Деяния 19 глава

Деяния святых апостолов
Перевод Еп. Кассиана → Елизаветинская Библия

И было, что в то время, как Аполлос был в Коринфе, Павел, пройдя горные области, пришел в Ефес и нашел неких учеников.

Бы́сть же внегда̀ бы́ти а҆поллѡ́сѹ въ корі́нѳѣ, па́ѵелъ, проше́дъ вы҄шнїѧ страны҄, прїи́де во є҆фе́съ, и҆ ѡ҆брѣ́тъ нѣ҄кїѧ ѹ҆чн҃кѝ,

И он сказал им: приняли ли вы Духа Святого, когда уверовали? А они ему: мы даже и не слышали, есть ли Дух Святой,

речѐ къ ни҄мъ: а҆́ще ѹ҆́бѡ дх҃ъ ст҃ъ прїѧ́ли є҆стѐ вѣ́ровавше; Ѻ҆ни́ же рѣ́ша къ немѹ̀: но нижѐ а҆́ще дх҃ъ ст҃ы́й є҆́сть, слы́шахомъ.

А он сказал: во что же вы были крещены? Они сказали: в крещение Иоанново.

Рече́ же къ ни҄мъ: во что̀ ѹ҆̀бо крести́стесѧ; Ѻ҆ни́ же реко́ша: во ї҆ѡа́нново креще́нїе.

И сказал Павел: Иоанн крестил крещением покаяния, говоря народу, чтобы веровали в Грядущего по нем, то есть в Иисуса.

Рече́ же па́ѵелъ: ї҆ѡа́ннъ ѹ҆́бѡ крестѝ креще́нїемъ покаѧ́нїѧ, лю́демъ глаго́лѧ, да во грѧдѹ́щаго по не́мъ вѣ́рѹютъ, си́рѣчь во хр҇та̀ ї҆и҃са.

И услышали они, и были крещены во имя Господа Иисуса.

Слы́шавше же крести́шасѧ во и҆́мѧ гд҇а ї҆и҃са,

И когда Павел возложил на них руки, пришел на них Дух Святой, и они начали говорить языками и пророчествовать.

и҆ возло́жшѹ па́ѵлѹ на нѧ̀ рѹ́цѣ, прїи́де дх҃ъ ст҃ы́й на нѧ̀, глаго́лахѹ же ѧ҆зы҄ки и҆ проро́чествовахѹ.

Было их всех человек около двенадцати.

Бѧ́ше же всѣ́хъ мѹже́й ѩ҆́кѡ двана́десѧть.

И войдя в синагогу, он дерзновенно проповедовал в течение трех месяцев, споря и убеждая о Царстве Божием.

Вше́дъ же въ со́нмище, дерза́ше, не ѡ҆бинѹ́ѧсѧ трѝ мц҇ы бесѣ́дѹѧ и҆ ѹ҆вѣрѧ́ѧ, ѩ҆̀же ѡ҆ цр҇твїи бж҃їи.

Но когда некоторые начали ожесточаться и не верить, злословя этот Путь перед собранием, то он, отстав от них, отделил учеников и каждый день вел беседы в училище Тиранна.

И҆ є҆гда̀ нѣ́цыи ѡ҆жесточа́хѹсѧ и҆ прѧ́хѹсѧ, ѕлосло́вѧще пѹ́ть гд҇ень пред̾ наро́домъ, ѿстѹ́пль ѿ ни́хъ ѿлѹчѝ ѹ҆чн҃кѝ, по всѧ҄ дни҄ стѧза́ѧсѧ во ѹ҆чи́лищи мѹчи́телѧ {власти́телѧ} нѣ́коегѡ.

Так было в течение двух лет, так что все населяющие Асию услышали слово Господне, как Иудеи, так и Еллины.

Сїе́ же бы́сть два̀ лѣ҄та, ѩ҆́кѡ всѣ҄мъ живѹ́щымъ во а҆сі́и слы́шати сло́во гд҇а ї҆и҃са, жидѡ́мъ же и҆ є҆́ллинѡмъ.

