1 Хвали́те, о́троцы, Го́спода, хвали́те и́мя Госпо́дне.
2 Бу́ди и́мя Госпо́дне благослове́нно отны́не и до ве́ка.
3 От восто́к со́лнца до за́пад хва́льно и́мя Госпо́дне.
4 Высо́к над все́ми язы́ки Госпо́дь: над небесы́ сла́ва Его́.
5 Кто я́ко Госпо́дь Бог наш? На высо́ких живы́й
6 и на смире́нныя призира́яй на небеси́ и на земли́,
7 воздвиза́яй от земли́ ни́ща и от гно́ища возвыша́яй убо́га,
8 посади́ти eго́ с кня́зи, с кня́зи люде́й свои́х,
9 вселя́я непло́довь в дом ма́терь о ча́дех веселя́щуся.
