1 Не ѹ҆пова́й на и҆мѣ҄нїѧ твоѧ҄ и҆ не и҆ рцы̀: довѡ́лна мѝ сѹ́ть.
2 Не послѣ́дѹй дѹшѝ твое́й и҆ крѣ́пости твое́й, є҆́же ходи́ти въ по́хотехъ се́рдца твоегѡ̀,
3 и҆ не рцы̀: кто́ мѧ премо́жетъ; гд҇ь бо мстѧ́й ѿмсти́тъ тѝ.
4 Не рцы̀: согрѣши́хъ, и҆ что́ ми бы́сть; гд҇ь бо є҆́сть долготерпѣли́въ.
5 Ѡ҆ ѡ҆чище́нїи безстра́шенъ не бѹ́ди, прилага́ти грѣхѝ на грѣхѝ,
6 не рцы̀: щедро́та є҆гѡ̀ мно́га є҆́сть, мно́жество грѣхѡ́въ мои́хъ ѡ҆ч҇титъ:
7 мл҇ть бо и҆ гнѣ́въ ѹ҆ негѡ̀, и҆ на грѣ́шницѣхъ почі́етъ ѩ҆́рость є҆гѡ̀.
8 Не ме́дли ѡ҆брати́тисѧ ко гд҇ѹ и҆ не ѿлага́й де́нь ѿ днѐ:
9 внеза́пѹ бо и҆зы́детъ гнѣ́въ гд҇ень, и҆ во вре́мѧ мє́сти поги́бнеши.
10 Не ѹ҆пова́й на и҆мѣ҄нїѧ непра́вєдна: ни чи́мже бо ѹ҆по́льзѹютъ въ де́нь наведе́нїѧ.
11 Не вѣ́й себѐ всѧ́кимъ вѣ́тромъ и҆ не ходѝ всѧ́кимъ пѹте́мъ: си́це грѣ́шникъ двоѧзы́ченъ.
12 Бѹ́ди ѹ҆твержде́нъ въ ра́зѹмѣ твое́мъ, и҆ є҆ди́но бѹ́ди сло́во твоѐ.
13 Бѹ́ди ско́ръ въ слѹ́шанїи твое́мъ, и҆ съ долготерпѣ́нїемъ ѿвѣщава́й ѿвѣ́тъ.
14 А҆́ще є҆́сть въ тебѣ̀ ра́зѹмъ, ѿвѣща́й и҆́скреннемѹ: а҆́ще же нѝ, то̀ бѹ́ди рѹка̀ твоѧ̀ на ѹ҆стѣ́хъ твои́хъ.
15 Сла́ва и҆ безче́стїе въ бесѣ́дѣ и҆ ѧ҆зы́къ человѣ́чь паде́нїе є҆мѹ̀.
16 Не словѝ шепотни́къ и҆ ѧ҆зы́комъ твои́мъ не ѹ҆ловлѧ́й:
17 на та́ти бо стѹ́дъ є҆́сть и҆ зазо́ръ лѹка́въ над̾ двоѧзы́чнымъ.
18 Ѡ҆ вели́цѣ и҆ ѡ҆ ма́лѣ не неразѹмѣва́й.
Нашли в тексте ошибку? Выделите её и нажмите:
Ctrl + Enter
Книга Премудрости Иисуса, сына Сирахова, 5 глава. Елизаветинская Библия.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.
Public Domain — общественное достояние.
Елизаветинская Библия на церковнославянском языке.
© 1751, 1762, 1756, 1784