1 ελεγεν δε και παραβολην αυτοιϲ προϲ το δειν παντοτε προϲευχεϲθαι αυτουϲ και μη ενκακειν
2 λεγων κριτηϲ τιϲ ην εν τινι πολει τον θ̅ν̅ μη φοβουμενοϲ και α̅ν̅ο̅ν̅ μη εντρεπομενοϲ
3 χηρα δε ην εν τη πολει εκεινη και ηρχετο προϲ αυτον λεγουϲα εκδικηϲον με απο του αντιδικου μου
4 και ουκ ηθελεν επι χρονον μετα δε ταυτα ειπεν εν εαυτω ει και τον θ̅ν̅ ου φοβουμαι και α̅ν̅ο̅ν̅ ουκ εντρεπομαι
5 δια γε το παρεχειν μοι κοπο̅ την χηραν ταυτην εκδικηϲω αυτην ινα μη ειϲ τελοϲ ερχομενη υπωπιαζη με
6 ειπεν δε ο κ̅ϲ̅ ακουϲαται τι ο κριτηϲ τηϲ αδικιαϲ λεγει
7 ο δε θ̅ϲ̅ ου μη ποιηϲει την εκδικηϲιν των εκλεκτων αυτου των βοωντων προϲ αυτο̅ ημεραϲ και νυκτοϲ και μακροθυμει επ αυτοιϲ
8 λεγω υμιν οτι ποιηϲει την εκδικηϲιν αυτων εν ταχει πλην ο υιοϲ του α̅ν̅ο̅υ̅ ελθω̅ αρα ευρηϲει την πιϲτιν επι τηϲ γηϲ
9 ειπεν δε προϲ τιναϲ τουϲ πεποιθοταϲ εφ εαυτοιϲ οτι ειϲι̅ δικαιοι και εξουθενουνταϲ τουϲ λοιπουϲ την παραβολην ταυτη̅
10 α̅ν̅ο̅ι̅ δυο ανεβηϲαν ειϲ το ιερο̅ προϲευξαϲθαι ο ειϲ φαριϲαιοϲ και ο ετεροϲ τελωνηϲ
11 ο φαριϲαιοϲ ϲταθειϲ προϲ εαυτον ταυτα προϲηυξατο ο θ̅ϲ̅ ευχαριϲτω ϲοι οτι ουκ ειμι ωϲπερ οι λοιποι των α̅ν̅ω̅ν̅ αρπαγεϲ αδικοι μοιχοι η και ωϲ ο τελωνηϲ ουτοϲ
12 νηϲτευω διϲ του ϲαββατου αποδεκατω παντα οϲα κτωμαι
13 και ο τελωνηϲ μακροθεν εϲτωϲ ουκ ηθελεν ουδε τουϲ οφθαλμουϲ ειϲ τον ο̅υ̅ν̅ο̅ν̅ επαραι αλλ ετυπτεν ειϲ το ϲτηθοϲ αυτου λεγων ο θ̅ϲ̅ ιλαϲθητι μοι τω αμαρτωλω
14 λεγω υμιν κατεβη ουτοϲ δεδικαιωμενοϲ ειϲ τον οικο̅ αυτου η γαρ εκεινοϲ οτι παϲ ο υψων εαυτον ταπινωθηϲεται και ο ταπινων εαυτο̅ υψωθηϲεται
15 προϲεφερο̅ δε αυτω και τα βρεφη ινα αυτω̅ απτηται ιδοντεϲ δε οι μαθηται επετειμηϲαν αυτοιϲ
16 ο δε ι̅ϲ̅ προϲκαλεϲαμενοϲ αυτα ειπεν αφετε τα παιδια ερχεϲθαι προϲ με και μη κωλυετε αυτα των γαρ τοιουτων εϲτι̅ η βαϲιλεια του θ̅υ̅
17 αμην λεγω υμιν οϲ εαν μη δεξητε τη̅ βαϲιλειαν του θ̅υ̅ ωϲ παιδιον ου μη ειϲελθη ειϲ αυτην
18 και επηρωτηϲεν τιϲ αυτον αρχων λεγων διδαϲκαλε αγαθε τι ποιηϲαϲ ζωην αιωνιον κληρονομηϲω
19 ειπεν δε αυτω ο ι̅ϲ̅ τι με λεγειϲ αγαθον ουδειϲ αγαθοϲ ει μη ειϲ ο θ̅ϲ̅
20 ταϲ εντολαϲ οιδαϲ μη μοιχευϲηϲ μη φονευϲηϲ μη κλεψηϲ μη ψευδομαρτυρηϲηϲ τιμα τον π̅ρ̅α̅ ϲου και την μ̅ρ̅α̅
