1 Вскую шаташася языцы, и людие поучишася тщетным?
2 Предсташа царие земстии, и князи собрашася вкупе на Господа и на христа его.
3 Расторгнем узы их и отвержем от нас иго их.
4 Живый на небесех посмеется им, и Господь поругается им.
5 Тогда возглаголет к ним гневом своим и яростию своею смятет я:
6 аз же поставлен есмь Царь от него над сионом, горою святою его,
7 возвещаяй повеление Господне. Господь рече ко мне: сын мой еси ты, аз днесь родих тя:
8 проси от мене, и дам ти языки достояние твое, и одержание твое концы земли:
9 упасеши я жезлом железным, яко сосуды скудельничи сокрушиши я.
10 И ныне, царие, разумейте, накажитеся вси судящии земли.
11 Работайте Господеви со страхом, и радуйтеся ему со трепетом.
12 Приимите наказание, да не когда прогневается Господь, и погибнете от пути праведнаго, егда возгорится вскоре ярость его: блажени вси надеющиися нань.
Нашли в тексте ошибку? Выделите её и нажмите:
Ctrl + Enter
Псалтирь, псалом 2. Елизаветинская на русском.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.
Public Domain — общественное достояние.
Елизаветинская Библия, на русском языке.
© 1751, 1756, 1762, 1784 +