Силы же необычайные Бог творил руками Павла,

Си҄лы же не прѡ́сты творѧ́ше бг҃ъ рѹка́ма па́ѵловыма,

так что и на больных переносили с тела его платки и опоясания, и их покидали болезни, и злые духи выходили.

ѩ҆́кѡ и҆ на недѹ҄жныѧ наноси́ти ѿ (по́та) тѣ́ла є҆гѡ̀ главотѧ́жы и҆ ѹ҆брѹ́сцы, и҆ и҆сцѣли́тисѧ и҆̀мъ ѿ недѹ҄гъ, и҆ дѹхѡ́мъ лѹка҄вымъ и҆сходи́ти ѿ ни́хъ.

А некоторые и из бродячих Иудейских заклинателей попытались призывать над имеющими злых духов имя Господа Иисуса, говоря: заклинаю вас Иисусом, Которого проповедует Павел.

Нача́ша же нѣ́цыи ѿ скита́ющихсѧ ї҆ѹдє́й заклина́телей и҆менова́ти над̾ и҆мѹ́щими дѹ́хи лѹка҄выѧ и҆́мѧ гд҇а ї҆и҃са, глаго́люще: заклина́емъ вы̀ ї҆и҃сомъ, є҆го́же па́ѵелъ проповѣ́дѹетъ.

Делали это семь сыновей некоего Скевы, Иудейского первосвященника.

Бѧ́хѹ же нѣ́цыи сы́нове ске́ѵы ї҆ѹде́анина а҆рхїере́а се́дмь, и҆̀же сїѐ творѧ́хѹ.

Но злой дух сказал им в ответ: Иисуса я знаю, и Павел мне знаком, а вы кто?

Ѿвѣща́въ же дѹ́хъ лѹка́вый речѐ: ї҆и҃са зна́ю и҆ па́ѵла свѣ́мъ, вы́ же кто̀ є҆стѐ;

И бросился на них человек, в котором был злой дух, одолел их всех, и взял над ними такую силу, что они нагие и израненные, выбежали из того дома.

И҆ скачѧ̀ на ни́хъ человѣ́къ, въ не́мже бѣ̀ дѹ́хъ лѹка́вый, и҆ ѡ҆долѣ́въ и҆̀мъ, ѹ҆крѣпи́сѧ на ни́хъ, ѩ҆́коже наги҄мъ и҆ ѹ҆ра́нєнымъ и҆збѣжа́ти ѿ хра́ма ѻ҆́нагѡ.

Это сделалось известным всем Иудеям и Еллинам, живущим в Ефесе, и напал страх на всех их, и величаемо было имя Господа Иисуса.

Сїе́ же бы́сть разѹ́мно всѣ҄мъ живѹ́щымъ во є҆фе́сѣ ї҆ѹде́ємъ же и҆ є҆́ллинѡмъ, и҆ нападѐ стра́хъ на всѣ́хъ и҆̀хъ, и҆ велича́шесѧ и҆́мѧ гд҇а ї҆и҃са:

И многие из уверовавших приходили, исповедуя и объявляя дела свои.

мно́зи же ѿ вѣ́ровавшихъ прихожда́хѹ, и҆сповѣ́дающе и҆ сказѹ́юще дѣла̀ своѧ҄:

А из занимавшихся колдовством довольно многие снесли в кучу свои книги и жгли перед всеми; и подсчитали их цены, и оказалось пятьдесят тысяч серебром.

дово́лни же ѿ сотво́ршихъ чародѣѧ҄нїѧ, собра́вше кни҄ги своѧ҄, сожига́хѹ пред̾ всѣ́ми: и҆ сложи́ша цѣ́ны и҆́хъ и҆ ѡ҆брѣто́ша сребра̀ пѧ́ть те́мъ.

С такой силой Господне слово возрастало и укреплялось.

Си́це крѣ́пкѡ сло́во гд҇не растѧ́ше и҆ крѣплѧ́шесѧ.

Когда это совершилось, Павел положил в духе, пройдя Македонию и Ахаию, идти в Иерусалим, говоря: побывав там, надо мне видеть и Рим.