21 ο δε ειπεν παντα ταυτα εφυλαξα εκ νεοτητοϲ μου
22 ακουϲαϲ δε ταυτα ο ι̅ϲ̅ ειπεν αυτω ετι εν ϲοι λιπει παντα οϲα εχειϲ πωληϲον και δοϲ πτωχοιϲ και εξειϲ θηϲαυρον εν ο̅υ̅ν̅ο̅ι̅ϲ̅ και δευρο ακολουθει μοι
23 ο δε ακουϲαϲ ταυτα περιλυποϲ εγενετο ην γαρ πλουϲιοϲ ϲφοδρα
24 ιδων δε αυτον ο ι̅ϲ̅ περιλυπον γενομενον ειπε̅ πωϲ δυϲκολωϲ οι τα χρηματα εχοντεϲ ειϲελευϲονται ειϲ την βαϲιλειαν του θ̅υ̅
25 ευκοπωτερον γαρ εϲτιν καμηλο̅ δια τρυμαλιαϲ ραφιδοϲ διελθει̅ η πλουϲιον ειϲ την βαϲιλεια̅ του θ̅υ̅ ειϲελθειν
26 ειπον δε οι ακουϲαντεϲ και τιϲ δυναται ϲωθηναι
27 ο δε ειπεν τα αδυνατα παρα α̅ν̅ο̅ι̅ϲ̅ δυνατα εϲτιν παρα τω θ̅ω̅
28 ειπεν δε πετροϲ ιδου ημειϲ αφηκαμεν παντα και ηκολουθηϲαμεν ϲοι
29 ο δε ειπεν αυτοιϲ αμην λεγω υμιν οτι ουδειϲ εϲτιν οϲ αφηκεν οικιαν η γονειϲ η αδελφουϲ η γυναικα η τεκνα ενεκεν τηϲ βαϲιλειαϲ του θ̅υ̅
30 οϲ ου μη απολαβη πολλαπλαϲιονα εν τω καιρω τουτω και εν τω αιωνι τω ερχομενω ζωην αιωνιο̅
31 παραλαβων δε τουϲ δωδεκα ειπεν προϲ αυτουϲ ιδου αναβαινομεν ειϲ ιεροϲολυμα και τελεϲθηϲεται παντα τα γεγραμμενα δια των προφητω̅ τω υιω του α̅ν̅ο̅υ̅
32 παραδοθηϲεται γαρ τοιϲ εθνεϲιν και ενπεχθηϲεται και υβριϲθηϲεται και εμπτυϲθηϲεται
33 και μαϲτιγωϲαντεϲ αποκτενουϲι̅ αυτον και τη ημερα τη τριτη αναϲτηϲεται
34 και αυτοι ουδεν τουτων ϲυνηκαν και ην το ρημα τουτο κεκρυμμενο̅ απ αυτων και ουκ εγινωϲκο̅ τα λεγομενα
35 εγενετο δε εν τω εγγιζειν αυτον ειϲ ιεριχω τυφλοϲ τιϲ εκαθητο παρα την οδον προϲαιτων
36 ακουϲαϲ δε οχλου διαπορευομενου επυνθανετο τι ειη τουτο
37 απηγγειλαν δε αυτω οτι ι̅ϲ̅ ο ναζωραιοϲ παρερχεται
38 και εβοηϲεν λεγων υιε δ̅α̅δ̅ ελεηϲον με
39 και οι παραγοντεϲ επετειμουν αυτω ινα ϲιωπηϲη αυτοϲ δε πολλω μαλλον εκραζεν υιε δ̅α̅δ̅ ελεηϲον με
40 ϲταθειϲ δε εκελευϲεν αυτον αχθηναι προϲ αυτον εγγιϲαντοϲ δε αυτου επηρωτηϲεν αυτον
41 λεγων τι ϲοι θελειϲ ποιηϲω ο δε ειπεν κ̅ε̅ ινα αναβλεψω
42 και ο ι̅ϲ̅ ειπεν αυτω αναβλεψον η πιϲτιϲ ϲου ϲεϲωκεν ϲε
43 και παραχρημα ανεβλεψεν και ηκολουθει αυτω δοξαζω̅ τον θ̅ν̅ και παϲ ο λαοϲ ιδων εδωκεν αινον τω θ̅ω̅
Нашли в тексте ошибку? Выделите её и нажмите:
Ctrl + Enter
Евангелие от Луки, 18 ΚΕΦΆΛΑΙΟ. Александрийский кодекс — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.