1 Песьня ўзыходжаньня. Калі Госпад палонных з Сыону вяртаў, мы былі, як у сьне.
2 Былі тады нашы вусны поўны сьмеху вясёлага, а язык наш — пяяньня. Казалі тады між паганамі: Вялікае Госпад над імі ўчыніў!
3 Вялікае Госпад над намі ўчыніў, і мы былі радыя.
4 Вярні, Госпадзе, нашых палонных, як патокі на землю паўдзённую.
5 Хто ў сьлёзах пасеяў, той жаць будзе з пяяньнем.
6 Народ плачучы йдзе і насеньне нясе на пасеў, але ў радасьці ў хату ён вернецца, снапы сваі нясучы.