И҆ ѩ҆́коже сконча́шасѧ сїѧ҄, положѝ па́ѵелъ въ дѹ́сѣ, проше́дъ македо́нїю и҆ а҆ха́їю, и҆тѝ во ї҆ер҇ли́мъ, ре́къ, ѩ҆́кѡ бы́вшѹ мѝ та́мѡ, подоба́етъ мѝ и҆ ри́мъ ви́дѣти.

И послав в Македонию двоих из служивших ему, Тимофея и Ераста, сам остался на время в Асии.

Посла́въ же въ македо́нїю два̀ ѿ слѹжа́щихъ є҆мѹ̀, тїмоѳе́а и҆ є҆ра́ста, са́мъ же пребы́сть вре́мѧ во а҆сі́и.

Произошел в то время мятеж немалый из-за Пути.

Бы́сть же во вре́мѧ ѻ҆́но молва̀ не ма́ла ѡ҆ пѹтѝ гд҇ни:

Ибо некто, по имени Димитрий, серебряных дел мастер, делавший серебряные храмы Артемиды, доставлял художникам немалый заработок.

дими́трїй бо нѣ́кто и҆́менемъ, среброкова́чь, творѧ́й хра́мы срє́брѧны а҆ртемі́дѣ, подаѧ́ше хитрецє́мъ дѣ́ланїе {стѧжа́нїе} не ма́ло,

Собрав их и работников, занятых таким же делом, он сказал: люди, вы знаете, что от этого заработка зависит наше благосостояние.

и҆̀хже собра́въ и҆ и҆́ны сицевы́хъ веще́й дѣ́латєли, речѐ: мѹ́жїе, вѣ́сте, ѩ҆́кѡ ѿ сегѡ̀ дѣ́ланїѧ дово́лство житїю̀ на́шемѹ є҆́сть:

И вы видите и слышите, что не только в Ефесе, но почти во всей Асии Павел этот своими внушениями совратил немало народа, говоря, что делаемое руками — не боги.

и҆ ви́дите и҆ слы́шите, ѩ҆́кѡ не то́кмѡ є҆фе́съ, но ма́лѡ не всю̀ а҆сі́ю па́ѵелъ се́й препрѣ́въ, ѡ҆братѝ мно́гъ наро́дъ, глаго́лѧ, ѩ҆́кѡ не сѹ́ть бо́зи, и҆̀же рѹка́ми человѣ́ческими быва́ютъ:

И опасность для нас не только в том, что это ремесло станет презренным, но что и святилище великой богини Артемиды будет считаться ни во что, и окажется лишенной своего величия и та, которую почитает вся Асия и вселенная.

не то́кмѡ же сїѧ̀ бѣдѹ̀ прїе́млетъ на́ша ча́сть, є҆́же бы во ѡ҆бличе́нїе не прїитѝ, но дабы̀ и҆ вели́кїѧ боги́ни а҆ртемі́ды хра́мъ ни во что́же не вмѣни́лсѧ, и҆́мать же разори́тисѧ и҆ вели́чество є҆ѧ̀, ю҆́же всѧ̀ а҆сі́а и҆ вселе́ннаѧ почита́етъ.

Услышав это и исполнившись ярости, они начали кричать: велика Артемида Ефесская!

Слы́шавше же и҆ бы́вше и҆спо́лнени ѩ҆́рости, вопїѧ́хѹ глаго́люще: вели́ка а҆ртемі́да є҆фе́сскаѧ.

И город исполнился смятением, и все, как один, устремились в театр, потащив с собой Гайя и Аристарха, Македонян, спутников Павла.

И҆ и҆спо́лнисѧ гра́дъ ве́сь мѧте́жа: ѹ҆стреми́шасѧ же є҆динодѹ́шнѡ на позо́рище, восхи́щше га́їа и҆ а҆рїста́рха македо́нѧны, дрѹ́ги {сопѹ́тники} па́ѵлѡвы.

Когда же Павел хотел войти в толпу, ученики его не пускали.

Па́ѵлѹ же хотѧ́щѹ вни́ти въ наро́дъ, не ѡ҆ставлѧ́хѹ є҆гѡ̀ ѹ҆чн҃цы̀:

Некоторые же и из асиархов, будучи ему друзьями, послали просить его не ходить в театр.

