα τον τυπον ον εωρακει
45 ην και ειϲηγαγον διαδεξαμενοι οι π̅ρ̅ε̅ϲ̅ ημων μετα ι̅υ̅ εν τη καταϲχεϲει των εθνων ων εξωϲεν ο θ̅ϲ̅ απο προϲωπου τω̅ π̅ρ̅ω̅ν̅ ημων εωϲ των ημερω̅ δ̅α̅δ̅
46 οϲ ευρεν χαριν ενωπιον του θ̅υ̅ και ητηϲατο ευρειν ϲκηνωμα τω θ̅ω̅ ιακωβ
47 ϲαλωμων δε ωκοδομηϲεν αυτω οικον
48 αλλ ουχ ο υψιϲτοϲ εν χειροποιητοιϲ κατοικει καθωϲ ο προφητηϲ λεγει
49 ο ο̅υ̅ν̅ο̅ϲ̅ μοι θρονοϲ η δε γη υποποδιον τω̅ ποδων μου ποιον οικον οικοδομηϲεται μοι λεγει κ̅ϲ̅ η τιϲ τοποϲ τηϲ καταπαυϲεωϲ μου
50 ουχι η χειρ μου εποιηϲεν παντα ταυτα
51 ϲκληροτραχηλοι και απεριτμητοι καρδιαιϲ και τοιϲ ωϲι̅ υμειϲ αει τω π̅ν̅ι̅ τω αγιω αντιπιπτετε ωϲ οι π̅ρ̅ε̅ϲ̅ υμων και υμειϲ
52 τινα των προφητων ουκ εδιωξαν οι π̅ρ̅ε̅ϲ̅ υμων και απεκτειναν τουϲ προκαταγγειλανταϲ περι τηϲ ελευϲεωϲ του δικαιου ου νυν υμειϲ προδοται και φονειϲ εγενεϲθε
53 οιτεινεϲ ελαβετε τον νομον ειϲ διαταγαϲ αγγελων και ουκ εφυλαξεϲθε
54 ακουοντεϲ δε ταυτα διεπριοντο ταιϲ καρδιαιϲ αυτων και εβρυχο̅ τουϲ οδονταϲ επ αυτον
55 υπαρχων δε πληρηϲ π̅ν̅ϲ̅ αγιου ατενιϲαϲ ειϲ τον ο̅υ̅ν̅ο̅ν̅ ειδεν δοξαν θ̅υ̅ και ι̅ν̅ εϲτωτα εκ δεξιων του θ̅υ̅
56 και ειπεν ιδου θεωρω τουϲ ο̅υ̅ν̅ο̅υ̅ϲ̅ διηνοιγμενουϲ και τον υ̅ν̅ του α̅ν̅ο̅υ̅ εϲτωτα εκ δεξιων του θ̅υ̅
57 κραξαντεϲ δε φωνη μεγαλη ϲυνεϲχον τα ωτα αυτων και ωρμηϲαν ομοθυμαδον επ αυτον
58 και εκβαλοντεϲ αυτον εξω τηϲ πολεωϲ ελιθοβολουν και οι μαρτυρεϲ απεθεντο τα ιματεια αυτων παρα τουϲ ποδαϲ νεανιου καλουμενου ϲαυλου
59 και ελιθοβολουν τον ϲτεφανον επικαλουμενον και λεγοντα κ̅ε̅ ι̅υ̅ δεξαι το π̅ν̅α̅ μου
60 θειϲ δε τα γονατα εκραξεν φωνη μεγαλη κ̅ε̅ μη ϲτηϲηϲ αυτοιϲ ταυτην την αμαρτιαν και τουτο ειπων εκοιμηθη