1 οψε δε ϲαββατων τη επιφωϲκουϲη ειϲ μιαν ϲαββατω̅ ηλθεν μαρια η μαγδαληνη και η αλλη μαρια θεωρηϲαι τον ταφον
2 και ιδου ϲειϲμοϲ εγενετο μεγαϲ αγγελοϲ γαρ κ̅υ̅ καταβαϲ εξ ουρανου και προϲελθων απεκυλιϲε τον λιθον και εκαθητο επανω αυτου
3 ην δε η ειδε αυτου ωϲ αϲτραπη και το ενδυμα αυτου λευκον ωϲ χιων
4 απο δε του φοβου αυτου εϲειϲθηϲα̅ οι τηρουντεϲ και εγενηθηϲαν ωϲ νεκροι
5 αποκριθειϲ δε ο αγγελοϲ ειπεν ταιϲ γυναιξιν μη φοβειϲθε υμειϲ οιδα γαρ οτι ι̅ν̅ τον εϲταυρωμενον ζητειτε
6 ουκ εϲτιν ωδε ηγερθη γαρ καθωϲ ειπεν δευτε ιδετε τον τοπον οπου εκειτο
7 και ταχυ πορευθειϲαι ειπατε τοιϲ μαθηταιϲ αυτου οτι ηγερθη απο των νεκρων και ιδου προαγει υμαϲ ειϲ την γαλειλαιαν εκει αυτον οψεϲθε ιδου ειπον υμιν
8 και απελθουϲαι ταχυ απο του μνημειου μετα φοβου και χαραϲ μεγαληϲ εδραμον απαγγειλαι τοιϲ μαθηταιϲ αυτου
9 και ιδου ι̅ϲ̅ υπηντηϲεν αυταιϲ λεγων χαιρετε αι δε προϲελθουϲαι εκρατηϲαν αυτου τουϲ ποδαϲ και προϲεκυνηϲα̅ αυτω
10 τοτε λεγει αυταιϲ ο ι̅ϲ̅ μη φοβειϲθε υπαγετε απαγγειλατε τοιϲ αδελφοιϲ μου ινα απελθωϲιν ειϲ την γαλειλαιαν κακει με οψο̅ται
11 πορευομενων δε αυτων ιδου τινεϲ τηϲ ϲκουϲτωδιαϲ ελθοντεϲ ειϲ την πολιν απηγγειλαν τοιϲ αρχιερευϲιν απαντα τα γενομενα
12 και ϲυναχθεντεϲ μετα των πρεϲβυτερων ϲυμβουλιον τε λαβοντεϲ αργυρια ικανα εδωκαν τοιϲ ϲτρατιωταιϲ
13 λεγοντεϲ ειπατε οτι οι μαθηται αυτου νυκτοϲ ελθο̅τεϲ εκλεψαν αυτον ημων κοιμωμενων
14 και εαν ακουϲθη τουτο υπο του ηγεμονοϲ ημειϲ πειϲομεν και υμαϲ αμεριμνουϲ ποιηϲομεν
15 οι δε λαβοντεϲ αργυρια εποιηϲα̅ ωϲ εδιδαχθηϲαν και διεφημιϲθη ο λογοϲ ουτοϲ παρα ιουδαιοιϲ μεχρι τηϲ ϲημερον ημεραϲ
16 οι δε ενδεκα μαθηται επορευθηϲα̅ ειϲ την γαλειλαιαν ειϲ το οροϲ ου εταξατο αυτοιϲ ο ι̅ϲ̅
17 και ιδοντεϲ αυτον προϲεκυνηϲαν οι δε εδιϲταϲαν
18 και προϲελθων ο ι̅ϲ̅ ελαληϲεν αυτοιϲ λεγω̅ εδοθη μοι παϲα εξουϲια {���} [58] εν ουρανω και επι τηϲ γηϲ
19 πορευθε̅τεϲ ουν μαθητευϲατε παντα τα εθνη βαπτιϲαντεϲ αυτουϲ ειϲ το ονομα του πατροϲ και του υιου και του αγιου πνευματοϲ
20 διδαϲκο̅τεϲ αυτουϲ τηρειν πα̅τα οϲα ενετειλαμην υμιν και ιδου εγω μεθ υμων ειμι παϲαϲ ταϲ ημεραϲ εωϲ τηϲ ϲυντελειαϲ του αιωνοϲ
Примечания:
18 [58] {}
Нашли в тексте ошибку? Выделите её и нажмите:
Ctrl + Enter
Евангелие от Матфея, 28 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.