1 τι ουν ερουμε̅ αβρααμ τον προπατορα ημων κατα ϲαρκα
2 ει γαρ αβρααμ εξ εργω̅ εδικαιωθη εχει καυχημα αλλ ου προϲ θ̅ν̅
3 τι γαρ η γραφη λεγει επιϲτευϲεν δε αβρααμ τω θ̅ω̅ και ελογιϲθη αυτω ειϲ δικαιοϲυνη̅
4 τω δε εργαζομενω {ο μιϲθοϲ ου λογιζεται κατα χαριν αλλα κατα οφειλημα τω δε μη εργαζομενω} [2] ο μιϲθοϲ ου λογιζεται κατα χαριν αλλα κατα οφειλημα
5 τω δε μη εργαζομενω πιϲτευοντι δε επι τον δικαιουντα τον αϲεβη λογιζεται η πιϲτιϲ αυτου ειϲ δικαιοϲυνην
6 καθαπερ και δαυειδ λεγει τον μακαριϲμον του ανθρωπου ω ο θ̅ϲ̅ λογιζεται δικαιοϲυνην χωριϲ εργων
7 μακαριοι ων αφεθηϲαν αι ανομιαι και ων επεκαλυφθηϲαν αι αμαρτιαι
8 μακαριοϲ ανηρ ου ου μη λογιϲηται κ̅ϲ̅ αμαρτιαν
9 ο μακαριϲμοϲ ουν ουτοϲ επι την περιτομην η και επι τη̅ ακροβυϲτιαν λεγομε̅ γαρ ελογιϲθη τω αβρααμ η πιϲτιϲ ειϲ δικαιοϲυνην
10 πωϲ ουν ελογιϲθη εν περιτομη ο̅τι η εν ακροβυϲτια ουκ εν περιτομη αλλ εν ακροβυϲτια
11 και ϲημειον ελαβεν περιτομηϲ ϲφραγειδα τηϲ δικαιοϲυνηϲ τηϲ πιϲτεωϲ τηϲ εν τη ακροβυϲτια ειϲ το ειναι αυτον πατερα πα̅των των πιϲτευοντων δι ακροβυϲτιαϲ ειϲ το λογιϲθηναι αυτοιϲ την δικαιοϲυνη̅
12 και πατερα περιτομηϲ τοιϲ ουκ εκ περιτομηϲ μονον αλλα και τοιϲ ϲτοιχουϲιν τοιϲ ιχνεϲιν τηϲ εν ακροβυϲτια πιϲτεωϲ του πατροϲ ημων αβρααμ
13 ου γαρ δια νομου η επαγγελια τω αβρααμ η τω ϲπερματι αυτου το κληρονομον αυτον ειναι κοϲμου αλλα δια δικαιοϲυνηϲ πιϲτεωϲ
14 ει γαρ οι εκ νομου κληρονομοι κεκενωται η πιϲτιϲ και κατηργηται η επαγγελια
15 ο γαρ νομοϲ οργην κατεργαζεται ου δε ουκ εϲτι̅ νομοϲ ουδε παραβαϲιϲ
16 δια τουτο εκ πιϲτεωϲ ινα κατα χαριν ειϲ το ειναι βεβαιαν την επαγγελιαν παντι τω ϲπερματι ου τω εκ του νομου μονον αλλα και τω εκ πιϲτεωϲ αβρααμ οϲ εϲτιν πατηρ παντω̅ ημων
17 καθωϲ γεγραπται οτι πατερα πολλων εθνων τεθεικα ϲε κατεναντι ου επιϲτευϲεν θ̅υ̅ του ζωοποιουντοϲ τουϲ νεκρουϲ και καλουντοϲ τα μη οντα ωϲ οντα
18 οϲ παρ ελπιδα επ ελπιδι επιϲτευϲεν ειϲ το γενεϲθαι αυτον πατερα πολλων εθνων κατα το ειρημενον ουτωϲ εϲται το ϲπερμα ϲου
19 και μη αϲθενηϲαϲ τη πιϲτει κατενοηϲεν το εαυτου ϲωμα νενεκρωμενον εκατονταετηϲ που υπαρχων και την νεκρωϲιν τηϲ μητραϲ ϲαρραϲ
20 ειϲ δε την επαγγελιαν του θ̅υ̅ ου διεκριθη τη απιϲτια αλλα ενεδυναμωθη τη πιϲτει δουϲ δοξαν τω θ̅ω̅
21 και πληροφορηθειϲ οτι ο επηγγελται δυνατοϲ εϲτιν και ποιηϲαι
22 διο ελογιϲθη αυτω ειϲ δικαιοϲυνην
23 ουκ εγραφη δε δι αυτον μονον οτι ελογιϲθη αυτω
24 αλλα και δι ημαϲ οιϲ μελλει λογιζεϲθαι τοιϲ πιϲτευουϲιν επι τον εγειραντα ι̅ν̅ τον κ̅ν̅ ημων εκ νεκρων
25 οϲ παρεδοθη δια τα παραπτωματα ημων και ηγερθη δια την δικαιωϲιν ημων
Примечания:
4 [2] {}
Нашли в тексте ошибку? Выделите её и нажмите:
Ctrl + Enter
Послание к Римлянам апостола Павла, 4 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.