ΚΑΙΝΉ ΔΙΑΘΉΚΗ » Codex 02 Александрийский кодекс — 5 век

ΛΟΥΚΑΝ 24 ΚΑΤΑ ΛΟΥΚΑΝ 24 ΚΕΦΆΛΑΙΟ

1 τη δε μια των ϲαββατων ορθου βαθεωϲ ηλθον επι το μνημα φερουϲαι α ητοιμαϲαν αρωματα και τεινεϲ ϲυν αυταιϲ
2 ευρον δε τον λιθον αποκεκυλιϲμενον απο του μνημειου
3 και ειϲελθουϲαι ουχ ευρον το ϲωμα του κ̅υ̅ ι̅υ̅
4 και εγενετο εν τω διαπορειϲθαι αυταϲ περι τουτου και ιδου ανδρεϲ δυο επεϲτηϲαν αυταιϲ εν αιϲθηϲεϲιν αϲτραπτουϲαιϲ
5 εμφοβων δε γενομενων αυτων και κλεινουϲων το προϲωπον ειϲ την γην ειπον προϲ αυταϲ τι ζητειτε τον ζωντα μετα των νεκρων
6 ουκ εϲτιν ωδε αλλ ηγερθη μνηϲθητε ωϲ ελαληϲεν υμιν ετι ων εν τη γαλιλαια
7 λεγων οτι δει τον υιον του α̅ν̅ο̅υ̅ παραδοθηναι ειϲ χειραϲ α̅ν̅ω̅ν̅ αμαρτωλω̅ και ϲταυρωθηναι και τη τριτη ημερα αναϲτηναι
8 και εμνηϲθηϲαν των ρηματων αυτου
9 και υποϲτρεψαϲαι απο του μνημειου απηγγειλαν ταυτα πα̅τα τοιϲ ενδεκα και παϲιν τοιϲ λοιποιϲ
10 η μαγδαληνη μαρια και ιωαννα και μαρια η ιακωβου και αι λοιπαι ϲυν αυταιϲ ελεγο̅ προϲ τουϲ αποϲτολουϲ ταυτα
11 και εφανηϲαν ενωπιον αυτων ωϲει ληροϲ τα ρηματα αυτων και ηπιϲτουν αυταιϲ
12 ο δε πετροϲ αναϲταϲ εδραμε̅ επι το μνημειον και παρακυψαϲ βλεπει τα οθονια κειμενα και απηλθον προϲ εαυτον θαυμαζων το γεγονοϲ
13 και ιδου δυο εξ αυτων ηϲαν πορευομενοι εν αυτη τη ωρα ειϲ κωμην απεχουϲαν ϲταδιουϲ εξηκοντα απο ι̅λ̅η̅μ̅ η ονομα εμμαουϲ
14 και αυτοι ωμιλουν προϲ αλληλουϲ περι πα̅των των ϲυμβεβηκοτων τουτων
15 και εγενετο εν τω ομιλειν αυτουϲ και ϲυνζητειν και αυτοϲ ι̅ϲ̅ εγγιϲαϲ ϲυνεπορευετο αυτοιϲ
16 οι δε οφθαλμοι αυτων εκρατουντο του μη επιγνωναι αυτον
17 ειπεν δε προϲ αυτουϲ τεινεϲ οι λογοι ουτοι ουϲ αντιβαλλετε προϲ αλληλουϲ περιπατουντεϲ και {εϲταθηϲαν} [34] ϲκυθρωποι
18 αποκριθειϲ δε ο ειϲ ω ονομα κλεοπαϲ ειπεν προϲ αυτον ϲυ μονοϲ παροικειϲ ι̅λ̅η̅μ̅ και ουκ εγνωϲ τα γενομενα εν αυτη εν ταιϲ ημεραιϲ ταυταιϲ
19 και ειπεν αυτοιϲ ποια οι δε ειπον αυτω τα περι ι̅υ̅ του ναζωραιου οϲ εγενετο ανηρ προφητηϲ δυνατοϲ εν εργω και εν λογω εναντιον του θ̅υ̅ και παντοϲ του λαου
20 οπωϲ τε αυτον παρεδωκαν οι αρχιερειϲ και οι αρχοντεϲ ημων ειϲ κριμα θανατου και εϲταυρωϲαν αυτον
21 ημειϲ δε ηλπιζομεν οτι αυτοϲ εϲτιν ο μελλων λυτρουϲθαι τον ι̅η̅λ̅ αλλα γε ϲυν παϲιν τουτοιϲ τριτην ταυτην ημεραν αγει ϲημερον αφ ου ταυτα εγενετο
22 αλλα και γυναικεϲ τινεϲ εξ ημων εξεϲτηϲαν ημαϲ γενομεναι ορθριναι επι το μνημειον
23 και μη ευρουϲαι το ϲωμα αυτου ηλθον λεγουϲαι και οπταϲιαν αγγελων εωρακεναι οι λεγουϲιν αυτον ζην
24 και απηλθον τεινεϲ των ϲυν ημιν επι το μνημειον και ευρον ουτωϲ καθωϲ και αι γυναικεϲ ειπον αυτον δε ουκ ειδον
25 και αυτοϲ ειπε̅ προϲ εαυτουϲ ω ανοητοι και βραδειϲ τη καρδια του πιϲτευειν επι παϲιν οιϲ ελαληϲαν οι προφηται
26 ουχι ταυτα εδει παθειν τον χ̅ν̅ και ειϲελθει̅ ειϲ την δοξαν αυτου
27 και αρξαμενοϲ απο μωϲεωϲ και απο παντων των προφητων διερμηνευεν αυτοιϲ εν παϲαιϲ ταιϲ γραφαιϲ τα περι εαυτου
