1 А́ще не Госпо́дь сози́ждет дом, всу́е труди́шася зи́ждущии. А́ще не Госпо́дь сохрани́т град, всу́е бде стреги́й.
2 Всу́е вам есть у́треневати, воста́нете по седе́нии, яду́щии хлеб боле́зни, егда́ даст возлю́бленным Свои́м сон.
3 Се достоя́ние Госпо́дне сы́нове, мзда плода́ чре́вняго.
4 Я́ко стре́лы в руце́ си́льнаго, та́ко сы́нове оттрясе́нных.
5 Блаже́н, и́же испо́лнит жела́ние свое́ от них. Не постыдя́тся, егда́ глаго́лют враго́м свои́м во врате́х.
