1 τον δε αϲθενουντα τη πιϲτει προϲλαμβανεϲθε μη ειϲ διακριϲειϲ διαλογιϲμων
2 οϲ μεν πιϲτευει φαγειν παντα ο δε αϲθενων λαχανα εϲθιει
3 ο εϲθιων τον μη εϲθιοντα μη εξουθενειτω ο δε μη εϲθιων τον εϲθιοντα μη κρινετω ο θ̅ϲ̅ γαρ αυτον προϲελαβετο
4 ϲυ τιϲ ει ο κρινων αλλοτριον οικετην τω ιδιω κυριω ϲτηκει η πιπτει ϲταθηϲεται δε δυνατει γαρ ο κ̅ϲ̅ ϲτηϲαι αυτον
5 οϲ μεν γαρ κρινει ημεραν παρ ημεραν οϲ δε κρινει παϲαν ημεραν εκαϲτοϲ εν τω ιδιω νοι πληροφορειϲθω
6 ο φρονων την ημεραν κ̅ω̅ φρονει και ο εϲθιων κ̅ω̅ εϲθιει ευχαριϲτει γαρ τω θ̅ω̅ και ο μη εϲθιων κ̅ω̅ ουκ εϲθιει και ευχαριϲτει τω θ̅ω̅
7 ουδειϲ γαρ ημων εαυτω ζη και ουδειϲ εαυτω αποθνηϲκει
8 εαν τε γαρ ζωμε̅ τω κ̅ω̅ ζωμεν εαν τε αποθανωμεν τω κ̅ω̅ αποθνηϲκομεν εαν τε ουν ζωμεν εαν τε αποθνηϲκωμεν του κ̅υ̅ εϲμεν
9 ειϲ τουτο γαρ χ̅ϲ̅ απεθανεν και εζηϲεν ινα και νεκρω̅ και ζωντων κυριευϲη
10 ϲυ δε τι κρινειϲ τον αδελφον ϲου η και ϲυ τι εξουθενιϲ τον αδελφον ϲου παντεϲ γαρ παραϲτηϲομεθα τω βηματι του θ̅υ̅
11 γεγραπται γαρ ζω εγω λεγει κ̅ϲ̅ οτι εμοι καμψει παν γονυ και παϲα γλωϲϲα εξομολογηϲεται τω θ̅ω̅
12 αρα ουν εκαϲτοϲ ημων περι αυτου λογον δωϲει τω θ̅ω̅
13 μηκετι ουν αλληλουϲ κρινωμεν αλλα τουτο κρινατε μαλλον το μη τιθεναι προϲκοϲμα τω αδελφω η ϲκανδαλον
14 οιδα και πεπειϲμαι εν κ̅ω̅ ι̅υ̅ οτι ουδεν κοινον δι αυτου ει μη τω λογιζομενω τι κοινον ειναι εκεινω κοινον
15 ει γαρ δια βρωμα ο αδελφοϲ ϲου λυπειται ουκετι κατα αγαπην περιπατειϲ μη τω βρωματι ϲου εκεινον απολλυε υπερ ου χ̅ϲ̅ απεθανεν
16 μη βλαϲφημειϲθω ουν υμων το αγαθον
17 ου γαρ εϲτιν η βαϲιλεια του θ̅υ̅ βρωϲιϲ και ποϲιϲ αλλα δικαιοϲυνη και ειρηνη και χαρα εν π̅ν̅ι̅ αγιω
18 ο γαρ εν τουτω δουλευων τω χ̅ω̅ ευαρεϲτοϲ τω θ̅ω̅ και δοκιμοϲ τοιϲ α̅ν̅ο̅ι̅ϲ̅
19 αρα ουν τα τηϲ ειρηνηϲ διωκωμεν και τα τηϲ οικοδομηϲ τηϲ ειϲ αλληλουϲ
20 μη ενεκεν βρωματοϲ καταλυε το εργον του θ̅υ̅ παντα μεν καθαρα αλλα κακον τω α̅ν̅ω̅ τω δια προϲκομματοϲ εϲθιοντι
21 καλον το μη φαγειν κρεα μηδε πιειν οινον μηδε εν ω ο αδελφοϲ ϲου προϲκοπτει ϲυ
22 πιϲτιν ην εχειϲ κατα ϲεαυτον εχε ενωπιον του θ̅υ̅ μακαριοϲ ο μη κρινων εαυτον εν ω δοκιμαζει
23 ο δε διακρινομενοϲ εαν φαγη κατακεκριται οτι ουκ εκ πιϲτεωϲ παν δε ο ουκ εκ πιϲτεωϲ αμαρτια εϲτιν