28 και ηγγειϲαν ειϲ την κωμη̅ ου επορευοντο και αυτοϲ προϲεποιηϲατο πορρωτερο̅ πορευεϲθαι
29 και παρεβιαϲαντο αυτον λεγοντεϲ μεινον μεθ ημων οτι προϲ εϲπερα̅ εϲτιν και κεκλικεν η ημερα και ειϲηλθεν του μειναι ϲυ̅ αυτοιϲ
30 και εγενετο εν τω κατακλιθηναι αυτον μετ αυτω̅ λαβων τον αρτον ηυλογηϲε̅ και κλαϲαϲ επεδιδου αυτοιϲ
31 αυτων δε διηνοιχθηϲαν οι οφθαλμοι και επεγνωϲαν αυτο̅ και αυτοϲ αφαντοϲ εγενετο απ αυτων
32 και ειπον προϲ αλληλουϲ ουχι η καρδια ημων καιομενη ην εν ημιν ωϲ ελαληϲεν ημιν εν τη οδω και ωϲ διηνοιγεν ημιν ταϲ γραφαϲ
33 και αναϲταντεϲ αυτη τη ωρα υπεϲτρεψαν ειϲ ι̅λ̅η̅μ̅ και ευρον ϲυνηθροιϲμενουϲ τουϲ ενδεκα και τουϲ ϲυν αυτοιϲ
34 λεγονταϲ οτι ηγερθη ο κ̅ϲ̅ ο̅τωϲ και ωφθη ϲιμωνι
35 και αυτοι εξηγουντο τα εν τη οδω και ωϲ εγνωϲθη αυτοιϲ εν τη κλαϲει του αρτου
36 ταυτα δε αυτων λαλουντων αυτοϲ ο ι̅ϲ̅ εϲτη εμ μεϲω αυτων και λεγει αυτοιϲ ειρηνη υμιν
37 πτοηθεντεϲ δε και εμφοβοι γενομενοι εδοκουν π̅ν̅α̅ θεωρειν
38 και ειπε̅ αυτοιϲ τι τεταραγμενοι εϲται και δια τι διαλογιϲμοι αναβαινουϲιν {�ν ��αι� ���διαιϲ} [35] υμων
39 ειδετε ταϲ χειραϲ μου και τουϲ ποδαϲ μου οτι αυτοϲ εγω ειμι ψηλαφηϲατε με και ιδετε οτι π̅ν̅α̅ ϲαρκα και οϲτεα ουκ εχει καθωϲ εμε θεωρειτε εχοντα
40 και τουτο ειπων επεδειξε̅ αυτοιϲ ταϲ χειραϲ και τουϲ ποδαϲ
41 ετι δε απιϲτου̅των αυτω και θαυμαζοντω̅ απο τηϲ χαραϲ ειπεν αυτοιϲ εχετε τι βρωϲιμον ενθαδε
42 οι δε επεδωκαν αυτω ιχθυοϲ οπτου μεροϲ
43 και λαβων ενωπιον παντων εφαγε̅
44 ειπεν δε αυτοιϲ ουτοι οι λογοι μου ουϲ ελαληϲα προϲ υμαϲ ετι ων ϲυν υμιν οτι δει πληρωθηναι παντα τα γεγραμμενα εν τω νομω μωϲεωϲ και προφηταιϲ και ψαλμοιϲ περι εμου
45 τοτε διηνοιξεν αυτων το̅ νουν του ϲυνιεναι ταϲ γραφαϲ και ειπεν αυτοιϲ
46 οτι ουτωϲ γεγραπται και ουτωϲ εδει παθειν τον χ̅ν̅ και αναϲτηναι εκ νεκρω̅ τη τριτη ημερα
47 και κηρυχθηναι επι τω ονοματι αυτου μετανοιαν και αφεϲιν αμαρτιων ειϲ παντα τα εθνη αρξαμενον απο ι̅λ̅η̅μ̅
48 υμειϲ δε εϲται μαρτυρεϲ τουτων
49 και ιδου εγω αποϲτελλω την επαγγελεια̅ του π̅ρ̅ϲ̅ μου εφ υμαϲ υμειϲ δε καθειϲατε εν τη πολει ι̅λ̅η̅μ̅ εωϲ ου ενδυϲηϲθαι δυναμιν εξ υψουϲ
50 εξηγαγεν δε αυτουϲ εξω εωϲ ειϲ βηθανια̅ και επαραϲ ταϲ χειραϲ αυτου ευλογηϲεν αυτουϲ
51 και εγενετο εν τω ευλογει̅ αυτον αυτουϲ διεϲτη απ {αυτω} [36] και ανεφερετο ειϲ τον ο̅υ̅ν̅ο̅ν̅
52 και αυτοι προϲκυνηϲαντεϲ αυτον υπεϲτρεψα̅ ειϲ ι̅λ̅η̅μ̅ μετα χαραϲ μεγαληϲ
53 και ηϲαν δια παντοϲ {} [37] αινου̅τεϲ και ευλογουντεϲ τον θ̅ν̅ αμην

Примечания:

17  [34] {εϲται}
38  [35] {εν ταιϲ καρδιαιϲ}
51  [36] {αυτων}
53  [37] {εν τω ιερω}

Нашли в тексте ошибку? Выделите её и нажмите: Ctrl + Enter

Евангелие от Луки, 24 ΚΕΦΆΛΑΙΟ. Александрийский кодекс — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ СЛУЖЕНИЕ

ΛΟΥΚΑΝ 24 ΚΕΦΆΛΑΙΟ в переводах:
ΛΟΥΚΑΝ 24 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.