1 και εγενετο οτε ετελεϲεν ο ι̅ϲ̅ διαταϲϲων τοιϲ δωδεκα μαθηταιϲ αυτου μετεβη εκειθεν του διδαϲκειν και κηρυϲϲειν εν ταιϲ πολεϲιν αυτων
2 ο δε ιωανηϲ ακουϲαϲ εν τω δεϲμωτηριω τα εργα του χ̅υ̅ πεμψαϲ δια των μαθητων αυτου
3 ειπεν αυτω ϲυ ει ο ερχομενοϲ η ετερον προϲδοκωμε̅
4 και αποκριθειϲ ο ι̅ϲ̅ ειπε̅ αυτοιϲ πορευθεντεϲ απαγγειλατε ιωανει α ακουετε και βλεπετε
5 τυφλοι αναβλεπουϲι̅ και χωλοι περιπατουϲιν λεπροι καθαριζοντε και κωφοι ακουουϲιν και νεκροι εγειροντε και πτωχοι ευαγγελιζονται
6 και μακαριοϲ εϲτιν οϲ αν μη ϲκα̅δαλιϲθη εν εμοι
7 τουτων δε πορευομενω̅ ηρξατο ο ι̅ϲ̅ λεγειν τοιϲ οχλοιϲ περι ιωανου τι εξηλθατε ειϲ την ερημον θεαϲαϲθαι καλαμον υπο ανεμου ϲαλευομενον
8 αλλα τι εξηλθατε ιδειν ανθρωπον εν μαλακοιϲ ημφιεϲμενον ιδου οι τα μαλακα φορουντεϲ εν τοιϲ οικοιϲ των βαϲιλεων
9 αλλα τι εξηλθατε προφητην ιδειν ναι λεγω υμιν και περιϲϲοτερον προφητου
10 ουτοϲ εϲτιν περι ου γεγραπται ιδου εγω αποϲτελλω τον αγγελον μου προ προϲωπου ϲου οϲ καταϲκευαϲει την οδον ϲου εμπροϲθεν ϲου
11 αμην λεγω υμι̅ ουκ εγηγερται εν γεννητοιϲ γυναικων μειζων ιωανου του βαπτιϲτου ο δε μεικροτεροϲ εν τη βαϲιλεια των ουρανων μειζων αυτου εϲτιν
12 απο δε των ημερων ιωανου του βαπτιϲτου εωϲ αρτι η βαϲιλεια των ουρανων βιαζεται και βιαϲται αρπαζουϲιν αυτην
13 παντεϲ γαρ οι προφηται και ο νομοϲ εωϲ ιωανου επροφητευϲαν
14 και ει θελετε δεξαϲθαι αυτοϲ εϲτιν ηλειαϲ ο μελλω̅ ερχεϲθαι
15 ο εχων ωτα ακουετω
16 τινι δε ομοιωϲω την γενεαν ταυτην ομοια εϲτιν παιδιοιϲ καθημενοιϲ εν ταιϲ αγοραιϲ α προϲφωνουντα τοιϲ ετεροιϲ
17 λεγουϲιν ηυληϲαμεν υμιν και ουκ ωρχηϲαϲθε εθρηνηϲαμεν και ουκ εκοψαϲθε
18 ηλθεν γαρ ιωανηϲ μητε εϲθιων μητε πεινω̅ και λεγουϲιν δαιμονιον εχει
19 ηλθεν ο υιοϲ του ανθρωπου εϲθειων και πεινων και λεγουϲιν ιδου ανθρωποϲ φαγοϲ και οινοποτηϲ τελωνων φιλοϲ και αμαρτωλων και εδικαιωθη η ϲοφια απο τω̅ {εργων} [19] αυτηϲ
20 τοτε ηρξατο ονειδιζειν ταϲ πολειϲ εν αιϲ εγενοντο αι πλειϲται δυναμειϲ αυτου οτι ου μετενοηϲαν
21 ουαι ϲοι χοραζει̅ ουαι ϲοι βηθϲαιδαν οτι ει εν τυρω και ϲειδωνι εγενοντο αι δυναμειϲ αι γενομεναι εν υμιν παλαι αν εν ϲακκω και ϲποδω μετενοηϲα̅
22 πλην λεγω υμιν τυρω και ϲειδωνι ανεκτοτερον εϲται εν ημερα κριϲεωϲ η υμιν
23 και ϲυ καφαρναουμ μη εωϲ ουρανου υψωθηϲη εωϲ αδου καταβηϲη οτι ει εν ϲοδομοιϲ εγενηθηϲαν αι δυναμειϲ αι γενομεναι εν ϲοι εμεινεν αν μεχρι τηϲ ϲημερον
24 πλην λεγω υμιν οτι γη ϲοδομων ανεκτοτερον εϲται εν ημερα κριϲεωϲ η ϲοι
25 εν εκεινω τω καιρω αποκριθειϲ ο ι̅ϲ̅ ειπεν εξομολογουμαι ϲοι πατερ κ̅ε̅ του ουρανου και τηϲ γηϲ οτι εκρυψαϲ ταυτα απο ϲοφω̅ και ϲυνετων και απεκαλυψαϲ αυτα νηπιοιϲ
26 ναι ο πατηρ οτι ουτωϲ ευδοκια εγενετο εμπροϲθεν ϲου
27 παντα μοι παρεδοθη υπο του πατροϲ μου και ουδειϲ επιγινωϲκει τον υιον ει μη ο πατηρ ουδε τον πατερα τιϲ επιγεινωϲκει ει μη ο υιοϲ και ω εαν βουληται ο υιοϲ αποκαλυψαι
28 δευτε προϲ με παντεϲ οι κοπιωντεϲ και πεφορτιϲμενοι καγω αναπαυϲω υμαϲ
29 αρατε τον ζυγον μου εφ υμαϲ και μαθετε απ εμου οτι πραυϲ ειμι και ταπεινοϲ τη καρδια και ευρηϲεται αναπαυϲιν ταιϲ ψυχαιϲ υμω̅
30 ο γαρ ζυγοϲ μου χρηϲτοϲ και το φορτιον μου ελαφρον εϲτιν
Примечания:
19 [19] {τεκνων}
Нашли в тексте ошибку? Выделите её и нажмите:
Ctrl + Enter
Евангелие от Матфея, 11 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.