1 Песьня ўзыходжаньня. Да Госпада гукаў я ў бядзе маёй, і Ён мяне выслухаў.
2 Госпадзе, вызваль душу маю ад вуснаў ілжывых, ад языка здрадлівага.
3 Што дасьць табе ды якую карысьць здрадлівы язык прынясе?
4 Вострыя стрэлы ваякі ды вугальле яноўцавае.
5 Гора мне, што я госьць у Масоха, што жыву ля шатроў Кедарскіх!
6 Лішне доўга душа мая жыла сярод тых, што спакой ненавідзяць.
7 Я — самы спакой; ды, як толькі прамоўлю, яны — за вайну.