нѣ́цыи же ѿ а҆сі́йскихъ нача҄лникъ, сѹ́ще є҆мѹ̀ дрѹ́зи, посла́вше къ немѹ̀, молѧ́хѹ не вда́ти себѐ въ позо́ръ.

Итак, одни кричали одно, другие другое; ибо собрание было беспорядочное, и большинство не знало, чего ради они собрались.

Дрѹзі́и же ѹ҆̀бо и҆́но нѣ́что вопїѧ́хѹ: бѣ́ бо собра́нїе смѹще́но, и҆ мно́жайшїи ѿ ни́хъ не вѣ́дѧхѹ, чесѡ̀ ра́ди собра́шасѧ.

Тогда выдвинули из толпы Александра, выставленного Иудеями. И Александр, дав знак рукой, хотел защищаться перед народом.

Ѿ наро́да же и҆збра́ша а҆леѯа́ндра, и҆зве́дшымъ є҆го̀ ї҆ѹде́ємъ. А҆леѯа́ндръ же, помаа́въ рѹко́ю, хотѧ́ше ѿвѣща́ти наро́дѹ.

Когда же узнали, что он Иудей, то все в один голос закричали, и около двух часов кричали: велика Артемида Ефесская!

Разѹмѣ́вше же, ѩ҆́кѡ ї҆ѹде́анинъ є҆́сть, гла́съ бы́сть є҆ди́нъ ѿ всѣ́хъ, ѩ҆́кѡ на два̀ часа҄ вопїю́щихъ: вели́ка а҆ртемі́да є҆фе́сскаѧ.

Тогда грамматевс, успокоив толпу, сказал: мужи Ефесяне, кто из людей не знает, что город Ефес есть страж великой Артемиды и с неба упавшего образа?

Ѹ҆ти́шивъ же кни́жникъ наро́дъ, речѐ: мѹ́жїе є҆фе́сстїи, кто́ бо є҆́сть человѣ́къ, и҆́же не вѣ́сть, ѩ҆́кѡ є҆фе́сскїй гра́дъ слѹжи́тель є҆́сть вели́кїѧ боги́ни а҆ртемі́ды и҆ дїопе́та;

Итак, раз это непререкаемо, надо вам быть спокойными и ничего сгоряча не делать.

без̾ всѧ́кагѡ ѹ҆̀бо прекосло́вїѧ си҄мъ си́це сѹ́щымъ, потре́бно є҆́сть ва́мъ безмѡ́лвнымъ бы́ти и҆ ничто́же безчи́нно твори́ти:

Ибо привели вы этих мужей, не виновных ни в кощунстве, ни в хуле на нашу богиню.

приведо́сте бо мѹже́й си́хъ, ни хра́мъ (а҆ртемі́динъ) ѡ҆кра́дшихъ, нижѐ боги́ню ва́шѹ хѹ́лѧщихъ:

Итак, если Димитрий и другие с ним художники имеют на кого-нибудь жалобу, — то суды действуют, и есть проконсулы: пусть приносят жалобы друг на друга.

а҆́ще ѹ҆́бѡ дими́трїй и҆ и҆̀же съ ни́мъ хѹдѡ́жницы и҆́мѹтъ къ комѹ̀ сло́во, сѹды̀ сѹ́ть и҆ а҆нѳѷпа́ти сѹ́ть: да пое́млютъ дрѹ́гъ на дрѹ́га:

Если же вы ищете чего-нибудь еще, то это будет решено в законном собрании.

а҆́ще ли же что̀ ѡ҆ и҆ны́хъ и҆́щете, въ зако́ннѣмъ собра́нїи разрѣши́тсѧ:

Ибо мы не сможем оправдаться в этом сборище и подвергаемся опасности быть обвиненными в восстании за то, что без всякого основания произошло сегодня. И сказав это, он распустил собрание.

и҆́бо бѣ́дствѹемъ порица́еми бы́ти ѡ҆ крамолѣ̀ дне́шней, ни є҆ди́нѣй винѣ̀ сѹ́щей, ѡ҆ не́йже возмо́жемъ возда́ти сло́во стремле́нїѧ сегѡ̀. И҆ сїѧ҄ ре́къ распѹстѝ собра́вшїйсѧ наро́дъ.

« 18 глава 20 глава »